ಟ್ವೆಂಟಿ20ಯಲ್ಲಿ ಹಿಟ್ವಿಕೆಟ್ ರಾಹುಲ್ ಭಾರತದ ಮೊದಲಿಗ
Team Udayavani, Mar 14, 2018, 7:30 AM IST
ಕೊಲಂಬೊ: ಭಾರತದ ಕೆಎಲ್ ರಾಹುಲ್ ಟ್ವೆಂಟಿ20 ಕ್ರಿಕೆಟ್ ಪಂದ್ಯದಲ್ಲಿ ಹಿಟ್ವಿಕೆಟ್ ಆಗಿ ಔಟಾದ ಭಾರತದ ಮೊದಲ ಆಟಗಾರ ಆಗಿದ್ದಾರೆ. ನಿದಹಾಸ್ ಟ್ರೋಫಿಗಾಗಿ ನಡೆಯುತ್ತಿರುವ ತ್ರಿಕೋನ ಸರಣಿಯ ಸೋಮವಾರದ ಪಂದ್ಯದಲ್ಲಿ ಶ್ರೀಲಂಕಾ ವಿರುದ್ಧ ರಾಹುಲ್ ಹಿಟ್ವಿಕೆಟ್ ಆಗಿ ಔಟಾಗಿದ್ದರು. ಚೆಂಡನ್ನು ಎದುರಿಸಲು ಕ್ರೀಸ್ನ ಹತ್ತಿರ ಹೋದಾಗ ರಾಹುಲ್ ಅವರ ಕಾಲು ಸ್ಟಂಪ್ಗೆ ತಾಗಿತು. ಹಾಗಾಗಿ ಪೆವಿಲಿಯನ್ಗೆ ಸಾಗಬೇಕಾಯಿತು. ಟ್ವೆಂಟಿ20ಯಲ್ಲಿ ರಾಹುಲ್ ಹಿಟ್ವಿಕೆಟ್ ಆಗಿ ಔಟಾದ 10ನೇ ಆಟಗಾರರಾಗಿದ್ದಾರೆ.
ನಯನ್ ಮೊಂಗಿಯಾ ಮೊದಲ ಆಟಗಾರರಾಗಿದ್ದಾರೆ. 1995ರಲ್ಲಿ ಪಾಕಿಸ್ಥಾನ ವಿರುದ್ಧದ ಪಂದ್ಯದಲ್ಲಿ ಮೊಂಗಿಯಾ ಹಿಟ್ವಿಕೆಟ್ ಆಗಿ ಔಟಾಗಿದ್ದರು. ಲೆಜೆಂಡರಿ ಸ್ಪಿನ್ನರ್ ಅನಿಲ್ ಕುಂಬ್ಳೆ ನ್ಯೂಜಿಲ್ಯಾಂಡ್ ವಿರುದ್ಧ 2003ರಲ್ಲಿ ನಡೆದ ಪಂದ್ಯದಲ್ಲಿ ಹಿಟ್ವಿಕೆಟ್ ಆಗಿದ್ದರು. ಮಾಸ್ಟರ್ ಬ್ಲಾಸ್ಟರ್ ಸಚಿನ್ ತೆಂಡುಲ್ಕರ್ 2008ರಲ್ಲಿ ಆಸ್ಟ್ರೇಲಿಯ ವಿರುದ್ಧ ಮತ್ತು ಭಾರತ ತಂಡದ ನಾಯಕ ವಿರಾಟ್ ಕೊಹ್ಲಿ 2011ರಲ್ಲಿ ಇಂಗ್ಲೆಂಡ್ ವಿರುದ್ಧ ನಡೆದ ಪಂದ್ಯದಲ್ಲಿ ಹಿಟ್ವಿಕೆಟ್ ಆಗಿ ಔಟಾಗಿದ್ದರು.
