ಬೆಳೆಯುತ್ತಲೇ ಇದೆ ಸರಣಿ ಕಳ್ಳತನ ಸರಪಳಿ
ಅಂಗಡಿಕಾರರ ನಿದ್ದೆಗೆಡಿಸಿದ ಸಾಲು ಸಾಲು ಪ್ರಕರಣ ; ಪ್ರತಿ 10-15 ದಿನಕ್ಕೆ ಒಂದಿಲ್ಲೊಂದು ಕಡೆ ಕಳ್ಳತನ
Team Udayavani, Aug 19, 2022, 2:45 PM IST
ಹುಬ್ಬಳ್ಳಿ: ಕೋವಿಡ್-19 ನಂತರದಲ್ಲಿ ರಾಜ್ಯಾದ್ಯಂತ ಕಳ್ಳರ ತಂಡಗಳು ಸಕ್ರಿಯವಾಗಿದ್ದು, ಅಂಗಡಿ ಮತ್ತು ಮನೆಗಳ ಸರಣಿ ಕಳ್ಳತನ ಹೆಚ್ಚುತ್ತಿದೆ. ಇದಕ್ಕೆ ಹು-ಧಾ ಮಹಾನಗರವು ಹೊರತಾಗಿಲ್ಲ.
ಅವಳಿ ನಗರದಲ್ಲಿ ಕಳೆದ ಎರಡ್ಮೂರು ತಿಂಗಳಿನಿಂದ ಸರಣಿ ಕಳ್ಳತನಗಳು ಅವ್ಯಾಹತವಾಗಿ ನಡೆಯುತ್ತಿದ್ದು, ಹೆಚ್ಚಾಗಿ ಅಂಗಡಿಗಳೇ ಗುರಿಯಾಗುತ್ತಿವೆ. ಪ್ರತಿ 10-15 ದಿನಗಳೊಳಗೆ ಒಂದಿಲ್ಲೊಂದು ಕಡೆ ಸರಣಿ ಕಳ್ಳತನ ನಡೆಯುತ್ತಿದೆ. ಮಹಾರಾಷ್ಟ್ರ, ಆಂಧ್ರಪ್ರದೇಶ, ತೆಲಂಗಾಣ, ತಮಿಳುನಾಡು ಹಾಗೂ ಬೆಂಗಳೂರಿನ ಕಲಾಸಿಪಾಳ್ಯ ಮತ್ತು ತುಮಕೂರು ತಂಡದವರು ರಾಜ್ಯಾದ್ಯಂತ ಸರಣಿಗಳ್ಳತನ ಕೃತ್ಯಗಳನ್ನು ಮಾಡುತ್ತಿದ್ದಾರೆ ಎಂದು ಹೇಳಲಾಗುತ್ತಿದೆ.
ಕಳ್ಳರು ಗುಂಪು ರಾತ್ರಿವೇಳೆ ಕೈಚಳಕ ತೋರಿ ಕ್ಷಣಾರ್ಧದಲ್ಲಿ ನಗರದಿಂದ ಪರಾರಿಯಾಗುತ್ತಿದ್ದಾರೆ. ಕೆಲವು ಕಳ್ಳತನದ ಪ್ರಕರಣಗಳನ್ನು ಪೊಲೀಸರಿಗೆ ಇದುವರೆಗೆ ಪತ್ತೆ ಮಾಡಲು ಆಗುತ್ತಿಲ್ಲ. ಪೊಲೀಸರು ಈಗಾಗಲೇ ಒಂದೆರಡು ಪ್ರಕರಣ ಭೇದಿಸಿ ಅಂತಾರಾಜ್ಯ ಮತ್ತು ಅಂತರ್ಜಿಲ್ಲಾ ಕಳ್ಳರನ್ನು ಬಂಧಿಸಿದ್ದಾರೇನೋ ಸರಿ. ಆದರೆ, ಇನ್ನೂ ಕೆಲವು ಕಳ್ಳರ ಗುಂಪು ಸಕ್ರಿಯವಾಗಿದ್ದು, ಜನರಲ್ಲಿ ಆತಂಕ ಸೃಷ್ಟಿಯಾಗಿದೆ.
ನಗರದಲ್ಲಿನ್ನೂ ಕೆಲ ಕಳ್ಳರ ತಂಡ ಸಕ್ರಿಯ?
