ಇಂದು ನಿಮ್ಮ ಗ್ರಹಬಲ: ಈ ರಾಶಿಯವರಿಗಿಂದು ಭೂ ವ್ಯವಹಾರದಲ್ಲಿ ಲಾಭಾಂಶ ಹೆಚ್ಚಿದೆ

Team Udayavani, Jan 10, 2021, 7:48 AM IST

10-01-2021

ಮೇಷ: ಹಿರಿಯರೊಡನೆ ಭಿನ್ನಾಭಿಪ್ರಾಯವು ಮೂಡಿಬಂದು ಮನಃಶಾಂತಿಗೆ ಭಂಗ ಬರಲಿದೆ. ಉದ್ಯೋಗದಲ್ಲಿ ಎಷ್ಟು ಉತ್ತಮ ಕೆಲಸ ಮಾಡಿದರೂ ಅಪವಾದ ತಪ್ಪದು. ಸಹೋದ್ಯೋಗಿಗಳೊಂದಿಗೆ ಉತ್ತಮ ಸಂಬಂಧ.

ವೃಷಭ: ಸಹೋದರರೊಡನೆ ಲೇವಾದೇವಿ ವ್ಯವಹಾರದಲ್ಲಿ ಅಸಮಾಧಾನವು ಕಾಡಲಿದೆ. ಸಾಮಾಜಿಕವಾಗಿ ನಿಮ್ಮ ಗೌರವ, ಘನತೆ ಹೆಚ್ಚಾದರೂ ಆರೋಗ್ಯದಲ್ಲಿ ಸುಧಾರಣೆಯಾಗುತ್ತಲೇ ಹೋಗಲಿದೆ. ಕಿರು ಸಂಚಾರ ಕೂಡಿ ಬರಲಿದೆ.

ಮಿಥುನ: ಉತ್ತರದ ಪ್ರದೇಶಗಳಿಗೆ ಪ್ರವಾಸ, ತೀರ್ಥಯಾತ್ರಾದಿಗಳ ಸಂಭವ ಕಂಡುಬರಲಿದೆ. ಕಾರ್ಯರಂಗದಲ್ಲಿ ಸಣ್ಣ ತಪ್ಪು ಕಂಡುಬಂದು ಮನಸ್ತಾಪ ಹಾಗೂ ಸ್ಥಾನಕ್ಕೂ ಕುತ್ತು ಬಂದೀತು. ಭೂ ವ್ಯವಹಾರದಲ್ಲಿ ಲಾಭಾಂಶ ಹೆಚ್ಚಿದೆ.

ಕರ್ಕ: ಸಾಹಿತ್ಯ, ಕಲೆ ವಿಭಾಗಗಳಲ್ಲಿ ನಿಮ್ಮನ್ನು ಗುರುತಿಸುವ ಕೆಲಸ ನಡೆಯಲಿದೆ. ಗೆಳೆಯರು, ಹಿತಬಂಧುಗಳು ನಿಮ್ಮಿಂದ ಸಹಾಯವನ್ನು ನಿರೀಕ್ಷಿಸಿಯಾರು. ತೋಟಗಾರಿಕೆ, ಕೃಷಿ, ಹೈನುಗಾರಿಕೆಯವರಿಗೆ ಆದಾಯ ವೃದ್ಧಿಯಾಗಲಿದೆ.

ಸಿಂಹ: ನೂತನ ವಸ್ತ್ರ ಹಾಗೂ ಆಭರಣಗಳ ಖರೀದಿಯಿಂದ ಸಂತಸವಾದೀತು. ದಾಂಪತ್ಯ ಸುಖದ ಸುಯೋಗವು ವಿವಾಹಿತರಿಗೆ ಕಂಡುಬರಲಿದೆ. ಆರೋಗ್ಯದಲ್ಲಿ ಸ್ವಲ್ಪ ಸಣ್ಣಪುಟ್ಟ ತೊಂದರೆಗಳು ಕಂಡುಬಂದು ಕಿರಿಕಿರಿ.

ಕನ್ಯಾ: ಸಮೀಪದ ಬಂಧುಗಳ ಸಮಾಗಮದಿಂದ ಹರ್ಷ ತಂದೀತು. ಗೃಹಿಣಿಗೆ ವಾತದೋಷದಿಂದ ಸಂದುನೋವು ಕಂಡುಬಂದೀತು. ದೇವತಾ ಹಾಗೂ ಪುಣ್ಯಕ್ಷೇತ್ರದ ದರ್ಶನದಿಂದ ಸಮಾಧಾನ ಹಾಗೂ ಸಂತಸವಾಗಲಿದೆ.

