Bollywood: ಸಲ್ಮಾನ್‌ ಖಾನ್‌ ಪರ ಮಾತನಾಡಿದ ರಾಖಿ ಸಾವಂತ್‌ಗೆ ಜೀವ ಬೆದರಿಕೆ

Team Udayavani, Apr 20, 2023, 10:48 AM IST

ಮುಂಬಯಿ: ಬಾಲಿವುಡ್‌ ನಟಿ, ಬಿಗ್‌ ಬಾಸ್‌ ಸ್ಪರ್ಧಿ ರಾಖಿ ಸಾವಂತ್‌ ಮತ್ತೆ ಸುದ್ದಿಗೆ ಬಂದಿದ್ದಾರೆ. ಈ ಬಾರಿ ಅವರ ಗಂಡನ ವಿಚಾರವಾಗಿ ಅಲ್ಲ. ನಟಿ ರಾಖಿಗೆ ಬೆದರಿಕೆ ಇಮೇಲ್‌ ವೊಂದು ಬಂದಿರುವ ಕಾರಣಕ್ಕಾಗಿ.

ಇತ್ತೀಚೆಗೆ ಬಾಲಿವುಡ್‌ ಭಾಯಿ ಸಲ್ಮಾನ್‌ ಖಾನ್‌ ಅವರಿಗೆ ಜೀವ ಬೆದರಿಕೆಗಳು ಹೆಚ್ಚಾಗಿ ಬರುತ್ತಿದೆ. ಲಾರೆನ್ಸ್ ಬಿಷ್ಣೋಯ್ ಗ್ಯಾಂಗ್‌ ನಿಂದ ಅವರಿಗೆ ಹಲವು ಬಾರಿ ಬೆದರಿಕೆ ಬಂದಿದೆ. ಇದೀಗ ನಟಿ ರಾಖಿ ಸಾವಂತ್‌ ಅವರಿಗೆ ಸಲ್ಮಾನ್‌ ಖಾನ್‌ ಅವರ ಬಗ್ಗೆ ಮಾತನಾಡಿದಕ್ಕೆ ಬೆದರಿಕೆ ಬಂದಿದೆ.

ಲಾರೆನ್ಸ್ ಬಿಷ್ಣೋಯ್ ಅವರ ಗ್ಯಾಂಗ್‌ ನಿಂದ ನನಗೆ ಇಮೇಲ್‌ ಬಂದಿದೆ ಎಂದು ಬಂದ ಇಮೇಲ್‌ ನ್ನು ಮಾಧ್ಯಮಗಳ ಮುಂದೆ ಅವರು ಓದಿ ಹೇಳಿದ್ದಾರೆ. ಮುಂದಿನ ಸಲಿ ಆತನನ್ನು ( ಸಲ್ಮಾನ್‌ ಖಾನ್)‌ ಸೆಕ್ಯೂರಿಟಿಯ ಮಧ್ಯದಲ್ಲಿ ನುಗ್ಗಿ ಹೊಡೆಯುತ್ತೇವೆ. ನಿನಗೆ ಇದು ಕೊನೆಯ ಎಚ್ಚರಿಕೆ, ಇಲ್ಲದಿದ್ರೆ ನೀನೂ ತಯಾರಿಯಲ್ಲಿ ಇರು ಎನ್ನುವ ಮೇಲ್‌ ಬಂದಿದೆ ಎಂದು ನಟಿ ಹೇಳಿದ್ದಾರೆ.

ಇದನ್ನೂ ಓದಿ: “ಹಿಂದಿ ಸಿನಿಮಾ ಬಾಲಿವುಡ್‌ ಎಂದು ಕರೆಸಿಕೊಳ್ಳುವುದು ನಿಲ್ಲಬೇಕು..”: ನಿರ್ದೇಶಕ ಮಣಿರತ್ನಂ

ಇದು ಲಾರೆನ್ಸ್ ಬಿಷ್ಣೋಯ್ ಗ್ಯಾಂಗ್‌ ನಿಂದ ಇಮೇಲ್.‌ ನಾನು ಈ ಬಗ್ಗೆ ದೂರು ನೀಡುವುದಿಲ್ಲ ಎಂದಿದ್ದಾರೆ.

ಅವರು ಸಲ್ಮಾನ್‌ ಖಾನ್‌ ಬಗ್ಗೆ ಮಾತನಾಡಿದರೆ ನನ್ನನು ಕೊಲ್ಲುತ್ತಾರೆ ಎನ್ನುತ್ತಾರೆ. ನನ್ಯಾಕೆ ಸಲ್ಮಾನ್‌ ಅವರ ಬಗ್ಗೆ ಮಾತನಾಡಬಾರದು. ನನ್ನ ತಾಯಿಗೆ ಕ್ಯಾನ್ಸರ್‌ ಇದ್ದಾಗ, ಅವರನ್ನು ಉಳಿಸಲು ಸಲ್ಮಾನ್‌  50 ಲ.ರೂ.ಕೊಟ್ಟಿದ್ದಾರೆ. ನನ್ಯಾಕೆ ಅವರ ಬಗ್ಗೆ ಮಾತನಾಡಬಾರದು ಎಂದಿದ್ದಾರೆ.