ಮಾಂಟ್ರಿಯಲ್ ಟೆನಿಸ್: ವೀನಸ್ ವಿರುದ್ಧ ಹಾಲೆಪ್ ಹಾರಾಟ
Team Udayavani, Aug 11, 2018, 8:21 AM IST
ಮಾಂಟ್ರಿಯಲ್: ವಿಶ್ವದ ನಂಬರ್ ವನ್ ಆಟಗಾರ್ತಿ ಸಿಮೋನಾ ಹಾಲೆಪ್ ಮಾಂಟ್ರಿಯಲ್ ಎಟಿಪಿ ಟೆನಿಸ್ ಪಂದ್ಯಾವಳಿಯಲ್ಲಿ ವೀನಸ್ ವಿಲಿಯಮ್ಸ್ ಆಟವನ್ನು ಕೊನೆಗೊಳಿಸಿದ್ದಾರೆ. ಕೇವಲ 71 ನಿಮಿಷಗಳ ಹೋರಾಟದ ಬಳಿಕ ವೀನಸ್ಗೆ 6-2, 6-2 ಅಂತರದ ಸೋಲುಣಿಸಿ ಕ್ವಾರ್ಟರ್ ಫೈನಲ್ ತಲುಪಿದ್ದಾರೆ. ರಶ್ಯದ ಮರಿಯಾ ಶರಪೋವಾ ಕೂಡ ವೀನಸ್ ಹಾದಿಯನ್ನೇ ಹಿಡಿದಿದ್ದಾರೆ.
ರಶ್ಯದ ಪಾವು ಚೆಂಕೋವಾ ವಿರುದ್ಧದ ಮಳೆಬಾಧಿತ ಸುದೀರ್ಘ ಪಂದ್ಯವನ್ನು ಗೆದ್ದ ಕೆಲವೇ ಗಂಟೆಗಳಲ್ಲಿ ಸಿಮೋನಾ ಹಾಲೆಪ್ ಪ್ರಿ-ಕ್ವಾರ್ಟರ್ ಫೈನಲ್ ಆಡಲಿಳಿ ದಿದ್ದರು. ಹಾಲೆಪ್ ಅವರ ಎಂಟರ ಸುತ್ತಿನ ಎದುರಾಳಿ ಫ್ರಾನ್ಸ್ನ ಕ್ಯಾರೋಲಿನ್ ಗಾರ್ಸಿಯಾ. ಅವರು ಮರಿಯಾ ಶರಪೋವಾಗೆ 6-3, 6-2 ಅಂತರದ ಸೋಲುಣಿಸಿದರು. ಕಳೆದ ವರ್ಷವೂ ಹಾಲೆಪ್-ಗಾರ್ಸಿಯಾ ಕ್ವಾರ್ಟರ್ ಫೈನಲ್ನಲ್ಲಿ ಎದುರಾಗಿದ್ದರು. ಇದರಲ್ಲಿ ಹಾಲೆಪ್ಗೆ ಗೆಲುವು ಒಲಿದಿತ್ತು.
ಸ್ಟೀಫನ್ಸ್-ಸೆವತ್ಸೋವಾ ಮುಖಾಮುಖಿ
ಯುಎಸ್ ಓಪನ್ ಚಾಂಪಿಯನ್ ಸ್ಲೋನ್ ಸ್ಟೀಫನ್ಸ್ ಸ್ಪೇನಿನ ಕಾರ್ಲಾ ಸೂರೆಜ್ ನವಾರೊ ವಿರುದ್ಧ 6-2, 7-5 ಅಂತರದ ಜಯ ಸಾಧಿಸಿ ಕ್ವಾರ್ಟರ್ ಫೈನಲ್ ತಲುಪಿದ್ದಾರೆ. ಇವರ ಎದುರಾಳಿ ಲಾತ್ವಿಯಾದ ಅನಾಸ್ತಾಸಿಜಾ ಸೆವತ್ಸೋವಾ. ಅವರು ಜರ್ಮನಿಯ ಜೂಲಿಯಾ ಜಾರ್ಜಸ್ ವಿರುದ್ಧ 6-3, 7-6 (7-2) ಅಂತರದಿಂದ ಗೆದ್ದು ಬಂದರು.
