ಅನಾಲಿಟಿಕಾ ಶಟ್ ಡೌನ್ ಮುಂದೇನು?
Team Udayavani, May 4, 2018, 8:20 AM IST
ಕೆಲ ದಿನಗಳ ಹಿಂದಷ್ಟೇ, ಫೇಸ್ ಬುಕ್ ನ ಮಾಹಿತಿ ಕದ್ದ ಆರೋಪಕ್ಕೆ ಗುರಿಯಾಗಿದ್ದ ಲಂಡನ್ನ ಕೇಂಬ್ರಿಜ್ ಅನಾಲಿಟಿಕಾ ಸಂಸ್ಥೆ ಸದ್ಯದಲ್ಲೇ ಬಾಗಿಲು ಮುಚ್ಚಲಿದೆ. ಕಂಪನಿ ಮುಚ್ಚುವುದೇನೋ ಸರಿ. ಆದರೆ, ಅನಾಲಿಟಿಕಾ ತನ್ನ ದೈತ್ಯ ಸರ್ವರ್ಗಳಲ್ಲಿ ಅಡಗಿಸಿಟ್ಟಿರುವ ಅಪಾರ ದತ್ತಾಂಶ ಭಂಡಾರದ ಕತೆಯೇನು ಎಂಬುದು ಎಲ್ಲರ ಕುತೂಹಲ ಕೆರಳಿಸಿದೆ.
ಮರುಬಳಕೆಯೇ, ಮಾರಾಟವೇ?
ಅನಾಲಿಟಿಕಾ, ಎಸ್.ಸಿ.ಎಲ್. ಸಂಸ್ಥೆಗಳು ತಮ್ಮ 2ನೇ ಇನ್ನಿಂಗ್ಸ್ ಶುರು ಮಾಡುತ್ತಿರುವುದರಿಂದ ಅನಾಲಿಟಿಕಾ ಹೊಂದಿರುವ ದತ್ತಾಂಶ ‘ಎಮರ್ಡೇಟಾ’ ಪಾಲಾಗಲಿದೆ ಎನ್ನಲಾಗುತ್ತಿದೆ. ಆದರೆ, ಇನ್ನೂ ಕೆಲವು ವರದಿಗಳು, ಸದ್ಯಕ್ಕೆ ತನ್ನಲ್ಲಿರುವ ಎಲ್ಲಾ ದತ್ತಾಂಶವನ್ನು ಒಳ್ಳೆಯ ಬೆಲೆಗೆ ಅನಾಲಿಟಿಕಾ ಮಾರಾಟ ಮಾಡಲಿದೆ ಎನ್ನುತ್ತಿವೆ. ಯಾವುದು ಸರಿ ಎಂಬುದನ್ನು ಕಾದು ನೋಡಬೇಕಿದೆ.
ಬೆಂಗಳೂರಲ್ಲೂ ಬಂದ್
ಕೇಂಬ್ರಿಜ್ ಅನಾಲಿಟಿಕಾ ಬೆಂಗಳೂರಿನಲ್ಲೂ ತನ್ನ ಶಾಖಾ ಕಚೇರಿ ಹೊಂದಿದೆ. ಇದೀಗ, ಸಂಸ್ಥೆಯು ತನ್ನ ವಹಿವಾಟು ಸ್ಥಗಿತಗೊಳಿಸುತ್ತಿರುವುದರಿಂದ ಈ ಕಚೇರಿ ಬಂದ್ ಆಗಲಿದೆ. ಜತೆಗೆ, ಭಾರತದಲ್ಲಿರುವ ಸಂಸ್ಥೆಯ ಅಹ್ಮದಾಬಾದ್, ಗುವಾಹಾಟಿ, ಕಟಕ್, ಹೈದರಾಬಾದ್, ಇಂದೋರ್, ಕೋಲ್ಕತಾ, ಪಾಟ್ನಾ, ಪುಣೆ ಕಚೇರಿಗಳೂ ಶಟರ್ ಎಳೆದುಕೊಳ್ಳಲಿವೆ.