ಗೋಕುಲ ರಸ್ತೆ ಪೊಲೀಸರು ಮಹಾರಾಷ್ಟ್ರ ಮತ್ತು ರಾಜ್ಯದ ವಿವಿಧೆಡೆ ಕಳ್ಳತನ ಮಾಡಿದ್ದ ಅಂತಾರಾಜ್ಯ ಕಳ್ಳರನ್ನು, ಕೇಶ್ವಾಪುರ ಪೊಲೀಸರು ಹಗಲು ಹೊತ್ತಿನಲ್ಲೆ ಮನೆಯ ಕೀಲಿ ಮುರಿದು ಕಳ್ಳತನ ಮಾಡುತ್ತಿದ್ದವರನ್ನು, ಶಹರ ಠಾಣೆ ಪೊಲೀಸರು ಅಂಗಡಿಗಳ ಸರಣಿ ಕಳ್ಳತನ ಮಾಡಿದ್ದ ಅಂತರ್ಜಿಲ್ಲಾ ಕಳ್ಳರನ್ನು ಬಂಧಿಸಿ, ಕಳ್ಳತನ ಪ್ರಕರಣಗಳನ್ನು ಭೇದಿಸಿದ್ದಾರೆ. ಆದರೆ ಬಂಧಿತರೆಲ್ಲರೂ ಒಂದು ಗುಂಪು ಮಾಡಿಕೊಂಡು ನಗರಕ್ಕೆ ಬಂದು, ರಾತ್ರಿಹೊತ್ತು ಕಳ್ಳತನ ಮಾಡಿಕೊಂಡು ತಲೆಮರೆಸಿಕೊಂಡಿದ್ದರು. ಪೊಲೀಸರು ಸಿಸಿ ಕ್ಯಾಮರಾ ದೃಶ್ಯಾವಳಿ ಹಾಗೂ ಕಳ್ಳರು ಬಿಟ್ಟು ಹೋದ ಒಂದಿಷ್ಟು ಸುಳಿವಿನ ಆಧಾರ ಮೇಲೆ ಅವರನ್ನು ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ. ಆದರೆ, ಇದೇರೀತಿಯ ಕಳ್ಳರ ಪ್ರತ್ಯೇಕ ತಂಡಗಳು ಸಕ್ರಿಯವಾಗಿವೆ ಎಂದು ಹೇಳಲಾಗುತ್ತಿದೆ.
ಕಳ್ಳರು ಮೊದಲು ಅಂಗಡಿಗಳನ್ನು ಅಷ್ಟಾಗಿ ಕಳ್ಳತನ ಮಾಡುತ್ತಿರಲಿಲ್ಲ. ಈಗ ಅಂಗಡಿ, ಮನೆಗಳನ್ನು ಸರಣಿಯಾಗಿ ಕಳವು ಮಾಡುತ್ತಿದ್ದಾರೆ. ಪೊಲೀಸರು ರಾತ್ರಿಗಸ್ತು ಅಷ್ಟಾಗಿ ಮಾಡುತ್ತಿಲ್ಲ. ನಿಗದಿಪಡಿಸಿದ ಪಾಯಿಂಟ್ನಲ್ಲಿ ಕೆಲಹೊತ್ತು ಇದ್ದು, ಹಿರಿಯ ಅಧಿಕಾರಿಗಳಿಗೆ ವಾಟ್ಸ್ಆ್ಯಪ್ನಲ್ಲಿ ಲೋಕೇಶನ್ ಸಂದೇಶ ಕಳುಹಿಸಿ ಹೋಗುತ್ತಾರೆ. ಮುಖ್ಯ ರಸ್ತೆಗಳಲ್ಲೇ ಪೊಲೀಸರ ವಾಹನಗಳು ತಿರುಗಾಡುತ್ತವೆ ವಿನಃ ಒಳರಸ್ತೆಗಳಿಗೆ ಬರುವುದಿಲ್ಲ. ಹೀಗಾಗಿ ಕಳ್ಳರು ಅವರ ಸಮಯ ನೋಡಿಕೊಂಡು ಕರಾಮತ್ತು ತೋರುತ್ತಿದ್ದಾರೆ. -ವಿನಾಯಕ ಎಚ್., ಅಂಗಡಿಕಾರ, ಗೋಪನಕೊಪ್ಪ
