UK PM Rishi Sunak ವಿರುದ್ಧ ಸಂಸತ್‌ ಸಮಿತಿ ತನಿಖೆ

Team Udayavani, Apr 18, 2023, 7:50 AM IST

ಲಂಡನ್‌: ಬ್ರಿಟನ್‌ ಪ್ರಧಾನಿ ರಿಷಿ ಸುನಕ್‌ ಪತ್ನಿ ಅಕ್ಷತಾ ಮೂರ್ತಿ ಕಂಪೆನಿ ಕೋರು ಕಿಡ್ಸ್‌ನಲ್ಲಿ ಹೂಡಿಕೆ ಮಾಡಿದ್ದ ವಿಚಾರಕ್ಕೆ ಸಂಬಂಧಿಸಿದಂತೆ ಸಂಸತ್‌ ಸಮಿತಿಯಿಂದ ವಿಚಾರಣೆಗೆ ಒಳಗಾಗಲಿದ್ದಾರೆ. ಕಳೆದ ಗುರುವಾರವೇ ಸಂಸತ್‌ ಸಮಿತಿಯ ಆ ಯುಕ್ತ ಡೇನಿಯಲ್‌ ಗ್ರೀನ್‌ಬರ್ಗ್‌ ಅವರು ಈ ಬಗ್ಗೆ ಮಾಹಿತಿ ನೀಡಿದ್ದ ಅಂಶ ಬೆಳಕಿಗೆ ಬಂದಿದೆ. ಜತೆಗೆ ಸಮಿತಿಯ ವೆಬ್‌ಸೈಟ್‌ನಲ್ಲಿ ಕೂಡ ಅಪ್‌ಡೇಟ್‌ ಮಾಡಿದ್ದಾರೆ.

ಹಿಂದಿನ ಸಂಸತ್‌ ಚುನಾವಣೆ ಸ್ಪರ್ಧೆ ವೇಳೆ ರಿಷಿ ಸುನಕ್‌ ಸಲ್ಲಿಸಿದ್ದ ಹೂಡಿಕೆಯ ವಿವರಗಳ ಬಗ್ಗೆ ವಿಪಕ್ಷಗಳು ಭಾರೀ ಆಕ್ಷೇಪ ಮಾಡಿದ್ದವು. ಜತೆಗೆ ಕಳೆದ ತಿಂಗಳು ಕೂಡ ಬ್ರಿಟನ್‌ ಪ್ರಧಾನಿಯ ಪತ್ನಿ ಅಕ್ಷತಾಮೂರ್ತಿಯವರ ಹೂಡಿಕೆ ಬಗ್ಗೆ ಮತ್ತಷ್ಟು ವಿವರಣೆ ನೀಡಬೇಕು ಎಂದು ಒತ್ತಾಯಿಸಿದ್ದವು.

ಸಂಸತ್‌ ಸದಸ್ಯರು ಯಾವ ರೀತಿ ನಡೆದುಕೊಳ್ಳಬೇಕು ಎಂಬ ನೀತಿ ಸಂಹಿತೆಯ ಅನ್ವಯ ತನಿಖೆ ನಡೆಯಲಿದೆ. ಸಂಸದರು ತಮ್ಮ ಹಾಗೂ ಕುಟುಂಬ ಸದಸ್ಯರ ಹೂಡಿಕೆಯ ವಿವರಗಳನ್ನು ಪ್ರಕಟಿಸಬೇಕಾಗುತ್ತದೆ.