ದುಬಾೖನಿಂದ ಮುಂಬಯಿಗೆ ಹೈಸ್ಪೀಡ್‌ ರೈಲು ಸಂಪರ್ಕ!

Team Udayavani, Nov 30, 2018, 6:00 AM IST

ದುಬಾೖ: ಸರಕು ಸಾಗಣೆ ಹಾಗೂ ಪ್ರಯಾಣಿಕರ ಓಡಾಟಕ್ಕಾಗಿ ಹೊಸ ಹೊಸ ಸಾರಿಗೆ ವಿಧಾನಗಳ ಸಂಶೋಧನೆ ನಡೆಯುತ್ತಲೇ ಇವೆ. ಈಗಾಗಲೇ ಹೈಪರ್‌ಲೂಪ್‌ ಹಾಗೂ ಚಾಲಕ ರಹಿತ ಹಾರುವ ಕಾರುಗಳ ಪ್ರಯೋಗ ಹಾಗೂ ಕಲ್ಪನೆ ಚಾಲ್ತಿಯಲ್ಲಿವೆ. ಇದರೊಂದಿಗೆ ಈಗ ಯುನೈಟೆಡ್‌ ಅರಬ್‌ ಎಮಿರೇಟ್ಸ್‌(ಯುಎಇ) ಹೊಸ ಯೋಜನೆಯೊಂದನ್ನು ರೂಪಿಸಿದೆ.

ಈ ಯೋಜನೆಯ ಪ್ರಕಾರ, ಸಂಯುಕ್ತ ಅರಬ್‌ ಒಕ್ಕೂಟವು ಫ‌ುಜೈರಾದಿಂದ ಮುಂಬೈವರೆಗೆ ಸಮುದ್ರದಾಳದಲ್ಲಿ ರೈಲು ನೆಟ್‌ವರ್ಕ್‌ ಸ್ಥಾಪಿಸಲಿದೆ. ಈ ಮಾರ್ಗದಲ್ಲಿ ಪ್ರಯಾಣಿಕ ಸಾರಿಗೆಯೂ ಇರುತ್ತದೆ. ಇದರ ಜೊತೆಗೇ ಸರಕು ಸಾಗಣೆಯೂ ನಡೆಯುತ್ತದೆ. ಈ ವಿಶಿಷ್ಟ ಯೋಜನೆಯನ್ನು ರೂಪಿಸಿದ್ದು ರಾಷ್ಟ್ರೀಯ ಸಲಹಾ ಮಂಡಳಿ ನಿಯಮಿತ. ಇದು ಮಸಾªರ್‌ ನಲ್ಲಿರುವ ಸಲಹಾ ಸಂಸ್ಥೆಯಾಗಿದ್ದು, ಸ್ಟಾರ್ಟಪ್‌ಗ್ಳನ್ನು ಪ್ರೋತ್ಸಾಹಿಸುವ ಕೆಲಸ ಮಾಡುತ್ತದೆ. ಈ ಬಗ್ಗೆ ಮಾತನಾಡಿದ ಸಂಸ್ಥೆ ವ್ಯವಸ್ಥಾಪಕ ನಿರ್ದೇ ಶಕ ಮತ್ತು ಮುಖ್ಯ ಸಹಾಯಕ ಅಬ್ದುಲ್ಲಾ ಅಲೆಶಿ, ಈ ಯೋಜ ನೆಯು ಯುಎಇ, ಭಾರತ ಹಾಗೂ ಈ ಭಾಗದ ಇತರ ದೇಶಗಳಿಗೆ ವ್ಯಾಪಕ ನೆರ ವಾಗಲಿದೆ ಎಂದಿದ್ದಾರೆ. ಈ ಯೋಜನೆ ಸುಮಾರು 2 ಸಾವಿರ ಕಿ.ಮೀ ದೂರದ ರೈಲು ನೆಟ್‌ವರ್ಕ್‌ ಅನ್ನು ಬಯಸುತ್ತದೆ. ಇತರ ದೇಶಗಳಲ್ಲೂ ಇದೇ ರೀತಿಯ ಯೋಜನೆಗಳು ಜಾರಿಯಲ್ಲಿವೆ. ರಷ್ಯಾ, ಕೆನಡಾ ಹಾಗೂ ಅಮೆರಿಕವನ್ನು ಸಂಪರ್ಕಿಸಲು ಚೀನ ಇದೇ ರೀತಿಯ ಯೋಜನೆಯನ್ನು ರೂಪಿಸಿದೆ. 

ನೀರು ರಫ್ತು, ತೈಲ ಆಮದುಈ ಯೋಜನೆಯ ಮತ್ತೂಂದು ವಿಶಿಷ್ಟ ಅಂಶವೆಂದರೆ, ಮುಂಬೈನಲ್ಲಿ ನರ್ಮದಾ ನದಿಯಿಂದ ಸಮುದ್ರಕ್ಕೆ ಸೇರುವ ನೀರನ್ನು ಈ ರೈಲು ಮೂಲಕ ದುಬೈಗೆ ಸಾಗಿಸುವುದಾಗಿದೆ. ದುಬೈನಲ್ಲಿ ನೀರಿಗೆ ಭಾರಿ ಬೇಡಿಕೆ ಇರುವುದರಿಂದ ರೈಲಿನ ಮೂಲಕ ನೀರು ಸಾಗಿಸುವುದು ಅತ್ಯಂತ ಲಾಭಕರವಾಗಿದೆ. ಅಲ್ಲದೆ, ದುಬೈನಿಂದ ತೈಲವನ್ನು ಮುಂಬೈಗೆ ಕಳುಹಿಸಲಾಗುತ್ತದೆ.