ಶಿಕ್ಷಾರ್ಹ ಅಪರಾಧ… “ಈ” ದೇಶದಲ್ಲಿ ಸಮೋಸಾ ತಯಾರಿಸುವುದು, ತಿನ್ನುವುದು ನಿಷೇಧ!
ಗರಿಗರಿಯಾದ ಸಮೋಸಾ ಹಲವರಿಗೆ ಮೆಚ್ಚಿನ ತಿಂಡಿಯಾಗಿದೆ.
Team Udayavani, Dec 13, 2022, 12:55 PM IST
ಮೊಗಾದಿಶು(ಆಫ್ರಿಕಾ): ಭಾರತೀಯ ಉಪಖಂಡದಾದ್ಯಂತ ಸಮೋಸಾ ಜನಪ್ರಿಯ ತಿಂಡಿಯಾಗಿದೆ. ಭಾರತ, ಬಾಂಗ್ಲಾದೇಶ, ಪಾಕಿಸ್ತಾನ ಮತ್ತು ನೇಪಾಳದಲ್ಲಿ ಜನರು ಸಮೋಸಾದ ಜತೆ ಟೀಯನ್ನು ತುಂಬಾ ಇಷ್ಟಪಟ್ಟು ತಿನ್ನುತ್ತಾರೆ. ಹೀಗೆ ಅನೇಕ ಭಾರತೀಯ ಖಾದ್ಯಗಳು ವಿದೇಶಗಳಲ್ಲೂ ಹೆಸರುವಾಸಿಯಾಗಿದೆ. ಸಾಮಾನ್ಯವಾಗಿ ತಿಳಿದಿರುವಂತೆ ಪಾಶ್ಚಾತ್ಯ ದೇಶಗಳಲ್ಲಿಯೂ ಸಮೋಸಾ ಅಂಗಡಿಗಳು ಜನಪ್ರಿಯವಾಗಿವೆ.
ಇದನ್ನೂ ಓದಿ:ಒಂದೆಡೆ ಮದುವೆ, ಮತ್ತೊಂದೆಡೆ ಗಲಾಟೆ..: ಏನಿದು ವೈರಲ್ ವಿಡಿಯೋ
ಆಲೂಗಡ್ಡೆ, ವಿವಿಧ ತರಕಾರಿಗಳನ್ನೊಳಗೊಂಡ ಗರಿಗರಿಯಾದ ಸಮೋಸಾ ಹಲವರಿಗೆ ಮೆಚ್ಚಿನ ತಿಂಡಿಯಾಗಿದೆ. ಆದರೆ ಈ ಜನಪ್ರಿಯ ತಿಂಡಿ ಜಗತ್ತಿನ “ಈ” ದೇಶದಲ್ಲಿ ನಿಷೇಧಿಸಲಾಗಿದೆ ಎಂಬ ವಿಚಾರ ನಿಮಗೆ ತಿಳಿದಿದೆಯಾ? ಹೌದು ಈ ದೇಶದ ಕಾನೂನು ಪ್ರಕಾರ ಸಮೋಸಾ ತಯಾರಿಸುವುದಾಗಲಿ ಅಥವಾ ತಿನ್ನುವುದಾಗಲಿ ಅಪರಾಧ! ಒಂದು ವೇಳೆ ನೀವು ಕಾನೂನು ಉಲ್ಲಂಘಿಸಿದರೆ ನಿಮಗೆ ಶಿಕ್ಷೆ ಖಚಿತ ಎಂದು ವರದಿ ತಿಳಿಸಿದೆ.
