ಡೇವಿಸ್ ಕಪ್ ಟೆನಿಸ್: ವಿಶ್ವ ಫೈನಲ್ಗೆ ಇಟಲಿ
Team Udayavani, Feb 3, 2019, 12:30 AM IST
ಕೋಲ್ಕತಾ: ಡೇವಿಸ್ ಕಪ್ನಲ್ಲಿ ಬಲಿಷ್ಠ ಇಟಲಿ ವಿರುದ್ಧ ಆತಿಥೇಯ ಭಾರತ ತಂಡ 3-1 ಅಂತರದಿಂದ ಸೋತಿದೆ. ಜಯದೊಂದಿಗೆ ವಿಶ್ವ 10ನೇ ಶ್ರೇಯಾಂಕಿತ ಇಟಲಿ ಇದೇ ಮೊದಲ ಸಲ ಡೇವಿಸ್ ಕಪ್ ವಿಶ್ವ ಫೈನಲ್ ಸುತ್ತಿಗೆ ಅರ್ಹತೆ ಪಡೆದುಕೊಂಡಿತು. ಸೋತ ಭಾರತೀಯರು ಮುಂದಿನ ವರ್ಷ ನಡೆಯಲಿರುವ ‘ವಲಯ ಗುಂಪಿ’ಗೆ ಜಾರಿದರು.
ಡಬಲ್ಸ್ ಗೆದ್ದಿತು, ಸಿಂಗಲ್ಸ್ ಕೈಕೊಟ್ಟಿತು: ಶುಕ್ರವಾರ ಅರ್ಹತಾ ಪಂದ್ಯದ ಸಿಂಗಲ್ಸ್ ಆಟದಲ್ಲಿ ಭಾರತೀಯರು ಎರಡೂ ಪಂದ್ಯ ಕಳೆದುಕೊಂಡು 2-0 ಹಿನ್ನಡೆ ಅನುಭವಿಸಿದ್ದರು. ಭಾನುವಾರ ಕಲ್ಕತಾ ಸೌಥ್ ಕ್ಲಬ್ನಲ್ಲಿ ನಡೆದ ಡಬಲ್ಸ್ ಹಾಗೂ ರಿವರ್ಸ್ ಸಿಂಗಲ್ಸ್ನಲ್ಲಿ ಗೆಲ್ಲುವುದರ ಮೇಲೆ ಭಾರತೀಯರ ಮುಂದಿನ ಸುತ್ತಿನ ಕನಸು ನಿಂತಿತ್ತು. ನಿರೀಕ್ಷೆ ಹೊತ್ತು ಡಬಲ್ಸ್ನಲ್ಲಿ ಕಣಕ್ಕಿಳಿದ ರೋಹನ್ ಬೋಪಣ್ಣ -ದಿವಿಜ್ ಶರಣ್ ಜೋಡಿ ನಿರಾಶೆಗೊಳಿಸಲಿಲ್ಲ. 4-6, 6-3, 6-4 ಸೆಟ್ಗಳ ಅಂತರದಿಂದ ಸಿಮೋನ ಬೊಲೆಲಿ – ಮ್ಯಾಟಿಯೋ ಬಾರೆಟ್ಟಿನಿ ಜೋಡಿಯನ್ನು ಸೋಲಿಸಿದರು. 2-1ಕ್ಕೆ ಒಟ್ಟಾರೆ ಅಂತರವನ್ನು ತಗ್ಗಿಸಿದರು. ನಿರೀಕ್ಷೆ ಚಿಗುರಿಸಿದರು. ಈ ಹೋರಾಟ ಒಟ್ಟು 1 ಗಂಟೆ 43 ನಿಮಿಷ ನಡೆಯಿತು. ಆ ಬಳಿಕ ಭಾರತೀಯರು ತಿರುಗಿ ಬೀಳಲಿದ್ದಾರೆ ಎಂದೇ ಅಂದಾಜಿಸಲಾಗಿತ್ತು. ಆದರೆ ಅಂತಹ ಯಾವುದೇ ಪವಾಡ ನಡೆಯಲಿಲ್ಲ.
ಮೊದಲ ರಿವರ್ಸ್ ಸಿಂಗಲ್ಸ್ ಪಂದ್ಯದಲ್ಲಿ ಭಾರತದ ಪ್ರಜ್ಞೇಶ್ ಗುಣೇಶ್ವರನ್ 6-1, 6-4 ಸೆಟ್ ಅಂತರದಿಂದ ಆ್ಯಂಡ್ರಿಯಾಸ್ ಸೆಪ್ಪಿ ವಿರುದ್ಧ ಸೋಲು ಅನುಭವಿಸಿದರು. ವಿಶ್ವ 37ನೇ ಶ್ರೇಯಾಂಕಿತ ಸೆಪ್ಪಿ 102 ಶ್ರೇಯಾಂಕದ ಪ್ರಜ್ಞೇಶ್ ವಿರುದ್ಧ ಅತ್ಯುತ್ತಮ ಆಟ ಪ್ರದರ್ಶಿಸಿದರು. ಒಟ್ಟು 64 ನಿಮಿಷದಲ್ಲಿ ಗೆಲುವಿನ ನಗೆ ಬೀರಿದರು. ಅಲ್ಲಿಗೆ ಭಾರತದ ಕನಸು ಛಿದ್ರಗೊಂಡಿತು.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Shocking: ಮಸೀದಿಗೆ ನುಗ್ಗಿ ಧರ್ಮಗುರುವನ್ನೇ ದೊಣ್ಣೆಯಿಂದ ಹೊಡೆದು ಕೊಂದ ಮುಸುಕುಧಾರಿಗಳು
Hubli; ಬಿಜೆಪಿಯವರು 400 ಸೀಟುಗಳನ್ನು ಕೇಳುತ್ತಿರುವುದು ಸಂವಿಧಾನ ಬದಲಿಸಲು: ಎಚ್. ಎಂ.ರೇವಣ್ಣ
Chitradurga; ನ್ಯಾಯಾಲಯಕ್ಕೆ ಶರಣಾದ ಮುರುಘಾ ಶ್ರೀ
Video: ಸಹೋದರಿಯ ಮದುವೆಯಲ್ಲಿ ಕುಣಿಯುತ್ತಿದ್ದ ವೇಳೆ ಕುಸಿದು ಬಿದ್ದು 18ರ ಯುವತಿ ಮೃತ್ಯು
Manvita Kamath; ಮದುವೆ ನಂತರವೂ ಸಿನಿಮಾ ಮಾಡ್ತೀನಿ ಎಂದ ಟಗರುಪುಟ್ಟಿ