ಪೋಷಕರಾದ ಎರಡು ಗಂಡು ಪೆಂಗ್ವಿನ್‌ಗಳು!

Team Udayavani, Oct 29, 2018, 6:26 AM IST

ಇದೇ ಮೊದಲ ಬಾರಿಗೆ ಒಂದೇ ಲಿಂಗದ 2 ಪೆಂಗ್ವಿನ್‌ಗಳು ಪುಟ್ಟ ಪೆಂಗ್ವಿನ್‌ಮರಿಗೆ ಪೋಷಕರಾಗಿವೆ. ಅದರ ಲಾಲನೆ ಪಾಲನೆಯನ್ನು ಸಮನಾಗಿ ಹಂಚಿಕೊಂಡು ಮರಿಯನ್ನು ಬೆಳೆಸುತ್ತಿವೆ. 2018ರ ಆರಂಭದಲ್ಲಿ ಮ್ಯಾಜಿಕ್‌ ಮತ್ತು ಸ್ಪೆನ್‌ ಎಂಬ ಎರಡು ಪೆಂಗ್ವಿನ್‌ಗಳು ಜೊತೆಯಾದವು.

ಇತ್ತೀಚೆಗೆ ಒಂದು ಪೆಂಗ್ವಿನ್‌ ಮೊಟ್ಟೆಯೊಂದು ಕಾವು ಕೊಡಲು ತಾಯಿ ಇಲ್ಲದೇ ಅನಾಥವಾಗಿತ್ತು. ಇದನ್ನು ಮ್ಯಾಜಿಕ್‌ ಮತ್ತು ಸ್ಪೆನ್‌ ಗೂಡಿನಲ್ಲಿ ಮೃಗಾಲಯ ಸಿಬ್ಬಂದಿ ಇರಿಸಿದರು. ಮೊದಲಿಗೆ ಕಾವು ಕೊಡಲು ಗಂಡು ಪೆಂಗ್ವಿನ್‌ ಗಳು ಹಿಂದೇಟು ಹಾಕಿದರೂ, ಬಳಿಕ ಕಾವು ಕೊಟ್ಟು ಮರಿ
ಮಾಡಿದವು. ಮೊದಲ 20 ದಿನಗಳು ಮರಿ ಬಗ್ಗೆ ತಾತ್ಸಾರ ತೋರಿದವು. ಆದರೆ ಈಗ ಮರಿಯನ್ನು ಕಣ್ಣುಗುಡ್ಡೆಯಂತೆ ಅವು ಕಾಪಾಡುತ್ತಿವೆಯಂತೆ.