![Dingaleshwara (2)](https://www.udayavani.com/wp-content/uploads/2024/05/Dingaleshwara-2-415x279.jpg)
ಕೆಎಸ್ಆರ್ಟಿಸಿ ಅರ್ಧದಷ್ಟೂ ಸಿಬ್ಬಂದಿಗೆ ವರ್ಗಾವಣೆ ಅನುಮಾನ!
Team Udayavani, Aug 3, 2017, 8:55 AM IST
![ksrtc.jpg](https://www.udayavani.com/wp-content/uploads/2017/08/3/ksrtc.jpg)
ಬೆಂಗಳೂರು: ಸಾವಿರಾರು ಸಾರಿಗೆ ನೌಕರರು ಎದುರು ನೋಡುತ್ತಿರುವ ರಸ್ತೆ ಸಾರಿಗೆ ಅಂತರ ನಿಗಮಗಳ ವರ್ಗಾವಣೆಗೆ
ಸಂಬಂಧಿಸಿದ ಪ್ರಕ್ರಿಯೆಯ ಪ್ರಾಥಮಿಕ ಹಂತ ಪೂರ್ಣಗೊಂಡಿದ್ದು, ಒಟ್ಟಾರೆ ಆಕಾಂಕ್ಷಿಗಳ ಪೈಕಿ ಅರ್ಧದಷ್ಟೂ ಸಿಬ್ಬಂದಿಗೆ ಈ ಬಾರಿ ವರ್ಗಾವಣೆ ಭಾಗ್ಯ ಸಿಗುವುದು ಅನುಮಾನವಾಗಿದೆ.
ಅಂತರ ನಿಗಮಗಳ ವರ್ಗಾವಣೆ ಬಯಸಿ 18,978 ಅರ್ಜಿಗಳು ಬಂದಿದ್ದು, ಅವುಗಳ ವಿಂಗಡಣೆ ಪ್ರಕ್ರಿಯೆ ಬಹುತೇಕ ಪೂರ್ಣಗೊಂಡಿದೆ. ವಿವಿಧ ನಿಗಮಗಳಲ್ಲಿ ಖಾಲಿ ಇರುವ ಹುದ್ದೆಗಳೂ ಸೇರಿ ಅಬ್ಬಬ್ಟಾ ಎಂದರೆ 6ರಿಂದ 7 ಸಾವಿರ
ನೌಕರರಿಗೆ ಮಾತ್ರ ಈ ಬಾರಿ ವರ್ಗಾವಣೆ ಭಾಗ್ಯ ಸಿಗುವ ಸಾಧ್ಯತೆಯಿದೆ. ಉಳಿದವರು ಈ “ಭಾಗ್ಯ’ಕ್ಕಾಗಿ ಮತ್ತೆ ಹಲವು ವರ್ಷ ಕಾಯಬೇಕಾದ ಅನಿವಾರ್ಯತೆ ಎದುರಾಗಿದೆ.
ಮೊದಲ ಹಂತದಲ್ಲಿ ವರ್ಗಾವಣೆ ಸಿಗದವರ ಕತೆ ಏನು ಎಂಬುದಕ್ಕೆ ಸ್ವತಃ ಸಾರಿಗೆ ನಿಗಮ ಅಥವಾ ಸರ್ಕಾರದ ಬಳಿಯೂ ಉತ್ತರವಿಲ್ಲ. ಮತ್ತೆ ಮುಂದಿನ ವರ್ಷ ಈ ವರ್ಗಾವಣೆ ಮಾಡಬಹುದು. ಆದರೆ, ನಿರೀಕ್ಷಿತ ಪ್ರಮಾಣದ
ಹುದ್ದೆಗಳು ಲಭ್ಯ ಇರುವುದಿಲ್ಲ. ಇನ್ನು ಪ್ರತಿ ವರ್ಷ ನಿವೃತ್ತಿ ಹೊಂದುವವರ ಪ್ರಮಾಣ ಕೆಎಸ್ಆರ್ಟಿಸಿಯಲ್ಲಿ ಕೇವಲ ಶೇ. 2ರಿಂದ 3ರಷ್ಟಿದೆ. ಉಳಿದ ನಿಗಮಗಳಲ್ಲಿ ಇದಕ್ಕಿಂತ ಕಡಿಮೆ. ಹೀಗಿರುವಾಗ, ಮುಂದಿನ ಎರಡು-ಮೂರು ವರ್ಷಗಳಂತೂ
ವಂಚಿತರಿಗೆ ವರ್ಗಾವಣೆ ಸಿಗುವುದು ಕಷ್ಟಸಾಧ್ಯ ಎಂದು ಹೆಸರು ಹೇಳಲಿಚ್ಛಿಸದ ಉನ್ನತ ಅಧಿಕಾರಿಯೊಬ್ಬರು ಸ್ಪಷ್ಟಪಡಿಸಿದ್ದಾರೆ.
