ದೇಶವ್ಯಾಪಿ ವಿಸ್ತರಿಸಿದ ಮುಂಗಾರು ಮಳೆ: ಜೂನ್ನಲ್ಲಿ ವಾಡಿಕೆಗಿಂತ ಶೇ. 5ರಷ್ಟು ಮಳೆ ಕೊರತೆ
Team Udayavani, Jul 3, 2022, 12:54 AM IST
ಹೊಸದಿಲ್ಲಿ: ವಾರ್ಷಿಕ ಮುಂಗಾರು ಮಳೆ ಶನಿವಾರ ದೇಶವನ್ನಿಡೀ ವ್ಯಾಪಿಸಿದ್ದು, ಇದು ವಾಡಿಕೆಗಿಂತ ಆರು ದಿನ ಮುಂಚಿತವಾಗಿದೆ. ಆದರೆ ಇದುವರೆಗೆ ಒಟ್ಟು ಸುರಿದ ಮಳೆ ವಾಡಿಕೆಗಿಂತ ಶೇ. 5 ಕಡಿಮೆ ಎಂದು ಭಾರತೀಯ ಹವಾಮಾನ ಇಲಾಖೆ ತಿಳಿಸಿದೆ.
ಜಗತ್ತಿನಲ್ಲಿ ಅತೀ ಹೆಚ್ಚು ಜನಸಂಖ್ಯೆ ಹೊಂದಿರುವ ಎರಡನೇ ದೇಶ ಭಾರತದಲ್ಲಿ ಕೃಷ್ಯುತ್ಪನ್ನ ಮತ್ತು ಆರ್ಥಿಕ ಪ್ರಗತಿಯಲ್ಲಿ ಮುಂಗಾರು ಮಳೆ ನಿರ್ಣಾಯಕ ಪಾತ್ರ ವಹಿಸುತ್ತದೆ.
ಈ ವರ್ಷ ನಿಗದಿಗಿಂತ ಮುಂಚಿತ ವಾಗಿ ಮೇ 29ರಂದು ಮುಂಗಾರು ಕೇರಳಕ್ಕೆ ಆಗಮಿಸಿತ್ತಾದರೂ ಬಳಿಕ ಸ್ವಲ್ಪ ಹಿಂಜರಿದಿತ್ತು. ಪರಿಣಾಮವಾಗಿ ಜೂನ್ನಲ್ಲಿ ವಾಡಿಕೆಗಿಂತ ಶೇ. 5ರಷ್ಟು ಮಳೆ ಕೊರತೆ ಉಂಟಾಗಿದೆ. ಜುಲೈ ತಿಂಗಳಿನಲ್ಲಿ ಮುಂಗಾರು ಮತ್ತೆ ಬಿರುಸಾಗುವ ನಿರೀಕ್ಷೆಯಿದೆ.