ಹರಿಯಾಣದ ಈ ಗ್ರಾಮದ ಮಹಿಳೆಯರಿಂದ ಟ್ರಂಪ್ ಪಡೆಯಲಿದ್ದಾರೆ 1001 ರಾಖಿ
Team Udayavani, Aug 5, 2017, 5:52 PM IST
ಹೊಸದಿಲ್ಲಿ : ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರ ಹೆಸರನ್ನು ಸಾಂಕೇತಿಕವಾಗಿ ಹೊಂದಿರುವ ಹರಿಯಾಣದ ಮೇವಾತ್ ಪ್ರಾಂತ್ಯದ ಮರೋರ ಗ್ರಾಮದ ಮಹಿಳೆಯರು ಟ್ರಂಪ್ ಅವರಿಗೆ 1001 ರಾಖೀಗಳನ್ನು ಕಳುಹಿಸಲಿದ್ದಾರೆ.
ಇದೇ ರೀತಿ ಪ್ರಧಾನಿ ನರೇಂದ್ರ ಮೋದಿ ಅವರಿಗೆ 501 ರಾಖೀಗಳನ್ನು ಕಳುಹಿಸುತ್ತಿದ್ದಾರೆ. ಇವರಿಬ್ಬರನ್ನೂ ಈ ಗ್ರಾಮದ ಮಹಿಳೆಯರು ತಮ್ಮ ಅಣ್ಣನೆಂಬ ಗೌರವಭಾವದಿಂದ ರಾಖೀ ಕಳುಹಿಸುತ್ತಿದ್ದಾರೆ.
ಮರೋರ ಗ್ರಾಮವನ್ನು ಕೆಲ ಸಮಯದ ಹಿಂದೆ ದತ್ತು ತೆಗೆದುಕೊಂಡಿದ್ದ ಸುಲಭ್ ಇಂಟರ್ನ್ಯಾಶನಲ್ ಸೋಶಿಯಲ್ ಸರ್ವಿಸ್ ಆರ್ಗನೈಸೇಶನ್ (ಸಿಸ್ಕೋ) ಮುಖ್ಯಸ್ಥ ಬಿಂದೇಶ್ವರ್ ಪಾಠಕ್ ಅವರು ಈ ಗ್ರಾಮಕ್ಕೆ “ಟ್ರಂಪ್ ಗ್ರಾಮ’ ವೆಂದು ಹೆಸರಿಟ್ಟಿದ್ದರು.
ಹೀಗೆ ನಾಮಕರಣ ಮಾಡುವ ಮೂಲಕ ಭಾರತ – ಅಮೆರಿಕ ನುಡವಿನ ಬಾಂಧವ್ಯ ಬಲಿಷ್ಠವಾಗಲೆಂಬ ಆಶಯ ಮರೋರ ಗ್ರಾಮದ ಜನರದ್ದಾಗಿತ್ತು.
ಆದರೆ ಜಿಲ್ಲಾಡಳಿತವು “ಟ್ರಂಪ್ ಗ್ರಾಮ’ವೆಂದು ನಾಮಕರಣ ಮಾಡುವುದು ಕಾನೂನು ಪ್ರಕಾರ ಸರಿಯಲ್ಲ ಎಂದು ಹೇಳಿದ ಬಳಿಕ ಆ ಹೆಸರನ್ನು ಮತ್ತು ಫಲಕಗಳನ್ನು ತೆಗೆಯಲಾಗಿತ್ತು.
ಹಾಗಿದ್ದರೂ ಈಗಲೂ ಜನರ ಬಾಯಲ್ಲಿ ಮರೋರ “ಟ್ರಂಪ್ ಗ್ರಾಮ’ವೆಂದೇ ಖ್ಯಾತವಾಗಿದೆ. ಸುಮಾರು 1,800 ಜನಸಂಖ್ಯೆಯನ್ನು ಹೊಂದಿರುವ ಈ ಗ್ರಾಮ ಗುರ್ಗಾಂವ್ನಿಂದ 60 ಕಿಮೀ. ದೂರದಲ್ಲಿದ್ದು ಪುನಹಾನಾ ತೆಹಶೀಲ್ ವ್ಯಾಪ್ತಿಗೆ ಒಳಪಡುತ್ತದೆ.
ಪಾಠಕ್ ಅವರ ಎನ್ಜಿಓ ಮರೋರ ಗ್ರಾಮದ ಮಹಿಳೆಯರು ಮತ್ತು ಹುಡುಗಿಯರಿಗಾಗಿ ಅನೇಕ ಬಗೆಯ ಸಮಾಜ ಕಲ್ಯಾಣ ಕಾರ್ಯಕ್ರಮಗಳನ್ನು ಕೈಗೊಳ್ಳುತ್ತಿದ್ದು ಗ್ರಾಮಸ್ಥರಲ್ಲಿ ಜನಪ್ರಿಯವಾಗಿದೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
CBI ಏಜೆನ್ಸಿ ನಮ್ಮ ನಿಯಂತ್ರಣದಲ್ಲಿಲ್ಲ: ಸುಪ್ರೀಂಗೆ ಕೇಂದ್ರ ಮಾಹಿತಿ
PM Modi: ಕೊರೊನಾ ಲಸಿಕೆ ಪ್ರಮಾಣಪತ್ರದಲ್ಲಿ ಮೋದಿ ಫೋಟೋ ಕಣ್ಮರೆಯಾಗಿದ್ದೇಕೆ?
BJP 200 ಸೀಟು ದಾಟುವುದು ಕಷ್ಟ: ಗೋವಾದಲ್ಲಿ ಶಶಿ ತರೂರ್
Prajwal Revanna ವಿದೇಶಕ್ಕೆ ತೆರಳಲು ಕ್ಲಿಯರೆನ್ಸ್ ಕೇಳಿಲ್ಲ: ವಿದೇಶಾಂಗ ಸಚಿವಾಲಯ
ಕಳ್ಳರು & ದರೋಡೆಕೋರರ ಗ್ಯಾಂಗ್ ಚುಚ್ಚಿದ್ದ ವಿಷಕ್ಕೆ ಪೊಲೀಸ್ ಕಾನ್ಸ್ ಟೇಬಲ್ ಮೃತ್ಯು