Women’s Day Spcl: ಸೌತ್‌ ಸಿನಿರಂಗದಲ್ಲಿ ಸದ್ದು ಮಾಡಿದ ಮಹಿಳಾ ಪ್ರಧಾನ ಸಿನಿಮಾಗಳಿವು

Team Udayavani, Mar 7, 2024, 6:07 PM IST

ಪ್ರತಿ ವರ್ಷ ಮಾರ್ಚ್‌ 8 ರಂದು ಅಂತಾರಾಷ್ಟ್ರೀಯ ಮಹಿಳಾ ದಿನವನ್ನಾಗಿ ಆಚರಿಸಲಾಗುತ್ತದೆ. ಸಿನಿಮಾರಂಗದಲ್ಲೂ ಮಹಿಳಾ ಪ್ರಧಾನ ಸಿನಿಮಾಗಳು ತೆರೆಗೆ ಬಂದಿವೆ. ಸೌತ್‌ ಸಿನಿವಲಯದಲ್ಲಿ ತನ್ನ ಅಭಿನಯದಿಂದ ಗಮನ ಸೆಳೆದ ನಟಿಯರ ಮಹಿಳಾ ಪ್ರಧಾನಗಳ ಸಿನಿಮಾಗಳ ಪಟ್ಟಿ ಇಲ್ಲಿದೆ..

ಗಾರ್ಗಿ (2022): ಸಾಯಿಪಲ್ಲವಿ ಪ್ರಧಾನ ಪಾತ್ರದಲ್ಲಿ ಕಾಣಿಸಿಕೊಂಡ ಈ ಸಿನಿಮಾ ವಿಮರ್ಶಕರಿಂದ ಮೆಚ್ಚುಗೆ ಪಡೆದುಕೊಂಡಿತ್ತು. ಶಾಲಾ ಶಿಕ್ಷಕಿಯೊಬ್ಬಳು ಮಗುವಿನ ಮೇಲೆ ಹಲ್ಲೆ ಮಾಡಿದ ಆರೋಪದಲ್ಲಿ ಬಂಧಿತರಾದ ನಿರಾಪರಾಧಿ ತಂದೆಯೊಬ್ಬನಿಗಾಗಿ ಹೋರಾಟ ನಡೆಸುವ ಕಥೆಯನ್ನು ಸಿನಿಮಾ ಒಳಗೊಂಡಿದೆ.

ನಿರ್ದೇಶಕ: ಗೌತಮ್ ರಾಮಚಂದ್ರನ್

ಅವಧಿ: 2 ಗಂಟೆ 20 ನಿಮಿಷಗಳು

IMDB ರೇಟಿಂಗ್: 8.1/10

ಪಾತ್ರವರ್ಗ: ಸಾಯಿ ಪಲ್ಲವಿ, ಆರ್ ಎಸ್ ಶಿವಾಜಿ, ಐಶ್ವರ್ಯ ಲಕ್ಷ್ಮಿ

ಎಲ್ಲಿ ವೀಕ್ಷಿಸಬಹುದು: ಸೋನಿ LIV

ಮಹಾನಟಿ (2018): ನಟಿ ಕೀರ್ತಿ ಸುರೇಶ್‌ ಮಹಿಳಾ ಪ್ರಧಾನ ಪಾತ್ರದಲ್ಲಿ ಮಿಂಚಿದ ಸಿನಿಮಾವಿದು.  ಈ ಸಿನಿಮಾ ನಟಿ ಸಾವಿತ್ರಿ ಅವರ ಜೀವನದ ಕಥೆಯನ್ನು ಒಳಗೊಂಡಿದೆ. ದಿಗ್ಗಜ ನಟಿಯ ಸಿನಿ ಬದುಕಿನ ಕಥೆಯನ್ನು ಸಿನಿಮಾ ಒಳಗೊಂಡಿದೆ. ಸಾಧನೆ – ಸಂಕಷ್ಟದಲ್ಲಿ ಸಾಗಿಬಂದ ನಟಿ ಸಾವಿತ್ರಿ ಬದುಕನ್ನು ಬಹಳ ಸುಂದರವಾಗಿ ಕೀರ್ತಿ ಸುರೇಶ್‌ ಪಾತ್ರದ ಮೂಲಕ ಜೀವಿಸಿದ್ದಾರೆ.