ಟೆಸ್ಟ್ನಲ್ಲಿ 158 ಹಿಟ್ವಿಕೆಟ್
ಟೆಸ್ಟ್ ಕ್ರಿಕೆಟ್ನಲ್ಲಿ ಆಟಗಾರರು 158 ಬಾರಿ ಹಿಟ್ವಿಕೆಟ್ ಮೂಲಕ ಔಟಾಗಿದ್ದಾರೆ. ಟೆಸ್ಟ್ ಕ್ರಿಕೆಟ್ನಲ್ಲಿ ಭಾರತದ ಮಾಜಿ ನಾಯಕ ಲಾಲಾ ಅಮರ್ನಾಥ್ ಹಿಟ್ವಿಕೆಟ್ ಮೂಲಕ ಔಟಾದ ಭಾರತದ ಮೊದಲ ಆಟಗಾರರಾಗಿದ್ದಾರೆ. 1949ರಲ್ಲಿ ಚೆನ್ನೈಯಲ್ಲಿ ನಡೆದ ಟೆಸ್ಟ್ನಲ್ಲಿ ಅವರು ವೆಸ್ಟ್ಇಂಡೀಸ್ನ ಜಿಮ್ ಟ್ರಿಮ್ ಅವರ ಬೌಲಿಂಗ್ ವೇಳೆ ಹಿಟ್ವಿಕೆಟ್ ಮೂಲಕ ಔಟಾಗಿದ್ದರು. ಮಾಜಿ ಕ್ರಿಕೆಟಿಗ ಮೊಹಿಂದರ್ ಅಮರ್ನಾಥ್ ತನ್ನ 69 ಟೆಸ್ಟ್ಗಳ ಬಾಳ್ವೆ ವೇಳೆ ಮೂರು ಬಾರಿ ಹಿಟ್ವಿಕೆಟ್ ಆಗಿದ್ದರೆ ಕೊಹ್ಲಿ ಟೆಸ್ಟ್ ಮತ್ತು ಏಕದಿನ ಕ್ರಿಕೆಟ್ನಲ್ಲಿ ಹಿಟ್ವಿಕೆಟ್ ಮೂಲಕ ಔಟಾದ ಏಕೈಕ ಕ್ರಿಕೆಟಿಗ ಎನಿಸಿಕೊಂಡಿದ್ದಾರೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Strike rate; ಜನರು ಏನು ಬೇಕಾದರೂ ಮಾತನಾಡಬಹುದು.. : ವಿರಾಟ್ ಕೊಹ್ಲಿ
RCB ಕಮಾಲ್; ವಿಲ್ ಜಾಕ್ಸ್ ರೋಮಾಂಚನಕಾರಿ ಶತಕ: ಗುಜರಾತ್ ವಿರುದ್ಧ ಅತ್ಯಮೋಘ ಜಯ
IPL 2024; ಗುಜರಾತ್ ಗೆ ಆರ್ ಸಿಬಿ ಸವಾಲು: ತಂಡಕ್ಕೆ ಮರಳಿದ ಗ್ಲೆನ್ ಮ್ಯಾಕ್ಸವೆಲ್
PCB: ಭಾರತದ ವಿಶ್ವಕಪ್ ಗೆಲುವಿನ ರೂವಾರಿ ಈಗ ಪಾಕಿಸ್ತಾನ ತಂಡದ ಹೊಸ ಕೋಚ್
IPL: ಆಟ ಮೆರೆದಾಟ; ಬ್ಯಾಟಿಂಗ್ ಅಷ್ಟೇ ಕ್ರಿಕೆಟ್ಟಾ?
MUST WATCH
ಹೊಸ ಸೇರ್ಪಡೆ
Hosapete; ಕೆಲವು ದೇಶಗಳು ಭಾರತ ಸರ್ಕಾರ ದುರ್ಬಲವಾಗಿರಲು ಬಯಸುತ್ತಿವೆ: ಮೋದಿ
Sirsi ; ಪ್ರಧಾನಿ ಮುಡಿಗೇರಿದ ಬೇಡರ ವೇಷದ ಕಿರೀಟ!
Strike rate; ಜನರು ಏನು ಬೇಕಾದರೂ ಮಾತನಾಡಬಹುದು.. : ವಿರಾಟ್ ಕೊಹ್ಲಿ
Gujarat ಕರಾವಳಿಯಲ್ಲಿ ಪಾಕ್ ಬೋಟ್ ನಿಂದ 600 ಕೋಟಿ ಮೌಲ್ಯದ ಹೆರಾಯಿನ್ ವಶ
Mangaluru Airport; ಗುದನಾಳದಲ್ಲಿ ಬಚ್ಚಿಟ್ಟ 54 ಲಕ್ಷ ರೂ. ಮೌಲ್ಯದ ಅಕ್ರಮ ಚಿನ್ನ ಪತ್ತೆ !