700 ಅರ್ಜಿ ಅಸಿಂಧು: 18,978 ಅರ್ಜಿಗಳಲ್ಲಿ ಅಂದಾಜು 700 ಅರ್ಜಿಗಳು ಅಸಿಂಧುಗೊಂಡಿದ್ದು, ಇದರಲ್ಲಿ ಶೇ.80ರಷ್ಟು ತರಬೇತಿ (ಟ್ರೈನಿ) ಹಂತದಲ್ಲಿರುವ ಅಭ್ಯರ್ಥಿಗಳಾಗಿದ್ದಾರೆ. ಹಾಗಾಗಿ, ನಿಯಮದ ಪ್ರಕಾರ ಅವರಿಗೆ ಈ ಅಂತರ ನಿಗಮಗಳ ವರ್ಗಾವಣೆಗೆ ಅವಕಾಶ ಇರುವುದಿಲ್ಲ. ಉಳಿದ ಶೇ.20ರಷ್ಟು ಅರ್ಜಿಗಳು ಪುನರಾವರ್ತನೆಗೊಂಡವು ಆಗಿವೆ. ಅರ್ಜಿ ಹಾಕಿದವರೆಲ್ಲರಿಗೂ ಏಕಕಾಲದಲ್ಲಿ ವರ್ಗಾವಣೆ ಸಾಧ್ಯವಿಲ್ಲ. ಯಾಕೆಂದರೆ, ವರ್ಗಾವಣೆ ಬಯಸಿದವರಲ್ಲಿ 16 ಸಾವಿರ ಅರ್ಜಿಗಳು ಕೆಎಸ್ಆರ್ಟಿಸಿ ಮತ್ತು ಬಿಎಂಟಿಸಿಯಿಂದಲೇ ಬಂದಿವೆ. ಉಳಿದ 3 ಸಾವಿರ ಅರ್ಜಿಗಳು ಈಶಾನ್ಯ ಮತ್ತು ವಾಯವ್ಯ ರಸ್ತೆ ಸಾರಿಗೆ ನಿಗಮಗಳಿಂದ ಬಂದಿವೆ.
ಅಂದರೆ ಎರಡು ಸಾರಿಗೆ ಸಂಸ್ಥೆಗಳಿಂದ ಹೆಚ್ಚಿನ ಸಂಖ್ಯೆಯಲ್ಲಿ ಹೋಗಲು ಬಯಸಿದ್ದರಿಂದ ಅಲ್ಲಿ ಇಷ್ಟೊಂದು ಹುದ್ದೆಗಳು ಖಾಲಿಯಿಲ್ಲ. ಹಾಗಾಗಿ, ಆ ಕಡೆಯಿಂದ (ಈಶಾನ್ಯ ಮತ್ತು ವಾಯವ್ಯ ನಿಗಮಗಳು) ಬರಲು ಬಯಸಿದ 2,500-3,000
ಸಿಬ್ಬಂದಿ ಮತ್ತು ಖಾಲಿ ಇರುವ ಹುದ್ದೆಗಳು ಸೇರಿ 6ರಿಂದ 7 ಸಾವಿರ ಸಿಬ್ಬಂದಿ ವರ್ಗಾವಣೆ ಆಗಲಿದ್ದಾರೆ ಎಂದು ಕೆಎಸ್ಆರ್ಟಿಸಿ ವ್ಯವಸ್ಥಾಪಕ ನಿರ್ದೇಶಕ ಎಸ್.ಆರ್. ಉಮಾಶಂಕರ್ “ಉದಯವಾಣಿ’ಗೆ ತಿಳಿಸಿದರು.