– ಅನಾಲಿಟಿಕಾ ಸಂಸ್ಥೆ ಅಸ್ತಿತ್ವಕ್ಕೆ ಬಂದ ವರ್ಷ : 2013
– 8.7 ಕೋಟಿ ಜನರ ಫೇಸ್ಬುಕ್ ಮಾಹಿತಿ ಕದ್ದ ಆರೋಪ ಹೊತ್ತಿರುವ ಅನಾಲಿಟಿಕಾ
– 2016ರಲ್ಲಿ ನಡೆದ ಅಮೆರಿಕ ಅಧ್ಯಕ್ಷೀಯ ಚುನಾವಣೆಯಲ್ಲಿ ಕದ್ದ ಮಾಹಿತಿ ಬಳಕೆ
– 2014ರಿಂದಲೇ ಮಾಹಿತಿ ಕಳವು ಆರಂಭಿಸಿದ್ದ ಅನಾಲಿಟಿಕಾ
ಹೊಸ ರೂಪದಲ್ಲಿ ಮತ್ತೆ ಹಾಜರ್!
ಅನಾಲಿಟಿಕಾ ಮತ್ತು ಅದರ ಮಾತೃಸಂಸ್ಥೆ ಎಸ್.ಸಿ.ಎಲ್. ಇಲೆಕ್ಟ್ರಾನಿಕ್ಸ್ ಒಟ್ಟಾಗಿಯೇ ಬಂದ್ ಆಗುತ್ತಿವೆ ಎನ್ನಲಾಗುತ್ತಿದೆ. ಹಾಗಂತ ಇದು ಶಸ್ತ್ರತ್ಯಾಗವಲ್ಲ. 2017ರಲ್ಲಿ ಎಸ್.ಸಿ.ಎಲ್. ಸಂಸ್ಥೆಯೇ ಹುಟ್ಟುಹಾಕಿದ್ದ ‘ಎಮರ್ಡೇಟಾ’ ಎಂಬ ಸಂಸ್ಥೆಗೆ ಈ ಎರಡೂ ಸಂಸ್ಥೆಗಳ ನಿರ್ದೇಶಕರು ಸೇರಿಕೊಳ್ಳಲಿದ್ದಾರೆ ಎನ್ನಲಾಗಿದೆ.
ಅನಾಲಿಟಿಕಾ ಮುಚ್ಚಿದರೂ, ಅದರ ವಿರುದ್ಧದ ತನಿಖೆ ಮುಂದುವರಿಯಲಿದೆ. ಸಂಸ್ಥೆಯಿಂದ ಲಿಖೀತ ಪ್ರತಿಕ್ರಿಯೆ ಬಂದ ಬಳಿಕ ಮುಂದಿನ ಕ್ರಮದ ಬಗ್ಗೆ ನಿರ್ಧರಿಸುತ್ತೇವೆ.
– ಕೇಂದ್ರ ಐಟಿ ಸಚಿವಾಲಯ
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Father; ಚಂದ್ರು ನಿರ್ಮಾಣದ ‘ಫಾದರ್’ ಚಿತ್ರಕ್ಕೆ ಮುಹೂರ್ತ
Thirthahalli: ಇದು ಪಿಕ್ ಪ್ಯಾಕೆಟ್ ಸರ್ಕಾರ… ಕಾಂಗ್ರೆಸ್ ವಿರುದ್ಧ ಕುಮಾರಸ್ವಾಮಿ ಹೇಳಿಕೆ
Hassan ಆಕ್ಷೇಪಾರ್ಹ ವಿಡಿಯೋ ಪ್ರಕರಣ: ಜೆಡಿಎಸ್ ಪಕ್ಷದಿಂದ ಪ್ರಜ್ವಲ್ ರೇವಣ್ಣ ಉಚ್ಛಾಟನೆ
ಸುಳ್ಳಿನ ಭರವಸೆ ಮೂಲಕ ಬಿಜೆಪಿ ಖಾಲಿ ಚೊಂಬಿನ ಆಶ್ವಾಸನೆಯನ್ನು ನೀಡಿದೆ: ಜೈ ಕುಮಾರ್
Lok Sabha Elections: ಸೋಲು,ಗೆಲುವಿನ ಲೆಕ್ಕಾಚಾರ