ತ್ವಚೆ ಕಾಪಾಡಲು ಹೋಗಿ ಅಮಾನತ್ತಾದ

Team Udayavani, Oct 25, 2018, 4:40 AM IST

“ನೀವು ಎಲ್ಲೇ ಇರಿ, ಏನೇ ಕೆಲಸ ಮಾಡುತ್ತಿರಿ, ತ್ವಚೆಯ ಆರೈಕೆ ಮರೆಯಬೇಡಿರಿ’ ಇಂಥದ್ದೊಂದು ಸಂದೇಶವನ್ನು ತನಗರಿವಿಲ್ಲದೇ ನೀಡಿದ ಕಾರಣ ಚೀನಾದ ಕ್ಯಾಬ್‌ ಚಾಲಕನೊಬ್ಬ ಕರ್ತವ್ಯದಿಂದ 3 ದಿನ ಅಮಾನತು ಗೊಂಡಿದ್ದಾನೆ.

ತಡ ರಾತ್ರಿ ಕರ್ತವ್ಯ ನಿಭಾಯಿಸುವಾಗ ತ್ವಚೆ ಹಾಳಾಗುವ ಸಾಧ್ಯತೆಗ ಳಿರುವುದರಿಂದ ತನ್ನ ಮುಖದ ಚರ್ಮವನ್ನು ಕಾಪಾಡಿಕೊಳ್ಳಲು ಆತ ಚರ್ಮವನ್ನು ಆದ್ರವಾಗಿರಿಸುವ ಫೇಸ್‌ಪ್ಯಾಕ್‌ ಅನ್ನು ಮಖಕ್ಕೆ ಅಂಟಿಸಿಕೊಂಡು ಟ್ಯಾಕ್ಸಿ ಚಲಾಯಿಸುತ್ತಿದ್ದ. ಯುವತಿಯೊಬ್ಬಳು ಆತನ ಫೋಟೊವನ್ನು ತೆಗೆದು ಜಾಲತಾಣಗಳಲ್ಲಿ ಪೋಸ್ಟ್‌ ಮಾಡಿದ್ದಳು. ಆ ಚಿತ್ರ ವೈರಲ್‌ ಆಗಿ ಕಡೆಗೆ ಟ್ಯಾಕ್ಸಿ ಕಂಪನಿ ಆಡಳಿತದವರೆಗೂ ತಲುಪಿತು. ಕರ್ತವ್ಯದ ವೇಳೆ ತ್ವಚೆ ಬಗ್ಗೆ ತಲೆಕೆಡಿಸಿಕೊಂಡಿದ್ದಕ್ಕಾಗಿ ಕಂಪನಿ ಆತನನ್ನು ಅಮಾನತು ಮಾಡಿದೆ.