ಲವ್‌ ಗುರು ಪ್ರೊಫೆಸರ್‌ಗೆ ಮತ್ತೊಂದು ಮದುವೆ ಆಸೆ!

Team Udayavani, Nov 2, 2018, 4:35 AM IST

2006ರಲ್ಲಿ ಪಾಟ್ನಾದ ಹಿಂದಿ ಪ್ರೊಫೆಸರ್‌ ಒಬ್ಬರು 30 ವರ್ಷಗಳಷ್ಟು ಕಿರಿಯಳಾದ ತಮ್ಮ ವಿದ್ಯಾರ್ಥಿನಿ ಜೂಲಿ ಎಂಬಾಕೆಯನ್ನು ಮದುವೆಯಾಗಿ ದೇಶದೆಲ್ಲೆಡೆ ಸುದ್ದಿಯಾಗಿದ್ದರು. ಈಗ ಈ ಪ್ರೊಫೆಸರ್‌ಗೆ 65 ವರ್ಷ ವಯಸ್ಸು, ಕರ್ತವ್ಯದಿಂದ ನಿವೃತ್ತರಾಗಿದ್ದಾರೆ. ಆದರೇನಂತೆ, ಅವರಿಗೆ ಮದುವೆಯಾಗುವ ಹುಚ್ಚು ಮಾತ್ರ ಬಿಟ್ಟಿಲ್ಲ. 

ಅವರು ಈಗ ಹೊಸ ಜೂಲಿಯ ಅನ್ವೇಷಣೆಯಲ್ಲಿ ತೊಡಗಿದ್ದಾರೆ. ನಾನು 65 ವರ್ಷದ ಹುಡುಗ. ನನಗೆ ನಿವೃತ್ತ ಜೀವನವನ್ನು ಸಂತೋಷವಾಗಿ ಕಳೆಯಲು ಹೊಸ ಹುಡುಗಿ ಬೇಕು. ನಾನು ಮದುವೆಯಾಗಲು ನಿರ್ಧರಿಸಿದ್ದೇನೆ ಎಂದು
ಫೇಸ್‌ಬುಕ್‌ನಲ್ಲಿ ಬರೆದುಕೊಂಡಿದ್ದಾರೆ. ಅವರಿಗೆ ಹುಡುಗಿ ಹುಡುಕುವ ಹೊಣೆಯನ್ನು ಅವರ ವಿದ್ಯಾಥಿಗಳಿಗೇ
ನೀಡಿದ್ದಾರಂತೆ. ಜೂಲಿ ಇವರ ಸಹವಾಸದಿಂದ ಬೇಸತ್ತು ಸನ್ಯಾಸಿನಿಯಾಗಿದ್ದಾರಂತೆ.