ಬಿಎಂಟಿಸಿಯಿಂದ ಕೆಲವರು ಕೆಎಸ್ಆರ್ಟಿಸಿಗೂ ವರ್ಗಾವಣೆ ಬಯಸಿ ಅರ್ಜಿ ಸಲ್ಲಿಸಿದ್ದಾರೆ. ನಗರದಲ್ಲಿ ಜೀವನ ವೆಚ್ಚ ದುಬಾರಿ. ಸಂಚಾರದಟ್ಟಣೆಯಲ್ಲಿ ಚಾಲಕ-ನಿರ್ವಾಹಕರು ಸದಾ ಒತ್ತಡದಲ್ಲೇ ಕಾರ್ಯನಿರ್ವಹಿಸುತ್ತಾರೆ. ಕೊನೇಪಕ್ಷ ಕೆಎಸ್ಆರ್ಟಿಸಿಗೆ ವರ್ಗಾವಣೆಗೊಂಡರೆ, ಬೇರೆ ಜಿಲ್ಲೆಗಳಲ್ಲಿ ಕಾರ್ಯನಿರ್ವಹಿಸಬಹುದು ಎಂಬುದು ಸಿಬ್ಬಂದಿ ಲೆಕ್ಕಾಚಾರ.
ತಗ್ಗಲಿದೆ ಆರ್ಥಿಕ ಹೊರೆ: ಕೆಎಸ್ಆರ್ಟಿಸಿ ಮತ್ತು ಬಿಎಂಟಿಸಿಯಿಂದ ಹೆಚ್ಚಿನ ಸಂಖ್ಯೆಯಲ್ಲಿ ಬೇರೆ ನಿಗಮಗಳಿಗೆ ವರ್ಗಾವಣೆ ಆಗುತ್ತಿರುವುದರಿಂದ ಈ ಎರಡೂ ನಿಗಮಗಳಿಗೆ ಆರ್ಥಿಕ ಹೊರೆ ಕೂಡ ತಗ್ಗಲಿದೆ ಎಂದು ಲೆಕ್ಕಪತ್ರ ವಿಭಾಗದ
ಅಧಿಕಾರಿಯೊಬ್ಬರು ಮಾಹಿತಿ ನೀಡುತ್ತಾರೆ.
ಅಂತರ ನಿಗಮಗಳ ವರ್ಗಾವಣೆಯಲ್ಲಿ ಸೇವಾ ಹಿರಿತನ ಇರುವವರಿಗೆ ಮೊದಲ ಆದ್ಯತೆ ನೀಡಲಾಗಿದೆ. ಹಾಗಾಗಿ, ಸಾಮಾನ್ಯವಾಗಿ ವರ್ಗಾವಣೆ ಹೊಂದುವವರ ಮಾಸಿಕ ವೇತನ ಹೆಚ್ಚು-ಕಡಿಮೆ 40 ಸಾವಿರ ರೂ. ಇರುತ್ತದೆ. ಈಗ
ಅದೇ ಮೊತ್ತದಲ್ಲಿ ಇಬ್ಬರು ನೌಕರರು ಬರುತ್ತಾರೆ. ಈ ನಿಟ್ಟಿನಲ್ಲಿ ತುಸು ಆರ್ಥಿಕ ಹೊರೆ ತಗ್ಗಲಿದೆ ಎಂಬುದು ಅಧಿಕಾರಿಗಳ ಲೆಕ್ಕಾಚಾರ.
