ಬರೋಬ್ಬರಿ 800 ಕೋಟಿಗೆ ನೊಬೆಲ್ ಶಾಂತಿ ಪ್ರಶಸ್ತಿ ಹರಾಜು!
Team Udayavani, Jun 22, 2022, 6:50 AM IST
ನ್ಯೂಯಾರ್ಕ್: ರಷ್ಯಾದ ಪ್ರಸಿದ್ಧ ಪತ್ರಕರ್ತ ಡಿಮಿಟ್ರಿ ಮುರಾಟೋವ್ ಅವರು ತಮ್ಮ ನೊಬೆಲ್ ಶಾಂತಿ ಪ್ರಶಸ್ತಿಯನ್ನು ಹರಾಜು ಮಾಡಿದ್ದು, ಬರೋಬ್ಬರಿ 808 ಕೋಟಿ ರೂ. ಮೌಲ್ಯಕ್ಕೆ ಪ್ರಶಸ್ತಿಯು ಹರಾಜಾಗಿದೆ.
ಉಕ್ರೇನ್ನ ಮೇಲೆ ರಷ್ಯಾ ದಾಳಿಯಿಂದಾಗಿ ತಬ್ಬಲಿಗಳಾಗಿರುವ ಮಕ್ಕಳ ಭವಿಷ್ಯಕ್ಕಾಗಿ ಈ ಹರಾಜು ನಡೆಸಲಾಗಿತ್ತು. ಹರಾಜಿನಲ್ಲಿ ಬಂದ ಹಣವನ್ನು ಯುನಿಸೆಫ್ ಗೆ ಕೊಡುವುದಾಗಿ ಡಿಮಿಟ್ರಿ ತಿಳಿಸಿದ್ದಾರೆ.
ಅವರಿಗೆ 2021ರ ಅಕ್ಟೋಬರ್ನಲ್ಲಿ ನೊಬೆಲ್ ಶಾಂತಿ ಪ್ರಶಸ್ತಿ ಕೊಟ್ಟು ಗೌರವಿಸಲಾಗಿತ್ತು. ಈ ಹಿಂದೆ ಜೇಮ್ಸ್ ವ್ಯಾಟ್ಸನ್ ಅವರು ತಮ್ಮ ನೋಬೆಲ್ ಪ್ರಶಸ್ತಿಯನ್ನು 2014ರಲ್ಲಿ ಹರಾಜು ಕೂಗಿದ್ದು, 37 ಕೋಟಿ ರೂ.ಗೆ ಅದು ಹರಾಜಾಗಿತ್ತು.