ಇರಾನ್‌ ವಿರುದ್ಧ ಅಮೆರಿಕದ ನಿಷೇಧ ಜಾರಿ

Team Udayavani, Nov 6, 2018, 6:15 AM IST

ವಾಷಿಂಗ್ಟನ್‌: ಅಮೆರಿಕದ ನಿಷೇಧದ ಬಿಸಿ ಇರಾನ್‌ಗೆ ಈಗ ತಟ್ಟಲು ಆರಂಭಿಸಿದೆ. ಸೋಮವಾರದಿಂದ ನಿಷೇಧ ಜಾರಿಗೆ ಬಂದಿದ್ದು, ಭಾರತ, ಚೀನ ಸೇರಿದಂತೆ 8 ದೇಶಗಳಿಗೆ ಇರಾನ್‌ನಿಂದ ತೈಲ ಆಮದು ಮಾಡಿಕೊಳ್ಳಲು ವಿನಾಯಿತಿ ನೀಡಲಾಗಿದೆ ಎಂದು ಅಮೆರಿಕದ ವಿದೇಶಾಂಗ ಸಚಿವ ಮೈಕ್‌ ಪೊಂಪೊÂà ಹೇಳಿದ್ದಾರೆ. ಇದೇ ವೇಳೆ, ಇರಾನ್‌ ವಿರುದ್ಧ ಅತ್ಯಂತ ಕಠಿಣ ನಿಷೇಧವನ್ನು ಹೇರಲಾಗಿದೆ ಎಂದು ಟ್ರಂಪ್‌ ಆಡಳಿತ ಹೇಳಿಕೊಂಡಿದೆ. 

ನಿಷೇಧದಿಂದಾಗಿ ಇರಾನ್‌ನ ಬ್ಯಾಂಕಿಂಗ್‌ ಹಾಗೂ ಇಂಧನ ವಲಯಕ್ಕೆ ಇದರ ಬಿಸಿ ತಟ್ಟಿದ್ದು, ತೈಲೋದ್ಯಮ ಆತಂಕದಲ್ಲಿದೆ. ಅಣ್ವಸ್ತ್ರ ನಿಶ್ಶಸ್ತ್ರೀ ಕರಣ ವಿಚಾರದಲ್ಲಿ ಇರಾನ್‌ ಮಾತುಕತೆಗೆ ಮುಂದಾಗಬೇಕಿದೆ. ಸೈಬರ್‌ ದಾಳಿ, ಕ್ಷಿಪಣಿ ಪರೀಕ್ಷೆ, ಮಧ್ಯಪ್ರಾಚ್ಯ ದೇಶಗಳಲ್ಲಿ ಉಗ್ರರಿಗೆ ಬೆಂಬಲ ನೀಡುವ ಕ್ರಮಗಳನ್ನು ಇರಾನ್‌ ನಿಲ್ಲಿಸಬೇಕು ಎಂದು ಅಮೆರಿಕ ಹೇಳಿದೆ.

ಮಾತುಕತೆಗೆ ಸಿದ್ಧ: ಟ್ರಂಪ್‌ ತನ್ನ ನಿಲುವನ್ನು ಬದಲಿಸಿದರೆ ನಾವು ಮಾತುಕತೆಗೆ ಸಿದ್ಧ. ಫ‌ಲಪ್ರದ ಮಾತುಕತೆಗೆ ಅಮೆರಿಕ ಅಡಿಪಾಯ ಹಾಕಿದರೆ ನಾವು ಚರ್ಚೆ ನಡೆಸಬಹುದಾಗಿದೆ ಎಂದು ಇರಾನ್‌ನ ವಿದೇಶಾಂಗ ಸಚಿವ ಜವಾದ್‌ ಜರೀಫ್ ಸಂದರ್ಶನವೊಂದರಲ್ಲಿ ಹೇಳಿದ್ದಾರೆ.