ಟಾಪ್ ನ್ಯೂಸ್
![Dingaleshwara (2)](https://www.udayavani.com/wp-content/uploads/2024/05/Dingaleshwara-2-415x279.jpg)
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
![Revanna 2](https://www.udayavani.com/wp-content/uploads/2024/05/Revanna-2-150x90.jpg)
H.D. Revanna ಬಂಧನ; ಸಿಎಂ ಸಿದ್ದರಾಮಯ್ಯ, ಡಿಸಿಎಂ ಡಿ.ಕೆ.ಶಿವಕುಮಾರ್ ಪ್ರತಿಕ್ರಿಯೆ
![Why Modi doesn’t talk about ladies now: Priyanka Gandhi](https://www.udayavani.com/wp-content/uploads/2024/05/priyank-150x83.jpg)
Davanagere; ಮೋದಿ ಯಾಕೆ ಬಲಾತ್ಕಾರಕ್ಕೊಳಗಾದ ಮಹಿಳೆಯರ ಬಗ್ಗೆ ಮಾತನಾಡಲ್ಲ: ಪ್ರಿಯಾಂಕಾ ಗಾಂಧಿ
![1-wewqewewq](https://www.udayavani.com/wp-content/uploads/2024/05/1-wewqewewq-150x87.jpg)
H.D. Revanna ಬಂಧಿಸಿದ ಎಸ್ ಐಟಿ; ನಿರೀಕ್ಷಣಾ ಜಾಮೀನು ನಿರಾಕರಿಸಿದ ಕೋರ್ಟ್
![Prajwal R case: ಪ್ರಜ್ವಲ್ ವಿರುದ್ಧ ಬ್ಲೂ ಕಾರ್ನರ್ ನೋಟಿಸ್ ಜಾರಿಗೆ SIT ಮನವಿ: ಏನಿದು?](https://www.udayavani.com/wp-content/uploads/2024/05/Prajwal-7-150x84.jpg)
Prajwal R case: ಪ್ರಜ್ವಲ್ ವಿರುದ್ಧ ಬ್ಲೂ ಕಾರ್ನರ್ ನೋಟಿಸ್ ಜಾರಿಗೆ SIT ಮನವಿ: ಏನಿದು?
![ಶಿವರಾಮೇಗೌಡ](https://www.udayavani.com/wp-content/uploads/2024/05/shivaramegowda-150x83.jpg)
Pendrive; ಪ್ರಜ್ವಲ್ ದೌರ್ಜನ್ಯ ಮಾಡುವಾಗ ಅಪ್ಪ,ಅಮ್ಮ ಕತ್ತೆ ಕಾಯುತ್ತಿದ್ದರೆ..: ಶಿವರಾಮೇಗೌಡ
MUST WATCH
ಹೊಸ ಸೇರ್ಪಡೆ
![Dingaleshwara (2)](https://www.udayavani.com/wp-content/uploads/2024/05/Dingaleshwara-2-150x101.jpg)
Prahlad Joshi ವಿರುದ್ದ ರಣಕಹಳೆ : ದಿಂಗಾಲೇಶ್ವರ ಶ್ರೀ ವಿರುದ್ದ ಎಫ್ ಐಆರ್ ದಾಖಲು
![Revanna 2](https://www.udayavani.com/wp-content/uploads/2024/05/Revanna-2-150x90.jpg)
H.D. Revanna ಬಂಧನ; ಸಿಎಂ ಸಿದ್ದರಾಮಯ್ಯ, ಡಿಸಿಎಂ ಡಿ.ಕೆ.ಶಿವಕುಮಾರ್ ಪ್ರತಿಕ್ರಿಯೆ
![1-rwrrer](https://www.udayavani.com/wp-content/uploads/2024/05/1-rwrrer-150x96.jpg)
BJP; ತೇಜಸ್ವಿ ಸೂರ್ಯ ನವರಾತ್ರಿಯ ಮುನ್ನಾದಿನ ಮೀನು ತಿನ್ನುತ್ತಾರೆ!: ಕಂಗನಾ ಭಾಷಣ ವೈರಲ್
![1-weqwqewq](https://www.udayavani.com/wp-content/uploads/2024/05/1-weqwqewq-150x82.jpg)
Mumbai; ಚಿನ್ನ ಕಳ್ಳಸಾಗಣೆಯಲ್ಲಿ ಸಿಕ್ಕಿಬಿದ್ದ ಆಫ್ಘಾನ್ ಕಾನ್ಸುಲ್ ಜನರಲ್ ರಾಜೀನಾಮೆ
![gold 2](https://www.udayavani.com/wp-content/uploads/2024/05/gold-2-150x90.jpg)
Mumbai Airport ; 12.74 ಕೆಜಿ ಚಿನ್ನಾಭರಣ ಜಪ್ತಿ, ಐವರು ಪ್ರಯಾಣಿಕರ ಬಂಧನ