ನಿರ್ದೇಶಕ: ನಾಗ್ ಅಶ್ವಿನ್

ಅವಧಿ: 2 ಗಂಟೆ 57 ನಿಮಿಷಗಳು

IMDb ರೇಟಿಂಗ್: 8.4/10

ಪಾತ್ರವರ್ಗ: ಕೀರ್ತಿ ಸುರೇಶ್, ದುಲ್ಕರ್ ಸಲ್ಮಾನ್, ಸಮಂತಾ ರುತ್ ಪ್ರಭು, ವಿಜಯ್ ದೇವರಕೊಂಡ

ಎಲ್ಲಿ ವೀಕ್ಷಿಸಬಹುದು: ಪ್ರೈಮ್ ವಿಡಿಯೋ

ಅಮ್ಮು (2022): ಪೊಲೀಸ್‌ ಅಧಿಕಾರಿಯೊಬ್ಬನನ್ನು ಮದುವೆ ಆಗುವ ಅಮ್ಮು ಎನ್ನುವ ಹೆಣ್ಣೊಬ್ಬಳ ಬದುಕಿನ ಕಥೆಯನ್ನು ಸಿನಿಮಾ ಹೇಳುತ್ತದೆ. ದಾಂಪತ್ಯ ಜೀವನದ ಸಂಕೋಲೆಯಲ್ಲಿ ಬಂಧಿಯಾಗುವ ಅಮ್ಮು ಹೇಗೆ ಎಲ್ಲವನ್ನು ಮೀರಿ ಸೇಡು ತೀರಿಸಿಕೊಳ್ಳಲು ಮತ್ತು ತನ್ನ ಘನತೆಗಾಗಿ ಹೋರಾಡುತ್ತಾಳೆ ಎನ್ನುವುದನ್ನು ಸಿನಿಮಾ ಹೇಳುತ್ತದೆ.

ನಿರ್ದೇಶಕ: ಚಾರುಕೇಶ್ ಸೇಕರ್

ಅವಧಿ: 2 ಗಂಟೆ 16 ನಿಮಿಷಗಳು

IMDb ರೇಟಿಂಗ್: 6.7/10

ಪಾತ್ರವರ್ಗ: ಐಶ್ವರ್ಯ ಲಕ್ಷ್ಮಿ, ನವೀನ್ ಚಂದ್ರ, ಬಾಬಿ ಸಿಂಹ

ಎಲ್ಲಿ ವೀಕ್ಷಿಸಬಹುದು: ಪ್ರೈಮ್ ವಿಡಿಯೋ‌

ಸಾನಿ ಕಾಯಿದಂ (2022) : ನಟಿ ಕೀರ್ತಿ ಸುರೇಶ್‌ ʼಮಹಾನಟಿʼ ಬಳಿಕ ಕಾಣಿಸಿಕೊಂಡ ಮತ್ತೊಂದು ಮಹಿಳಾ ಪ್ರಧಾನ ಸಿನಿಮಾವಿದು. ಪಕ್ಕಾ ಮಾಸ್‌ ಅವತಾರದಲ್ಲಿ ಕೀರ್ತಿ ಸುರೇಶ್‌ ಈ ಸಿನಿಮಾದಲ್ಲಿ ಕಾಣಿಸಿಕೊಂಡಿದ್ದಾರೆ. ಕ್ರೈಮ್‌ ಕಥಾಹಂದರದ ಈ ಕಥೆಯಲ್ಲಿ ಕೀರ್ತಿ ಸುರೇಶ್‌ ಅಬ್ಬರಿಸಿದ್ದಾರೆ.

ನಿರ್ದೇಶಕ: ಅರುಣ್ ಮಾಥೇಶ್ವರನ್

ಅವಧಿ : 2 ಗಂಟೆ 16 ನಿಮಿಷಗಳು

IMDB ರೇಟಿಂಗ್: 7.5/10

ಪಾತ್ರವರ್ಗ: ಕೀರ್ತಿ ಸುರೇಶ್, ಕೆ.ಸೆಲ್ವರಾಘವನ್

ಎಲ್ಲಿ ವೀಕ್ಷಿಸಬಹುದು: ಪ್ರೈಮ್ ವಿಡಿಯೋ

ಯಶೋದಾ (2022): ನಟಿ ಸಮಂತಾ ಅವರು ಪ್ರಧಾನ ಪಾತ್ರದಲ್ಲಿ ಕಾಣಿಸಿಕೊಂಡ ಈ ಸಿನಿಮಾ ಬಾಡಿಗೆ ತಾಯ್ತನದ ಕರಾಳ ಮುಖದ ಕಥೆಯನ್ನು ಹೇಳುತ್ತದೆ. ಬಾಡಿಗೆ ತಾಯ್ತನ ಹಾಗೂ ಅದರ ಸವಾಲು ಹಾಗೂ ಷಡ್ಯಂತ್ರ್ಯದ ಕಥೆಯಲ್ಲಿ ಸಮಂತಾ ಮಿಂಚಿದ್ದಾರೆ.

