ಸತ್ತ ತಿಮಿಂಗಿಲದ ಹೊಟ್ಟೆಯಲ್ಲಿತ್ತು 6 ಕೆ.ಜಿ.ಪ್ಲಾಸ್ಟಿಕ್‌ ತ್ಯಾಜ್ಯ

Team Udayavani, Nov 21, 2018, 5:07 AM IST

ಪ್ಲಾಸ್ಟಿಕ್‌ ತ್ಯಾಜ್ಯದಿಂದ ಪ್ರಾಣಿಗಳು, ಜಲಚರಗಳ ಮೇಲೆ ಬೀರುವ ದುಷ್ಪರಿಣಾಮಗಳ ಬಗ್ಗೆ ಪರಿಸರ ತಜ್ಞರು ಎಚ್ಚರಿಕೆ ನೀಡುತ್ತಲೇ ಇರುತ್ತಾರೆ. ಆದರೆ ಅದರ ಬಗ್ಗೆ ತಲೆಕೆಡಿಸಿಕೊಳ್ಳುವವರು ಯಾರು?

ಇಂಡೋನೇಷ್ಯಾದ ವಾಕಟೋಬಿ ರಾಷ್ಟ್ರೀಯ ಅಭಯಾರಣ್ಯದ ಸಮುದ್ರ ತೀರಕ್ಕೆ 31 ಅಡಿ ಉದ್ದದ ತಿಮಿಂಗಿಲದ ಮೃತದೇಹ ತೇಲಿ ಬಂದಿತ್ತು. ಈ ತಿಮಿಂಗಿಲದ ಸಾವಿಗೆ ಕಾರಣ ಕಂಡುಕೊಳ್ಳಲು ಮೃತದೇಹದ ಹೊಟ್ಟೆ ಬಗೆದು ಪರೀಕ್ಷಿಸಿದಾಗ ಹೊಟ್ಟೆಯಲ್ಲಿ 6 ಕೆ.ಜಿ. ಪ್ಲಾಸ್ಟಿಕ್‌ ಪತ್ತೆಯಾಗಿದೆ. ಅದರಲ್ಲಿ 115 ಪ್ಲಾಸ್ಟಿಕ್‌ ಲೋಟಗಳು, 25 ಚೀಲಗಳು, 2 ಚಪ್ಪಲಿ, 4 ಬಾಟಲಿ ಮುಂತಾದ ವಸ್ತುಗಳು ಪತ್ತೆಯಾಗಿವೆ. ಮೇಲ್ನೋಟಕ್ಕೆ ಈ ತಿಮಿಂಗಿಲ ಪ್ಲಾಸ್ಟಿಕ್‌ ಸೇವನೆಯಿಂದಲೇ ಸತ್ತಿದೆ ಎಂದು ವೈದ್ಯರು ಹೇಳಿದ್ದಾರೆ.