ತುಲಾ: ವ್ಯಾಪಾರ, ವ್ಯವಹಾರದಲ್ಲಿ ಧನವಿನಿಯೋಗದಲ್ಲಿ ಎಚ್ಚರವಿರಲಿ. ಸಾಲಸೋಲಗಳನ್ನು ಮಾಡಲು ಹೋಗದಿರಿ. ಸಂಯಮದಿಂದ ಕಾರ್ಯಸಿದ್ಧಿಯಾಗಲಿದೆ. ಇಷ್ಟಪ್ರಾಪ್ತಿಗಾಗಿ ದೇವತಾನುಗ್ರಹ ಮಾಡಿಕೊಳ್ಳಿರಿ. ಮುನ್ನಡೆಯಿರಿ.

ವೃಶ್ಚಿಕ: ಆರೋಗ್ಯಭಾಗ್ಯವನ್ನು ಕಾಪಾಡಿಕೊಳ್ಳುವ ಅಗತ್ಯವಿದೆ. ಧರ್ಮಕಾರ್ಯಗಳು ವಿಘ್ನ ಭಯದಿಂದಲೇ ನಡೆಯಲಿದೆ. ಕರಕುಶಲ, ಗುಡಿ ಕೈಗಾರಿಕೆಗಳಿಗೆ ಪ್ರೋತ್ಸಾಹ ದೊರಕಲಿದೆ. ವ್ಯಾಪಾರ, ವ್ಯವಹಾರದಲ್ಲಿ ಅಭಿವೃದ್ಧಿ ಇದೆ.

ಧನು: ವಾಹನ ರಿಪೇರಿಗಳಿಗಾಗಿ ಖರ್ಚು ಬರಲಿದೆ. ಸಂಚಾರದಿಂದಾಗಿ ಆರೋಗ್ಯದಲ್ಲಿ ಏರುಪೇರು ಕಂಡು ಬಂದೀತು. ದೈವಾನುಕೂಲದಿಂದ ವೃದ್ಧಿ ಕಂಡುಬಂದು ಮನಸ್ಸು ಹಗುರವಾಗಲಿದೆ. ಕುಟುಂಬದಲ್ಲಿ ಅಸಮಾಧಾನ ಕಂಡೀತು.

ಮಕರ: ಕಚೇರಿಯಲ್ಲಿ ಮುಂಭಡ್ತಿಗೆ ಕ್ಲೇಶ ಕಂಡು ಬರುವುದು. ವ್ಯವಹಾರದಲ್ಲಿ ನಿಮ್ಮ ಅಭೀಷ್ಟ ಸಿದ್ದಿಯಾಗಲಿದೆ. ನೂತನ ವ್ಯವಹಾರಕ್ಕೆ ಕೈಹಾಕುವುದು ಬೇಡ. ಕುಟುಂಬದ ಆಸ್ತಿ ವಿಚಾರದಲ್ಲಿ ತಕರಾರು ಎದ್ದೀತು.

ಕುಂಭ: ನಿಮ್ಮ ಆತ್ಮೀಯರ ಭೇಟಿ ಅನಿರೀಕ್ಷಿತವಾಗಿ ಆಗಲಿದೆ. ಪ್ರವಾಸ ಯತ್ರಾದಿಗಳಿಂದ ಸಂತೃಪ್ತಿ ಕಂಡು ಬರಲಿದೆ. ಮನೆ ರೀಪೇರಿ ಯಾ ವಿಸ್ತರಣೆಯ ಕಾರ್ಯ ಕೈಗೊಳ್ಳುವಿರಿ. ಜಾಗ್ರತೆ ಮಾಡುವುದು.

ಮೀನ: ಸರಕಾರೀ ಉದ್ಯೋಗಸ್ಥರಿಗೆ ಸ್ಥಾನ ಪ್ರಾಪ್ತಿ ಇದ್ದರೂ ಕಿರಿಕಿರಿ ಜೊತೆಗೆ ವಿರೋಧಿಗಳ ಅಸೂಯಾದೃಷ್ಟಿಯು ನಿಮ್ಮ ಮೇಲಿರುವುದು. ಹಾಗಾಗಿ ಅಲೋಚಿಸಿ, ನಿಧಾನವಾಗಿ ಹೆಜ್ಜೆ ಇಡಿರಿ. ಸಹನೆ, ತಾಳ್ಮೆಯ ಅಗತ್ಯವಿದೆ.

ಎನ್.ಎಸ್.ಭಟ್