ನಿರ್ದೇಶಕ: ಹರೀಶ್ ನಾರಾಯಣ್, ಕೆ. ಹರಿ ಶಂಕರ್

ಅವಧಿ: 2 ಗಂಟೆ 15 ನಿಮಿಷಗಳು

IMDb ರೇಟಿಂಗ್: 6.6/10

ಪಾತ್ರವರ್ಗ: ಸಮಂತಾ ರೂತ್ ಪ್ರಭು, ಉನ್ನಿ ಮುಕುಂದನ್, ವರಲಕ್ಷ್ಮಿ ಶರತ್‌ಕುಮಾರ್

ಎಲ್ಲಿ ವೀಕ್ಷಿಸಬಹುದು: ಅಮೆಜಾನ್ ಪ್ರೈಮ್ ವಿಡಿಯೋ

ಉಯರೆ (2019): ಪಾರ್ವತಿ ತಿರುವೋತ್ತು ಕಾಣಿಸಿಕೊಂಡಿರುವ ಈ ಸಿನಿಮಾ ಆ್ಯಸಿಡ್  ದಾಳಿಯ ಸಂತ್ರಸ್ತೆಯ ಕಥೆಯನ್ನೊಳಗೊಂಡಿದೆ. ಮಾಜಿ ಬಾಯ್‌ ಫ್ರೆಂಡ್‌ ಯೊಬ್ಬ ಗೆಳತಿಗೆ ಆ್ಯಸಿಡ್  ಎಸೆದ ಬಳಿಕ ಆಕೆಯ ಬದುಕು ಹೇಗೆ ಧೈರ್ಯದಿಂದ ಸಮಾಜದ ಮಾತುಗಳನ್ನು ಸಹಿಸಿಕೊಂಡು ಸವಾಲಿನಿಂದ ಸಾಗುತ್ತದೆ ಎನ್ನುವ ಪಯಣವನ್ನು ಸಿನಿಮಾದಲ್ಲಿ ತೋರಿಸಲಾಗಿದೆ.

ನಿರ್ದೇಶಕ: ಮನು ಅಶೋಕನ್

ಚಾಲನಾ ಸಮಯ: 2 ಗಂಟೆ 05 ನಿಮಿಷಗಳು

IMDb ರೇಟಿಂಗ್: 8.0/10

ಪಾತ್ರವರ್ಗ: ಪಾರ್ವತಿ ತಿರುವೋತ್ತು, ಟೋವಿನೋ ಥಾಮಸ್, ಆಸಿಫ್ ಅಲಿ

ಎಲ್ಲಿ ವೀಕ್ಷಿಸಬಹುದು: ನೆಟ್‌ಫ್ಲಿಕ್ಸ್  

ಪೊನ್ಮಗಲ್ ವಂದಾಲ್ (2020):  ಈ ಸಿನಿಮಾದಲ್ಲಿ ನಟಿ ಜ್ಯೋತಿಕಾ ಪ್ರಧಾನ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಈ ಚಿತ್ರವು ಮಹಿಳೆಯರ ಹಕ್ಕುಗಳನ್ನು ಆಧರಿಸಿದ ಕಥಾಹಂದರವನ್ನು ಒಳಗೊಂಡಿದ್ದು, ಸೂಕ್ಷ್ಮ ವಿಚಾರದ ಮೇಲೆ ಬೆಳಕು ಚೆಲ್ಲುತ್ತದೆ.

ನಿರ್ದೇಶಕ: JJ ಫ್ರೆಡ್ರಿಕ್

ಅವಧಿ: 2 ಗಂಟೆ 03 ನಿಮಿಷಗಳು

IMDB ರೇಟಿಂಗ್: 6.7/10

ಪಾತ್ರವರ್ಗ: ಜ್ಯೋತಿಕಾ, ಪಾರ್ತಿಬನ್, ಭಾಗ್ಯರಾಜ್

ಎಲ್ಲಿ ವೀಕ್ಷಿಸಬಹುದು: ಪ್ರೈಮ್ ವಿಡಿಯೋ

ಜಯ ಜಯ ಜಯ ಜಯ ಹೇ (2022): ಮಾಲಿವುಡ್‌ ನಲ್ಲಿ ಸಣ್ಣ ಬಜೆಟ್‌ ನಲ್ಲಿ ಬಾಕ್ಸ್‌ ಆಫೀಸ್‌ ನಲ್ಲಿ ಸದ್ದು ಮಾಡಿದ ಸಿನಿಮಾವಿದು. ಮದುವೆಯ ಬಳಿಕ ಸದಾ ಸಿಟ್ಟಾಗುವ ಪತಿ, ಪತ್ನಿಗೆ ಹಲ್ಲೆ ಮಾಡುತ್ತಿರುತ್ತಾನೆ. ಆದರೆ ಅದೊಂದು ದಿನ ಪತ್ನಿಯೇ ಗಂಡನ ವಿರುದ್ಧ ಬಿದ್ದು ಕರಾಟೆ ಕಲಿಯುವ ಕಥೆಯನ್ನೊಳಗೊಂಡಿದೆ.

ನಿರ್ದೇಶಕ: ವಿಪಿನ್ ದಾಸ್

ಅವಧಿ: 2 ಗಂಟೆ 25 ನಿಮಿಷಗಳು

IMDB ರೇಟಿಂಗ್: 7.7/10

ಪಾತ್ರವರ್ಗ: ದರ್ಶನಾ ರಾಜೇಂದ್ರನ್, ಬೆಸಿಲ್ ಜೋಸೆಫ್, ಮಂಜು ಪಿಳ್ಳೈ

ಎಲ್ಲಿ ವೀಕ್ಷಿಸಬಹುದು: ಡಿಸ್ನಿ+ಹಾಟ್‌ಸ್ಟಾರ್