ಆಫ್ರಿಕಾದ ಸೋಮಾಲಿಯಾದಲ್ಲಿ ಸಮೋಸಾ ನಿಷೇಧಿತ ತಿಂಡಿಯಾಗಿದೆ. ಜನಪ್ರಿಯ ಪಾಶ್ಚಾತ್ಯ ತಿಂಡಿ ಸಮೋಸಾವನ್ನು ಸೋಮಾಲಿಯಾದ ಉಗ್ರಗಾಮಿ ಇಸ್ಲಾಮ್ ಬಂಡುಕೋರರು ನಿಷೇಧಿಸಿ ಫರ್ಮಾನು ಹೊರಡಿಸಿದ್ದಾರೆ. ಸೋಮಾಲಿಯಾದಲ್ಲಿ ನಡೆಯುತ್ತಿರುವ ನಾಗರಿಕ ಯುದ್ಧದಲ್ಲಿ ಅಲ್ ಶಬಾಬ್ ಮೂಲಭೂತವಾದಿ ಗುಂಪು ಸಕ್ರಿಯವಾಗಿ ತೊಡಗಿಸಿಕೊಂಡಿದೆ. ಈ ಗುಂಪು ಸೋಮಾಲಿಯದಲ್ಲಿನ ಅಲ್ ಖೈದಾ ಜೊತೆ ನಿಕಟ ಸಂಪರ್ಕ ಹೊಂದಿದ್ದು, ಸೋಮಾಲಿಯಾದ ಬಹುತೇಕ ಭಾಗ ತನ್ನ ಹಿಡಿತದಲ್ಲಿ ಇಟ್ಟುಕೊಂಡಿದ್ದು, 2011ರಿಂದ ಸಮೋಸಾವನ್ನು ನಿಷೇಧಿಸಿರುವುದಾಗಿ ವರದಿ ವಿವರಿಸಿದೆ.
ಸಮೋಸಾ ನಿಷೇಧದ ಬಗ್ಗೆ ಉಗ್ರಗಾಮಿ ಗುಂಪು ಅಧಿಕೃತವಾಗಿ ಯಾವುದೇ ವಿವರಣೆಯನ್ನು ನೀಡಿಲ್ಲ. ಆದರೆ ಸಮೋಸಾ ಕ್ರಿಶ್ಚಿಯನ್ ಸಮುದಾಯದ ಶಿಲುಬೆಯಂತೆ ತ್ರಿಕೋನಾಕೃತಿಯಲ್ಲಿರುವುದರಿಂದ ಉಗ್ರಗಾಮಿ ಗುಂಪು ಅದನ್ನು ನಿಷೇಧಿಸಿರುವುದಾಗಿ ಮಾಧ್ಯಮಗಳ ವರದಿ ತಿಳಿಸಿವೆ. ಸ್ಥಳೀಯವಾಗಿ ಸಾಂಬುಸಾಸ್ (ಸಮೋಸಾ) ಎಂದು ಕರೆಯಲಾಗುವ ಈ ತಿಂಡಿಯನ್ನು ಯಾರಾದರೂ ತಿನ್ನುವುದಾಗಲಿ ಅಥವಾ ತಯಾರಿಸುವುದು ಕಂಡುಬಂದಲ್ಲಿ ಶಿಕ್ಷಾರ್ಹ ಅಪರಾಧವಾಗಿದೆ ಎಂದು ವರದಿ ತಿಳಿಸಿದೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Loksabha Election: ಶಿವಮೊಗ್ಗ ಕ್ಷೇತ್ರಕ್ಕೆ 20 ಸಾವಿರ ಕೋಟಿ ಅನುದಾನ: ಬಿ.ವೈ. ರಾಘವೇಂದ್ರ
Davanagere; ಮೋದಿ ಹೆಸರಲ್ಲಿ ಮತಯಾಚನೆಗೆ ಸಂಕೋಚವಿಲ್ಲ: ಗಾಯಿತ್ರಿ ಸಿದ್ದೇಶ್ವರ
Baghdad; ಜೈಲು ಶಿಕ್ಷೆಗೆ ಒಳಗಾಗಿದ್ದ ಟಿಕ್ ಟಾಕ್ ಸ್ಟಾರ್ ಉಮ್ ಫಾಹದ್ ಹತ್ಯೆ
Rishabh Pant : ಸಾವಿನ ಕದ ತಟ್ಟಿ, ಮತ್ತೆ ಆಡಲಿಳಿದ ರಿಷಭ್ ಪಂತ್
Amruthapura: ಅಮೃತಪುರವೆಂಬ ಅದ್ಭುತ ತಾಣ