ರಾಜ್ಯದಲ್ಲಿಂದು 1,537 ಮಂದಿಗೆ ಕೋವಿಡ್‌ ಪಾಸಿಟಿವ್‌: 3 ಮಂದಿ ಸಾವು

Team Udayavani, Aug 19, 2022, 9:03 PM IST

ಬೆಂಗಳೂರು: ರಾಜ್ಯದಲ್ಲಿ ಶುಕ್ರವಾರ 1,537 ಮಂದಿಯಲ್ಲಿ ಕೋವಿಡ್‌ ಸೋಂಕು ದೃಢವಾಗಿದ್ದು, ಅನಾರೋಗ್ಯದಿಂದ ಬಳಲುತ್ತಿದ್ದ ಮೂರು ಮಂದಿ ಸೋಂಕಿತರು ಮೃತಪಟ್ಟಿದ್ದಾರೆ.

ಬೆಂಗಳೂರು ನಗರ 935, ಹಾಸನ 98, ಮೈಸೂರು 86, ಬಳ್ಳಾರಿ 50, ಧಾರವಾಡ 48, ಬೆಳಗಾವಿ 33, ತುಮಕೂರು, ಕೊಡಗು 32, ಮಂಡ್ಯ 28, ಕೋಲಾರ, ಶಿವಮೊಗ್ಗ 27, ರಾಮನಗರ 26, ಚಾಮರಾಜನಗರ 24, ದಕ್ಷಿಣ ಕನ್ನಡ, ರಾಯಚೂರು 20, ಉತ್ತರಕನ್ನಡ 17, ಚಿಕ್ಕಬಳ್ಳಾಪುರ, ದಾವಣಗೆರೆ 14, ಕಲಬುರಗಿ 9, ಬೆಂಗಳೂರು ಗ್ರಾಮಾಂತರ 8, ಉಡುಪಿ, ಬಾಗಲಕೋಟೆ 7, ವಿಜಯಪುರ 6, ಹಾವೇರಿ, ಚಿತ್ರದುರ್ಗ 5, ಗದಗ, ಕೊಪ್ಪಳ 3, ಯಾದಗಿರಿ 2, ಚಿಕ್ಕಮಗಳೂರು ಜಿಲ್ಲೆಯಲ್ಲಿ ಒಂದು ಪಾಸಿಟಿವ್‌ ವರದಿಯಾಗಿದೆ.

ಆ.18ರಂದು 2,329 ಪಾಸಿಟಿವ್‌ ವರದಿಯಾಗಿದ್ದು, ಅನಾರೋಗ್ಯದಿಂದ ಬಳಲುತ್ತಿದ್ದ ಹಾವೇರಿ ಹಾಗೂ ಬೆಂಗಳೂರು ಗ್ರಾಮಾಂತರ ಜಿಲ್ಲೆಯ 30 ಹಾಗೂ 35 ವರ್ಷದ ಯುವಕರು ಸೇರಿ ನಾಲ್ವರು ಮೃತಪಟ್ಟಿದ್ದಾರೆ. ಆ.19ರಂದು ಮೂವರು ಮೃತಪಟ್ಟಿದ್ದು, ಆ ಮೂಲಕ 48 ಗಂಟೆಯಲ್ಲಿ 7 ಮಂದಿ ಸೋಂಕಿನಿಂದ ಮೃತಪಟ್ಟಿದ್ದಾರೆ.