ಪುದುವೆಟ್ಟು ಶಾಲೆಯಲ್ಲಿ ಜಾಗತಿಕ ಗಂಟೆ!
Team Udayavani, Sep 19, 2017, 3:32 PM IST
ಬೆಳ್ತಂಗಡಿ : ಈ ಶಾಲೆಯ ಮಕ್ಕಳು ಕುಳಿತಲ್ಲೇ ಅಮೆರಿಕದವರು ಈಗೇನು ಮಾಡುತ್ತಿರಬಹುದು ಎಂದು ಅಂದಾಜಿಸಬಲ್ಲರು. ಆಸ್ಟ್ರೇಲಿಯಾದಲ್ಲಿ ಜನತೆಯ ಚಟುವಟಿಕೆ ಏನಿರಬಹುದು ಎಂದು ಊಹಿಸಬಲ್ಲರು. ಏಕೆಂದರೆ ಇವರು ಕುಳಿತಲ್ಲೇ ನಾನಾ ದೇಶಗಳ ಸಮಯ ಕಾಣಬಲ್ಲರು.
ಜಾಗತಿಕ ಸಮಯ
ಪುದುವೆಟ್ಟಿನಲ್ಲಿ ಧರ್ಮಸ್ಥಳ ಮಂಜುನಾಥೇಶ್ವರ ಅನುದಾನಿತ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ ವಿವಿಧ ದೇಶಗಳ ಕಾಲಮಾನ ಪ್ರದರ್ಶಿಸುವ ಗಡಿಯಾರಗಳನ್ನು ತೂಗು ಹಾಕಲಾಗಿದೆ. ಶಾಲಾ ಮಟ್ಟದಲ್ಲಿ ಇದು ಹೊಸ ಪ್ರಯೋಗ. ಜತೆಗೆ ಆಯಾ ಗಡಿಯಾರದ ಕೆಳಗೆ ಆಯಾ ದೇಶಗಳ ಹೆಸರು ಪ್ರಕಟಿಸಲಾಗಿದೆ. ಇದರಿಂದ ಗ್ರಾಮೀಣ ಪ್ರದೇಶದ ಮಕ್ಕಳಿಗೆ ಭಾರತದಲ್ಲಿ ಬೆಳಗ್ಗೆ 10 ಗಂಟೆಯಾದಾಗ ಅಮೆರಿಕದಲ್ಲಿ ಎಷ್ಟು ಗಂಟೆ?ಕೆನಡಾದ ಸಮಯವೆಷ್ಟು ಎಂದು ಕೂಡಲೇ ತಿಳಿಯಬಹುದು. ಈ ಕಲ್ಪನೆಯ ಸಾಕಾರಮೂರ್ತಿ ಶಾಲಾ ಮುಖ್ಯ ಶಿಕ್ಷಕ ವಸಂತ ಭಟ್.
ಎಲ್ಲ ವಿವರ
ಇದಿಷ್ಟಕ್ಕೇ ಸುಮ್ಮನಾಗಿಲ್ಲ. ಸಮಯ ವನ್ನು ಯಾವುದಕ್ಕೆ ಸರಿಯಾಗಿ ಹೊಂದಿಸ ಲಾಗುತ್ತದೆ. ಭೂಮಧ್ಯ ರೇಖೆ, ಇಂಡಿಯನ್ ಸ್ಟಾಂಡರ್ಡ್ ಟೈಮ್ಇತ್ಯಾದಿ ಎಲ್ಲ ವಿವರಗಳನ್ನು ಮಕ್ಕಳಿಗೆ ತಿಳಿ ಹೇಳಿ ಅಮೆರಿಕ ಹಾಗೂ ಭಾರತದ ಸಮಯಕ್ಕೆ ಯಾಕೆ ವ್ಯತ್ಯಾಸ ಎನ್ನುವುದನ್ನು ಮಕ್ಕಳಿಗೆ ಮನದಟ್ಟು ಮಾಡ ಲಾಗುತ್ತದೆ ಎನ್ನುತ್ತಾರೆ ಶಿಕ್ಷಕ ಜೋಸೆಫ್.
ಲೋಕಾರ್ಪಣೆ
ಧರ್ಮೋತ್ಥಾನ ಟ್ರಸ್ಟ್ ಕಾರ್ಯದರ್ಶಿ ಎ. ವೀರು ಶೆಟ್ಟಿ ಅವರು ಇದನ್ನು ಲೋಕಾರ್ಪಣೆ ಮಾಡಿ ಸಮಯ ಪರಿಪಾಲನೆಯ ಮಹತ್ವವವನ್ನು ಮಕ್ಕಳಿಗೆ ಹೇಳಿದರು.ಪತ್ರಕರ್ತ ಧನಕೀರ್ತಿ ಆರಿಗ ಮತ್ತಿತರರು ಉಪಸ್ಥಿತರಿದ್ದರು.
