ಹೆಂಡತಿ ಶಾಪಿಂಗ್‌ ಮಾಡ್ತಿದ್ರೆ ಪತಿಗೆ ಮಸಾಜ್‌ ಮಾಡ್ತಾರೆ!

Team Udayavani, Jul 24, 2017, 4:11 AM IST

ಹೆಂಡತಿ ಜೊತೆ ಶಾಪಿಂಗ್‌ ಹೋಗೋದು ಅಂದ್ರೆ ಬೋರೋ ಬೋರು! ಎಷ್ಟು ಹೊತ್ತು ಆದ್ರೂ ಹೆಂಡತಿಗೆ ಖರೀದಿ ಆಗಲ್ಲ. ನೋಡಿದ್ದನ್ನು ಎಷ್ಟು ನೋಡಿದ್ರೂ ಸಾಕಾಗಲ್ಲ ಎಂಬುದು ದೂರು. ಕಾರಣ ಶಾಪಿಂಗ್‌ ವ್ಯವಹಾರದಿಂದ ತಪ್ಪಿಸಿಕೊಳ್ಳಲು ಗಂಡಂದಿರು ನಾನಾ ಕಾರಣ ಹೇಳ್ತಾರೆ. ಆದ್ರೆ ಚಾಲಾಕಿ ಪತ್ನಿಯರ ಎದುರು ಪ್ರತಿ ಸಲವೂ ಗಂಡಂದಿರ ಇಂತಹ ಆಟಗಳೆಲ್ಲ ನಡೆಯೋದೇ ಇಲ್ಲ. ಪರಿಣಾಮ ಹೆಂಡತಿ ಹಿಂದೆ ಹೋಗಲೇ ಬೇಕಾ
ಗುತ್ತೆ!. ಆದರೆ ಚೀನಾದ ಶಾಂಘೈ ನಗರದಲ್ಲಿ ಗಂಡಂದಿರಿಗೆ ಈ ಸಮಸ್ಯೆಗಳಿಲ್ಲ. ಅಲ್ಲಿನ ಮಾಲ್‌ಗ‌ಳಿಗೆ ಹೋದರೆ ಹೆಂಡ್ತಿ ಯನ್ನು ಶಾಪಿಂಗ್‌ಗೆ ಬಿಟ್ಟು, ಗಂಡಂದಿರು ಮಸಾಜ್‌ಗೆ ಲೆದರ್‌ ಚೇರ್‌ನಲ್ಲಿ ಕೂರಬಹುದು. ಇದಕ್ಕೆ ಪ್ರತ್ಯೇಕ ವ್ಯವಸ್ಥೆ ಮಾಡಲಾಗಿದ್ದು, ಅಲ್ಲೇ ಅದ್ಭುತವಾದ ವಿಡಿಯೋ ಗೇಮ್‌ ಆಡುವ ವ್ಯವಸ್ಥೆ, ಟೀವಿ, ವಿಶ್ರಾಂತಿ ಪಡೆವ ವ್ಯವಸ್ಥೆ ಎಲ್ಲವೂ ಇದೆ. ಇದಕ್ಕೆ ಸುಮಾರು 200 ರೂ. ಶುಲ್ಕವಿದೆಯಂತೆ. ಹೆಂಡತಿ ಹಿಂದೆ ಬಂದವರಿಗೆ ಮನರಂಜನೆ ವ್ಯವಸ್ಥೆ ಇದ್ದು ಶಾಪಿಂಗ್‌ ಮುಗಿವವರೆಗೆ ಹಾಯಾಗಿ ಇರಬಹುದಂತೆ!