ಈ ಚಪ್ಪಲಿಯ ಬೆಲೆ ಕೇವಲ 45,000! 

Team Udayavani, Oct 30, 2018, 5:08 AM IST

ನಿಮ್ಮ ಪ್ರಕಾರ ಒಂದು ಅತ್ಯುತ್ತಮ ಬ್ರಾಂಡ್‌ನ‌ ಚಪ್ಪಲಿಗೆ ಅತಿ ಹೆಚ್ಚು ಎಂದರೆ ಎಷ್ಟು ದರ ಇರಬಹುದು? ನಿಮ್ಮ ಊಹೆ 5,000 ರೂ. ಗಳಿಗಿಂತ ಹೆಚ್ಚಿರಲು ಸಾಧ್ಯವೇ? ಇಲ್ಲ, ಅಂತಾದರೆ ಇಲ್ಲಿ ಕೇಳಿ. ಹವಾಯಾನಸ್‌ ಬ್ರಾಂಡ್‌ ಜೊತೆ ಸೇರಿ ವ್ಯಾಲೆಂಟಿನೋ ಕಂಪನಿ ಚಪ್ಪಲಿಯೊಂದನ್ನು ತಯಾರಿಸಿದೆ. ಅಮೆಜಾನ್‌ ಶಾಪಿಂಗ್‌ ಸೈಟ್‌ನಲ್ಲಿ ಇದರ ಬೆಲೆ ಬರೋಬ್ಬರಿ 45,000 ರೂ.ಗಳು. ಸಾಲದಕ್ಕೆ ನಿಯಮಿತ ಚಪ್ಪಲಿಗಳು ಮಾರಾಟಕ್ಕಿವೆ.

ಒಬ್ಬರಿಗೆ ಕೇವಲ 3 ಜೊತೆ ಚಪ್ಪಲಿ ಕೊಳ್ಳಲು ಮಾತ್ರ ಅವಕಾಶ ಎಂಬ ಒಕ್ಕಣೆಗಳನ್ನು ಬೇರೆ ಸೇರಿಸಲಾಗಿದೆ. ಇಎಂಐ(ಮಾಸಿಕ ಕಂತು)ನಲ್ಲಿ ಕೊಳ್ಳುವ ಅವಕಾಶವನ್ನೂ ಕಲ್ಪಿಸಲಾಗಿದೆ. ಇದಕ್ಕೆ ಗ್ರಾಹಕರು ಲೇವಡಿಯ ಪ್ರತಿಕ್ರಿಯೆಗಳನ್ನು ನೀಡಿದ್ದಾರೆ.