ಶಾಲೆಗೆ ಹೋಗಿ ರಾಜ್ಯಶಾಸ್ತ್ರ ಪಾಠ ಕೇಳಿದ ಶ್ವಾನ ಲೂನಾ!

Team Udayavani, Sep 18, 2017, 5:25 AM IST

ಪುಟ್ಟ ಲೂನಾ ಶಾಲೆಗೆ ಹೋಗಿ ರಾಜ್ಯಶಾಸ್ತ್ರದ ಪಾಠ ಕೇಳಿದ್ದಾಳೆ. ಜತೆಗೆ ಸಾಕಷ್ಟು ಸ್ನೇಹಿತರನ್ನು  ಸಂಪಾದಿಸಿಕೊಂಡಿದ್ದಾಳೆ. ಅಂದಹಾಗೆ ಲೂನಾ ಎಂದರೆ ಸಾಕು ಶ್ವಾನ! ರಾಜ್ಯಶಾಸ್ತ್ರ ಪಾಠ ಕೇಳಿ ಶ್ವಾನವೇನು ರಾಜ್ಯವಾಳಬೇಕಾ? ಲೂನಾಗೆ ಅಂಥ ಆಸೆಯೇನೂ ಇಲ್ಲ. ಒಡತಿ ಜಸ್ಸಿಕಾ ಲೂಯೀಸ್‌ಗೆ ಚಂಡ ಮಾರುತದಿಂದ ತಪ್ಪಿಸಿಕೊಳ್ಳ ಬೇಕಿತ್ತು. ಸ್ಥಳಾಂತರವಾಗುವಾಗ
ವಿಳಂಬವಾಗಬಾರದು ಎಂಬ ಕಾರಣಕ್ಕೆ ಶಾಲೆಗೇ ತನ್ನ ಶ್ವಾನವನ್ನು ತಂದು, ಕ್ಲಾಸ್‌ ಮುಗಿಸಿ ಸ್ಥಳಾಂತರವಾಗ ಬೇಕಿತ್ತು. ಅದಕ್ಕಾಗಿ ತನ್ನ ಪ್ರೊಫೆಸರ್‌ಗೆ “ನೀವು ತುಂಬಾ ಕೂಲ್‌, ಲೂನಾಳನ್ನ ತರಗತಿಗೆ ಬಿಟ್ಟುಕೊಳ್ಳಿ. ಆಕೆಯಿಂದ ಏನೂ ತೊಂದರೆಯಾಗಲ್ಲ’ ಎಂದು ಮೇಲ್‌ ಮಾಡಿದಳು. ಪ್ರೊ. ಕೆನೆಡಿ ಒಪ್ಪಿದರು. ಲೂನಾ ತರಗತಿಯಲ್ಲಿ ಕುಳಿತು ಪಾಠ ಕೇಳಿದಳು. ಈ ಅಪರೂಪದ ಘಟನೆ ನಡೆದದ್ದು ಅಮೆರಿಕದ ಜಾರ್ಜಿಯಾ ಸೌತರ್ನ್ ವಿವಿಯಲ್ಲಿ. ಜಸ್ಸಿಕಾ ಇದನ್ನು ಫೇಸ್‌ ಬುಕ್‌ಗೆ ಹಾಕಿದ್ದು 23,000 ಬಾರಿ ಶೇರ್‌ ಆಗಿದೆ.