ಬಿಜೆಪಿಯವರಿಗೆ ಚಾಮುಂಡಿ ತಾಯಿಯೇ ಒಳ್ಳೆ ಬುದ್ದಿ ಕೊಡಲಿ:ಸಿಎಂ
Team Udayavani, Jan 19, 2019, 2:54 PM IST
ಬೆಂಗಳೂರು: ಬಿಜೆಪಿಯವರಿಗೆ ನಮ್ಮನ್ನು ರಕ್ಷಿಸುತ್ತಿರುವ ಚಾಮುಂಡಿ ತಾಯಿಯೇ ಒಳ್ಳೆಯ ಬುದ್ಧಿ ಕೊಡಲಿ ಎಂದು ಮುಖ್ಯಮಂತ್ರಿ ಎಚ್.ಡಿ.ಕುಮಾರಸ್ವಾಮಿ ಅವರು ಹೇಳಿಕೆ ನೀಡಿದ್ದಾರೆ.
ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು ರೆಸಾರ್ಟ್ ರಾಜಕೀಯ ಯಾರೇ ಮಾಡಿದರೂ ತಪ್ಪು. ಜೆಡಿಎಸ್ಗೆ ರೆಸಾರ್ಟ್ ರಾಜಕಾರಣ ಮಾಡುವ ಅಗತ್ಯ ಬಂದಿಲ್ಲ . ಬಿಜೆಪಿಯವರ ಗೊಂದಲದಿಂದ ಕಾಂಗ್ರೆಸ್ ಶಾಸಕರು ರೆಸಾರ್ಟ್ಗೆ ಹೋಗಿದ್ದಾರೆ. ಹಾಗಂತ ನಮಗೆ ಆ ಪರಿಸ್ಥಿತಿ ಬಂದಿಲ್ಲ ಎಂದರು.
ನಮಗೆ ಆಪರೇಷನ್ ಮಾಡುವ ಅಗತ್ಯ ಬಂದಿಲ್ಲ. ನಾವು ಬಿಜೆಪಿಯವರ ಹಾಗೆ ಆಪರೇಷನ್ ಮಾಡುವುದೂ ಇಲ್ಲ ಎಂದರು.