ಭಾರತೀಯರ ಸ್ವಿಸ್ ಬ್ಯಾಂಕ್ ಖಾತೆಗಳ ವಿವರಗಳ 3 ನೇ ಪಟ್ಟಿ ಲಭ್ಯ
Team Udayavani, Oct 11, 2021, 4:59 PM IST
ಬೆರ್ನ್: ಸ್ವಿಜರ್ಲೆಂಡ್ನ ಬ್ಯಾಂಕ್ಗಳಲ್ಲಿರುವ ಭಾರತೀಯ ವ್ಯಕ್ತಿಗಳ ಹಾಗೂ ಸಂಸ್ಥೆಗಳ ಖಾತೆಗಳ ಬಗ್ಗೆ ವಿಸ್ತೃತ ದಾಖಲೆಗಳ ಮೂರನೇ ಪಟ್ಟಿ ಭಾರತದ ಕೈಗೆ ಸೋಮವಾರ ಸಿಕ್ಕಿದೆ.
ವಾರ್ಷಿಕ ಕ್ರಮದ ಭಾಗವಾಗಿ ಯುರೋಪಿಯನ್ ರಾಷ್ಟ್ರವು 33 ಲಕ್ಷ ಹಣಕಾಸು ಖಾತೆಗಳ ವಿವರಗಳನ್ನು 96 ದೇಶಗಳೊಂದಿಗೆ ಹಂಚಿಕೊಂಡಿದೆ.
ಸ್ವಿಟ್ಜರ್ಲೆಂಡ್ನ ಫೆಡರಲ್ ಟ್ಯಾಕ್ಸ್ ಅಡ್ಮಿನಿಸ್ಟ್ರೇಷನ್ (ಎಫ್ಟಿಎ) ತನ್ನ ಹೇಳಿಕೆಯಲ್ಲಿ, ಈ ವರ್ಷ ಮಾಹಿತಿ ವಿನಿಮಯವು ಇನ್ನೂ 10 ಹೆಚ್ಚುವರಿ ದೇಶಗಳನ್ನು ಒಳಗೊಂಡಿದೆ ಎಂದು ತಿಳಿಸಿದೆ. ಈ ಬಾರಿ ಪಾಕಿಸ್ತಾನ ಸೇರಿದಂತೆ ಅಜೈರ್ಬೈಜಾನ್ , ಡೊಮೆನಿಕಾ, ಘಾನಾ, ಲೆಬನಾನ್, ಮಕಾವು, ಕತಾರ್, ಸಮೋವಾ ಮತ್ತು ವೌಟು ದೇಶಗಳೊಂದಿಗೆ ಇದೆ ಮೊದಲ ಬಾರಿಗೆ ಮಾಹಿತಿ ಹಂಚಿಕೊಂಡಿದೆ.
ಪರಸ್ಪರ ಸಂಬಂಧ ಹೊಂದಿರುವ 70 ದೇಶಗಳೊಂದಿಗೆ ಮಾಹಿತಿ ವಿನಿಮಯ ನಡೆಯಿತಾದರೂ, ಸ್ವಿಟ್ಜರ್ಲ್ಯಾಂಡ್ 26 ದೇಶಗಳಿಗೆ ಯಾವುದೇ ಮಾಹಿತಿಯನ್ನು ನೀಡಲಿಲ್ಲ.
14 ದೇಶಗಳು ಗೌಪ್ಯತೆ ಮತ್ತು ದತ್ತಾಂಶ ಭದ್ರತೆಗೆ ಅಂತರರಾಷ್ಟ್ರೀಯ ಅವಶ್ಯಕತೆಗಳನ್ನು ಇನ್ನೂ ಪೂರೈಸಿಲ್ಲದ ಕಾರಣ ಮತ್ತು 12 ದೇಶಗಳು ವಿವರಗಳನ್ನು ಸ್ವೀಕರಿಸದಿರಲು ಆಯ್ಕೆ ಮಾಡಿದ್ದರಿಂದ ಮಾಹಿತಿ ನೀಡಿಲ್ಲ .
96 ದೇಶಗಳ ಹೆಸರನ್ನು ಎಫ್ಟಿಎ ತಿಳಿಸಿಲ್ಲವಾದರೂ ಭಾರತ ಮೂರನೇ ಬಾರಿಗೆ ಮಾಹಿತಿ ಪಡೆದುಕೊಂಡಿದೆ. ಅಧಿಕಾರಿಗಳು ತಿಳಿಸಿದಂತೆ ಸ್ವಿಸ್ ಹಣಕಾಸು ಸಂಸ್ಥೆಗಳಲ್ಲಿ ಖಾತೆಗಳನ್ನು ಹೊಂದಿರುವ ಹೆಚ್ಚಿನ ಸಂಖ್ಯೆಯ ಸಂಸ್ಥೆಗಳು ಮತ್ತು ವ್ಯಕ್ತಿಗಳು ಭಾರತೀಯರಾಗಿದ್ದಾರೆ.
2022ರಲ್ಲಿ ಮುಂದಿನ ಮಾಹಿತಿ ವಿನಿಮಯವನ್ನು ಮಾಡಿಕೊಳ್ಳಲಾಗುತ್ತದೆ .
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Goa ;ಬೀಚ್ ನಲ್ಲಿ ಸಿಡಿಲಿನ ಆಘಾತಕ್ಕೆ ಕೇರಳದ ಪ್ರವಾಸಿಗ ಮೃತ್ಯು
AAP Leader ಬಿಭವ್ ಕುಮಾರ್ ನನ್ನ ಕೆನ್ನೆಗೆ ಹೊಡೆದು, ಎದೆಗೆ ಒದ್ದರು..; ಸ್ವಾತಿ ಮಲಿವಾಲ್
PM Modi ಪತ್ರಿಕಾಗೋಷ್ಠಿ ಯಾಕೆ ನಡೆಸುವುದಿಲ್ಲ? ಉತ್ತರಿಸಿದ ಪ್ರಧಾನಿ ಮೋದಿ
Mumbai Hoarding Collapse; ರಾಜಸ್ಥಾನದಲ್ಲಿ ಪೊಲೀಸರಿಗೆ ಸಿಕ್ಕಿಬಿದ್ದ ಪ್ರಮುಖ ಆರೋಪಿ
Covishield ಲಸಿಕೆಯಿಂದ ಮತ್ತೊಂದು ಸೈಡ್ಎಫೆಕ್ಟ್!