ಸಿದ್ಧವಾಗುತ್ತಿದೆ ದೇಶದ ಮೊಟ್ಟಮೊದಲ ರ‍್ಯಾಪಿಡ್ ಟ್ರಾನ್ಸಿಟ್‌ ರೈಲು

Team Udayavani, May 7, 2022, 8:10 AM IST

ಪ್ರಾಂತೀಯ ರ‍್ಯಾಪಿಡ್ ಟ್ರಾನ್ಸಿಟ್‌ ಸಿಸ್ಟಂ (ಆರ್‌ಆರ್‌ಟಿಎಸ್‌) ಯೋಜನೆಯಡಿ ಯಲ್ಲಿ, ದೇಶದ ಮೊತ್ತಮೊದಲ ಕಾರಿಡಾರ್‌ ರೈಲು ಸಿದ್ಧಗೊಂಡಿದೆ. ಅದನ್ನು ಮೇ 7ರಂದು ನ್ಯಾಶನಲ್‌ ಕ್ಯಾಪಿಟಲ್‌ ರೀಜನ್‌ ಟ್ರಾನ್ಸ್‌ ಪೋರ್ಟ್‌ ಕಾರ್ಪೊರೇಶನ್‌ಗೆ ಹಸ್ತಾಂತರ ಮಾಡಲಾಗುತ್ತದೆ.

210 ರೈಲು
ಮೊದಲ ಹಂತದಲ್ಲಿ
ಎನ್‌ಸಿಆರ್‌ಟಿಸಿ ಪ್ರಕಾರ, ಗುಜರಾತ್‌ನ ಸಾಲ್ವಿ ಕಾರ್ಖಾನೆಯಲ್ಲಿ ಆರ್‌ಆರ್‌ಟಿಎಸ್‌ನ ಮೊದಲ ಹಂತದಲ್ಲಿ 210 ರೈಲುಗಳು ಉತ್ಪಾದನೆಯಾಗಲಿವೆ. ದಿಲ್ಲಿ-ಮೇರಠ್ ಕಾರಿಡಾರ್‌ ಮಾತ್ರವಲ್ಲ, ಮೇರಠ್ ನ ಸ್ಥಳೀಯ ರೈಲ್ವೆ ವ್ಯವಸ್ಥೆಗೂ ಇಲ್ಲಿ ರೈಲುಗಳನ್ನು ತಯಾರಿಸಲಾಗುತ್ತದೆ.

ಎಲ್ಲಿ ಸಿದ್ಧವಾಗಿದೆ ರೈಲು?
“ಮೇಕ್‌ ಇನ್‌ ಇಂಡಿಯಾ’ ಯೋಜನೆಯಡಿ ಗುಜರಾತ್‌ನಲ್ಲಿರುವ ಆಲ್‌ಸ್ಟೋಮ್‌ ಕಂಪೆನಿಯ ಕಾರ್ಖಾನೆಯಲ್ಲಿ ರೈಲಿನ ಬಿಡಿಭಾಗಗಳನ್ನು ತಯಾರಿಸಲಾಗಿದೆ. ಅಲ್ಲಿಂದ ದುಹಾಯಿ ಡಿಪೋಕ್ಕೆ ಈ ಬಿಡಿಭಾಗಗಳನ್ನು ತರಲಾಗುತ್ತದೆ. ಅಲ್ಲಿ ಬಿಡಿಭಾಗಗಳನ್ನು ಜೋಡಿಸಿ ರೈಲು ಸಿದ್ಧಪಡಿಸಲಾಗುತ್ತದೆ. ಮೇ 16ರಂದು ರೈಲಿನೊಳಗೆ ಪ್ರಯಾಣಿಕರ ಅನುಕೂಲಕ್ಕೆ ಬೇಕಾದ ಎಲ್ಲ ಫೀಚರ್‌ಗಳನ್ನು ಅಳವಡಿಸಲಾಗುತ್ತದೆ. ದಿಲ್ಲಿ- ಗಾಜಿಯಾಬಾದ್‌- ಮೇರಠ್ ನಲ್ಲಿರುವ ಆರ್‌ಆರ್‌ಟಿಎಸ್‌ ಕಾರಿಡಾರ್‌ ಯೋಜನಾ ಸ್ಥಳಕ್ಕೆ ಸಾಗಿಸಲಾಗುತ್ತದೆ.

ರೈಲಿನ ವೇಗ
ಎನ್‌ಸಿಆರ್‌ಟಿಸಿ ಪ್ರಕಾರ, ರೈಲಿನ ಗರಿಷ್ಠ ವೇಗ ಪ್ರತೀ ಗಂಟೆಗೆ 180 ಕಿ.ಮೀ., ಆಪರೇಶನಲ್‌ ವೇಗ 160
ಕಿ.ಮೀ. (ಪ್ರತೀ ಗಂಟೆಗೆ); ಸರಾಸರಿ ವೇಗ 100 ಕಿ.ಮೀ. (ಪ್ರತೀ ಗಂಟೆಗೆ).

ಫೀಚರ್‌ಗಳು
-2 ಗಿ 2 ಟ್ರಾನ್ಸ್‌ವರ್ಸ್‌ ಕುಶನಿಂಗ್‌ ಸೀಟುಗಳು
-ಸಿಸಿಟಿವಿ ಕೆಮರಾಗಳು
-ವೈಡ್‌ ಸ್ಟಾಂಡಿಂಗ್‌ ಆವರಣ.
-ಡೈನಮಿಕ್‌ ರೂಟ್‌ ಮ್ಯಾಪ್‌
-ಲ್ಯಾಪ್‌ಟಾಪ್‌ ಅಥವಾ ಮೊಬೈಲ್‌ ಚಾರ್ಜಿಂಗ್‌ ಪಾಯಿಂಟ್‌ಗಳು.
-ಹೀಟಿಂಗ್‌ ವೆಂಟಿಲೇ ಶನ್‌ ಹಾಗೂ ಏರ್‌ ಕಂಡೀಶನಿಂಗ್‌ ವ್ಯವಸ್ಥೆ.
-ಸ್ವಯಂಚಾಲಿತ ಆ್ಯಂಬಿಯಂಟ್‌ ಲೈಟಿಂಗ್‌ ಸಿಸ್ಟಂ ಹಾಗೂ ಇನ್ನಿತರ ಸೌಕರ್ಯ.