ಸೌಲಭ್ಯ ವಂಚಿತ
ಇದು ಪಟ್ಟಣಕ್ಕೆ ಹತ್ತಿರವಿದ್ದರೂ ಒಂದರ್ಥದಲ್ಲಿ ಹಿಂದುಳಿದ ಪ್ರದೇಶ. ಧರ್ಮಸ್ಥಳದಿಂದ 7-8 ಕಿ.ಮೀ. ದೂರದಲ್ಲಿ ಇದ್ದರೂ ಮೊಬೈಲ್ ನೆಟ್ವರ್ಕ್, ರಸ್ತೆ ಅವ್ಯವಸ್ಥೆ, ಸಂಚಾರ ಸಾರಿಗೆ ಸಮಸ್ಯೆ ಸೇರಿದಂತೆ ಹತ್ತು ಹಲವು ಸೌಲಭ್ಯಗಳಿಂದ ವಂಚಿತವಾಗಿ ಹಿಂದುಳಿದಿದೆ. ಇಲ್ಲಿನ ಮಕ್ಕಳಿಗೆ ಹಳ್ಳಿ ಮಕ್ಕಳು ಎಂಬ ಭಾವನೆ ಬರಬಾರದು ಎಂದೇ ಶಾಲೆಯಲ್ಲಿ ಅನೇಕ ಕಾರ್ಯಕ್ರಮಗಳನ್ನು ಹಮ್ಮಿಕೊಂಡು ಬೇರೆ ಬೇರೆ ಚಟುವಟಿಕೆಗಳ ಮೂಲಕ ಮಕ್ಕಳ ಜ್ಞಾನದ ವಿಸ್ತಾರಕ್ಕೆ ಪ್ರಯತ್ನಿಸಲಾಗುತ್ತಿದೆ.
ಆಧುನಿಕ ತಂತ್ರಜ್ಞಾನದ ಮಾಹಿತಿ
ಗ್ರಾಮಾಂತರ ಪ್ರದೇಶದ ಮಕ್ಕಳುಜಾಗತಿಕ ತಿಳಿವಳಿಕೆಯಲ್ಲಿ ಹಿಂದುಳಿಯಬಾರದು ಎಂಬ ನಿಟ್ಟಿನಲ್ಲಿಈ ಪ್ರಯೋಗ ಮಾಡಲಾಗಿದೆ.ಕಂಪ್ಯೂಟರ್ ಅಳವಡಿಕೆ ಮೂಲಕ ಆಧುನಿಕ ತಂತ್ರಜ್ಞಾನದ ಮಾಹಿತಿಯನ್ನು ನೀಡಲಾಗುತ್ತಿದೆ.
ವಸಂತ ಭಟ್, ಮುಖ್ಯ ಶಿಕ್ಷಕರು
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Politics: ಕೇಂದ್ರ ಬರ ಪರಿಹಾರ ನೀಡದಿರಲು ವಿಧಾನಸಭೆ ಚುನವಾಣೆ ಸೋಲಿನ ಸೇಡು: ರಾಮಲಿಂಗಾರೆಡ್ಡಿ
LPG Cylinders: ವಾಣಿಜ್ಯ ಬಳಕೆಯ ಎಲ್ ಪಿಜಿ ಸಿಲಿಂಡರ್ ಬೆಲೆ ಮತ್ತೆ ಇಳಿಕೆ; ಹೊಸ ದರ ಎಷ್ಟು?
ಧ್ರುವ್ ರಾಠಿ ಮುಸ್ಲಿಂ, ಆತನ ಪತ್ನಿ ಪಾಕಿಸ್ತಾನಿ: ವೈರಲ್ ಪೋಸ್ಟ್ನ ಸತ್ಯಾಸತ್ಯತೆ ಏನು?
ಇನ್ಸ್ಟಾ ಪ್ರೊಫೈಲ್ ಮಾಯೆ: ಯುವತಿ ಎಂದು 45ರ ಆಂಟಿ ಜೊತೆ 20ರ ಯುವಕನ ಚಾಟ್: ಮುಂದೆ ಆದದ್ದು..
NewsClick ಸ್ಥಾಪಕ ಪ್ರಬೀರ್ ವಿರುದ್ಧ 8,000 ಪುಟಗಳ ಆರೋಪಪಟ್ಟಿ; ಭಯೋತ್ಪಾದನೆಗೆ ನೆರವು!