ಅತೀ ಶೀಘ್ರದಲ್ಲಿ ಮೇಕೆದಾಟು 2.0: ಮತ್ತೆ ಪಾದಯಾತ್ರೆಯತ್ತ ಕಾಂಗ್ರೆಸ್

Team Udayavani, Feb 11, 2022, 1:15 PM IST

ಬೆಂಗಳೂರು: ಕೋವಿಡ್ 19 ಸೋಂಕು ಹೆಚ್ಚಳ ಕಾರಣದಿಂದ ಅರ್ಧಕ್ಕೆ ಸ್ಥಗಿತವಾಗಿದ್ದ ಮೇಕೆದಾಟು ಪಾದಯಾತ್ರೆಯನ್ನು ಮತ್ತೆ ಮುಂದುವರಿಸಲು ಕಾಂಗ್ರೆಸ್ ಯೋಜನೆ ರೂಪಿಸಿದೆ. ಈ ಬಗ್ಗೆ ಸಾಮಾಜಿಕ ಜಾಲತಾಣಗಳಲ್ಲಿ ಪೋಸ್ಟ್ ಮಾಡಿರುವ ಕರ್ನಾಟಕ ಕಾಂಗ್ರೆಸ್, ಅತೀ ಶೀಘ್ರದಲ್ಲಿ ಮೇಕೆದಾಟು 2.0 ಆರಂಭವಾಗಲಿದೆ ಎಂದಿದೆ.

ಮೇಕೆದಾಟು ಆಣೆಕಟ್ಟು ನಿರ್ಮಾಣಕ್ಕೆ ಒತ್ತಾಯಿಸಿ ರಾಜ್ಯ ಕಾಂಗ್ರೆಸ್ “ನಮ್ಮ ನೀರು ನಮ್ಮ ಹಕ್ಕು”ಪಾದಯಾತ್ರೆಯನ್ನು ಜ.9ರಂದು ಆರಂಭಿಸಿತ್ತು. ರಾಮನಗರದ ಮೇಕೆದಾಟು ಸಂಗಮದಲ್ಲಿ ಆರಂಭವಾಗಿದ್ದ ಪಾದಯಾತ್ರೆ 11 ದಿನ ನಡೆಯಬೇಕಿತ್ತು. ಆದರೆ ಕೋವಿಡ್ ಕಾರಣದಿಂದ ಐದೇ ದಿನಕ್ಕೆ ಪಾದಯಾತ್ರೆಯನ್ನು ಮೊಟಕುಗೊಳಿಸಲಾಗಿತ್ತು.

ಪಾದಯಾತ್ರೆ ಮೊಟಕುಗೊಳಿಸುವ ಸಂದರ್ಭದಲ್ಲಿ ಡಿಕೆ ಶಿವಕುಮಾರ್ ಮತ್ತು ಸಿದ್ದರಾಮಯ್ಯನವರು, “ ರಾಮನಗರದಲ್ಲಿ ಪಾದಯಾತ್ರೆ ನಿಲ್ಲಿಸಲಾಗಿದೆ. ಪರಿಸ್ಥಿತಿ ನೋಡಿಕೊಂಡು ಮುಂದಿನ ದಿನದಲ್ಲಿ ರಾಮನಗರದಿಂದಲೇ ಪಾದಯಾತ್ರೆಯನ್ನು ಮುಂದುವರಿಸುತ್ತೇವೆ” ಎಂದಿದ್ದರು.

ಇದನ್ನೂ ಓದಿ:ಡ್ರೆಸ್‌ ಕೋಡ್‌; ದೇಶ ಮುಖ್ಯವೋ, ಧರ್ಮ ಮುಖ್ಯವೋ; ಮದ್ರಾಸ್‌ ಹೈಕೋರ್ಟ್‌ ಪ್ರಶ್ನೆ 

ಇದೀಗ ಈ ಬಗ್ಗೆ ಮಾಹಿತಿ ನೀಡಿರುವ ಕಾಂಗ್ರೆಸ್, “ಕರ್ನಾಟಕದ ಆಸ್ಮಿತೆಯ ಹೋರಾಟ ಮತ್ತೆ ಶುರುವಾಗಲಿದೆ. ಕುಡಿಯುವ ನೀರಿಗಾಗಿ ನಡೆಯಲಿರುವ ಈ ಸಂಗ್ರಾಮದಲ್ಲಿ ನಮ್ಮೊಂದಿಗೆ ಕೈ ಜೋಡಿಸಿ! ಮೇಕೆದಾಟು 2.0 ಅತೀ ಶೀಘ್ರದಲ್ಲಿ ನಿಮ್ಮ ಮುಂದೆ!” ಎಂದು ಪೋಸ್ಟ್ ಮಾಡಿದೆ.

Koo App

ಕರ್ನಾಟಕದ ಆಸ್ಮಿತೆಯ ಹೋರಾಟ ಮತ್ತೆ ಶುರುವಾಗಲಿದೆ. ಕುಡಿಯುವ ನೀರಿಗಾಗಿ ನಡೆಯಲಿರುವ ಈ ಸಂಗ್ರಾಮದಲ್ಲಿ ನಮ್ಮೊಂದಿಗೆ ಕೈ ಜೋಡಿಸಿ! ಮೇಕೆದಾಟು 2.0 ಅತೀ ಶೀಘ್ರದಲ್ಲಿ ನಿಮ್ಮ ಮುಂದೆ! ಭಾಗವಹಿಸಲು ಕೂಡಲೇ ನೋಂದಾಯಿಸಿ : www.MekedatuNammaHakku.org

View attached media content

– ಕರ್ನಾಟಕ ಕಾಂಗ್ರೆಸ್ (@inckarnataka) 11 Feb 2022