ಸಾಕು ನಾಯಿಗೆ ಸಸ್ಯಹಾರಿ ಊಟ ಕೊಟ್ಟರೆ ಜೈಲು!
Team Udayavani, Oct 24, 2021, 10:30 PM IST
ಲಂಡನ್: ಸಾಕು ನಾಯಿಗೆ ನಿಮ್ಮಿಷ್ಟದಂತೆ ಊಟ ಹಾಕುವಂತೂ ಇಲ್ಲ! ಹೀಗೆಂದು ಬ್ರಿಟನ್ನಲ್ಲಿ ಕಾನೂನಿದೆ. ಸಾಕು ನಾಯಿಗೆ ಮಾಂಸಾಹಾರದ ಬದಲು ಸಸ್ಯಾಹಾರಿ ಆಹಾರ ಕೊಟ್ಟರೆ ನಿಮಗೆ ಜೈಲುಶಿಕ್ಷೆ ಅಥವಾ ದಂಡ ವಿಧಿಸಲಾಗುವುದು. ಬ್ರಿ
ಟನ್ನ ಪ್ರಾಣಿ ರಕ್ಷಣಾ ಕಾಯ್ದೆಯ ಅನುಸಾರ, ಜನರು ತಾವು ಸಾಕಿರುವ ಪ್ರಾಣಿಗಳಿಗೆ ಪೌಷ್ಟಿಕಾಂಶ ಯುಕ್ತ ಆಹಾರವನ್ನು ನೀಡಬೇಕು. ಸೂಕ್ತ ಸ್ಥಳದಲ್ಲೇ ಸಾಕಬೇಕು ಮತ್ತು ಅದರ ರಕ್ಷಣೆ ಮಾಡಬೇಕು. ಒಂದು ವೇಳೆ ತಪ್ಪಿದಲ್ಲಿ 20 ಲಕ್ಷ ರೂ.ವರೆಗಿನ ದಂಡ ಅಥವಾ ಜೈಲು ಶಿಕ್ಷೆಯನ್ನು ವಿಧಿಸಲಾಗುವುದು.
“ಸಸ್ಯಾಹಾರ ನಿಮ್ಮ ಆಯ್ಕೆಯಾಗಿರಬಹುದು. ಆದರೆ, ಅದು ಪ್ರಾಣಿ ರಕ್ಷಣಾ ಕಾಯ್ದೆಯ ಪೌಷ್ಟಿಕಾಂಶಗಳ ಮಾನದಂಡವನ್ನು ಪೂರೈಸುವುದಿಲ್ಲ. ಹಾಗಾಗಿ ನೀವು ಶಿಕ್ಷೆಗೆ ಅರ್ಹರಾಗುತ್ತೀರಿ’ ಎಂದು ಬ್ರಿಟನ್ನ ಪಶುವೈದ್ಯಕೀಯ ಸಂಘದ ಡೇನಿಯೆಲ್ಲಾ ಡಾಸ್ ಸಂಟೋಸ್ ತಿಳಿಸಿದ್ದಾರೆ.