ಫ್ರಾನ್ಸ್ನ ಅಲಿಜೆ ಕಾರ್ನೆಟ್ ವಿರುದ್ಧ 7-6 (7-3), 6-4 ಅಂತರದ ಗೆಲುವು ಸಾಧಿಸಿದ ಆಸ್ಟ್ರೇಲಿಯದ ಆ್ಯಶ್ಲಿ ಬಾರ್ಟಿ ಕೂಡ ಕ್ವಾರ್ಟರ್ ಫೈನಲ್ ತಲುಪಿದ್ದಾರೆ. ಇವರ ಎದುರಾಳಿ ಹಾಲೆಂಡ್ನ ಕಿಕಿ ಬರ್ಟೆನ್ಸ್. ಇನ್ನೊಂದು ಮುಖಾ ಮುಖೀಯಲ್ಲಿ ಬರ್ಟೆನ್ಸ್ 6-3, 6-2ರಿಂದ ಪೆಟ್ರಾ ಕ್ವಿಟೋವಾಗೆ ಸೋಲಿನೇಟು ನೀಡಿದರು.ಕ್ಯಾರೋಲಿನ್ ವೋಜ್ನಿಯಾಕಿ ಅವರನ್ನು ಮಣಿಸಿ ಟೆನಿಸ್ ಬಾಳ್ವೆಯ ದೊಡ್ಡ ಗೆಲುವು ಸಾಧಿಸಿದ ಬೆಲರೂಸ್ನ ಅರಿನಾ ಸಬಲೆಂಕಾ ಪ್ರಿ-ಕ್ವಾರ್ಟರ್ ಫೈನಲ್ನಲ್ಲಿ ಬೆಲ್ಜಿಯಂನ ಎಲಿಸ್ ಮಾರ್ಟೆನ್ಸ್ಗೆ ಶರಣಾಗಿದ್ದಾರೆ.
ಮಳೆಯಿಂದ ವಿಳಂಬಗೊಂಡ ದ್ವಿತೀಯ ಸುತ್ತಿನ ಪಂದ್ಯವೊಂದ ರಲ್ಲಿ ಬ್ರಿಟನ್ನಿನ ಜೊಹಾನ್ನಾ ಕೊಂಟಾ ಮಾಜಿ ನಂ.1 ಆಟಗಾರ್ತಿ ವಿಕ್ಟೋರಿಯಾ ಅಜರೆಂಕಾಗೆ 6-3, 6-1ರಿಂದ ಆಘಾತವಿಕ್ಕಿದ್ದಾರೆ. ಬಳಿಕ ಎಲೆನಾ ಸ್ವಿಟೋಲಿನಾಗೆ 6-3, 6-4ರಿಂದ ಶರಣಾಗಿದ್ದಾರೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
ಧ್ರುವ್ ರಾಠಿ ಮುಸ್ಲಿಂ, ಆತನ ಪತ್ನಿ ಪಾಕಿಸ್ತಾನಿ: ವೈರಲ್ ಪೋಸ್ಟ್ನ ಸತ್ಯಾಸತ್ಯತೆ ಏನು?
ಇನ್ಸ್ಟಾ ಪ್ರೊಫೈಲ್ ಮಾಯೆ: ಯುವತಿ ಎಂದು 45ರ ಆಂಟಿ ಜೊತೆ 20ರ ಯುವಕನ ಚಾಟ್: ಮುಂದೆ ಆದದ್ದು..
NewsClick ಸ್ಥಾಪಕ ಪ್ರಬೀರ್ ವಿರುದ್ಧ 8,000 ಪುಟಗಳ ಆರೋಪಪಟ್ಟಿ; ಭಯೋತ್ಪಾದನೆಗೆ ನೆರವು!
T20 ವಿಶ್ವಕಪ್ ಗೆ ಆಸ್ಟ್ರೇಲಿಯಾ ತಂಡ ಪ್ರಕಟ; ಅನುಭವಿ ಆಟಗಾರನಿಗಿಲ್ಲ ಚಾನ್ಸ್
Politics: ಡಿಕೆಶಿ ಹೆಸರು ಹೇಳದಿದ್ದರೆ ಕೆಲವರಿಗೆ ನಿದ್ದೆ ಬರಲ್ಲ : ರಾಮಲಿಂಗಾರೆಡ್ಡಿ