ಪೊಲೀಸರಿಗೆ ಪ್ರತಿದಿನ ಗಸ್ತು ತಿರುಗಲು ಒಂದು ರೂಟ್ ಮತ್ತು ಸಮಯ ನಿಗದಿಪಡಿಸಿ μಕ್ಸ್ ಪಾಯಿಂಟ್ ನೀಡಲಾಗಿದೆ. ಅಲ್ಲಿಗೆ ಅವರು ಕಡ್ಡಾಯವಾಗಿ ಹೋಗಲೇಬೇಕು. ರಾತ್ರಿಗಸ್ತಿನ ಬಗೆಗಿನ ಅಪಸ್ವರದ ಬಗ್ಗೆ ಪರಿಶೀಲಿಸುವೆ. ಧಾರವಾಡ ಮತ್ತು ಹುಬ್ಬಳ್ಳಿ ಶಹರ ಠಾಣೆಗಳಲ್ಲಿ ನಡೆದ ಸರಣಿಗಳ್ಳತನಗಳನ್ನು ಈಗಾಗಲೇ ಪತ್ತೆ ಮಾಡಲಾಗಿದೆ. ಅಶೋಕನಗರ ಮತ್ತು ವಿದ್ಯಾನಗರ ಠಾಣೆ ವ್ಯಾಪ್ತಿಯಲ್ಲಿ ನಡೆದ ಸರಣಿಗಳ್ಳತನ ಪತ್ತೆಗೆ ತಂಡ ರಚಿಸಲಾಗಿದೆ. –ಲಾಭೂ ರಾಮ, ಹು-ಧಾ ಪೊಲೀಸ್ ಆಯುಕ್ತ
-ಶಿವಶಂಕರ ಕಂಠಿ
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Lok Sabha Elections: ರಾಜ್ಯಕ್ಕೆ ಮೋದಿ ಆಗಮನ: ಇಂದು ನಾಲ್ಕು ಕಡೆ ಪ್ರಚಾರ
Neha Case: ಬೇಜವಾಬ್ದಾರಿ ಹೇಳಿಕೆಗಳು ತನಿಖೆ ದಾರಿ ತಪ್ಪಿಸುತ್ತವೆ: ಜ್ಯೋತಿ ಪ್ರಕಾಶ್ ಮಿರ್ಜಿ
Hubli; ಖರ್ಗೆ ಬ್ಲಾಕ್ಮೇಲ್ ಹೇಳಿಕೆಗಳಿಗೆ ಅಲ್ಲಿನ ಜನರು ಮರಳಾಗುವುದಿಲ್ಲ: ಪ್ರಹ್ಲಾದ ಜೋಶಿ
ಪ್ರಹ್ಲಾದ ಜೋಶಿ ವೀರಶೈವ ಲಿಂಗಾಯತರ ಅವನತಿಗಾಗಿ ಹುಟ್ಟಿಕೊಂಡವರು: ದಿಂಗಾಲೇಶ್ವರ ಸ್ವಾಮೀಜಿ
BJP ಅಧಿಕಾರಕ್ಕೆ ಬಂದರೆ ಮುಸ್ಲಿಂ ಮೀಸಲಾತಿ ರದ್ದು: ಯತ್ನಾಳ್
MUST WATCH
ಹೊಸ ಸೇರ್ಪಡೆ
Mangaluru Airport; ಗುದನಾಳದಲ್ಲಿ ಬಚ್ಚಿಟ್ಟ 54 ಲಕ್ಷ ರೂ. ಮೌಲ್ಯದ ಅಕ್ರಮ ಚಿನ್ನ ಪತ್ತೆ !
Indi ಲಚ್ಯಾಣ ಮಹಾರಥೋತ್ಸವದಲ್ಲಿ ಅವಘಡ: ರಥದ ಗಾಲಿಗೆ ಸಿಲುಕಿ ಇಬ್ಬರು ಮೃತ್ಯು
RCB ಕಮಾಲ್; ವಿಲ್ ಜಾಕ್ಸ್ ರೋಮಾಂಚನಕಾರಿ ಶತಕ: ಗುಜರಾತ್ ವಿರುದ್ಧ ಅತ್ಯಮೋಘ ಜಯ
Congress ಸರ್ಕಾರದಿಂದ ‘ಧರ್ಮ; ಸಂಕಷ್ಟ ನಿವಾರಣೆ: ಪ್ರಿಯಾಂಕ್ ಖರ್ಗೆ
China ದಿಂದ 10 ಲಕ್ಷ ಎಕರೆ ಅತಿಕ್ರಮವಾಗಿದೆ: ಮೋದಿ ವಿರುದ್ಧ ಪ್ರಕಾಶ್ ರಾಜ್ ವಾಗ್ದಾಳಿ