ಹಳೇ ಮೊಬೈಲ್‌ಗ‌ಳಿಗೆ ಸಂಕಷ್ಟ

Team Udayavani, Feb 22, 2019, 12:30 AM IST

ಹೊಸದಿಲಿ: ಸ್ಥಳೀಯ ಭೌಗೋಳಿಕ ಮಾಹಿತಿಯನ್ನು ಕ್ಷಣಾರ್ಧದಲ್ಲಿ ನೀಡುವ ಜಿಪಿಎಸ್‌ (ಗ್ಲೋಬಲ್‌ ಪೊಸಿಷನಿಂಗ್‌ ಸಿಸ್ಟಂ) ತಂತ್ರಜ್ಞಾನದ ಸೇವೆಗಳು ಏ. 6ರಂದು ಅಥವಾ ಆನಂತರ ವ್ಯತ್ಯಯವಾಗುವ ಸಾಧ್ಯತೆಗಳಿವೆ. 2010ಕ್ಕೂ ಹಿಂದೆ ತಯಾರಾದ ಮೊಬೈಲ್‌ ಸೆಟ್‌ಗಳಲ್ಲಿ ಮಾತ್ರ ಇಂಥ ಸಮಸ್ಯೆ ಕಾಣಿಸಿಕೊಳ್ಳಲಿದೆ.

ಏಕೆ ಹೀಗೆ?: ಜಿಪಿಎಸ್‌ ವ್ಯವಸ್ಥೆಯು, ಬೈನರಿ ಸಂಖ್ಯೆ ಆಧಾರಿತ ಕ್ಲಾಕಿಂಗ್‌ ವ್ಯವಸ್ಥೆಯಾಗಿದ್ದು, 1999ರ ಆ. 21ರಂದು ಇದನ್ನು ಶುರು ಮಾಡಲಾಗಿತ್ತು. ಇದರ ಗಣನೆಯ ಅವಧಿಯು ಅಂದಿನ ಕಾಲಕ್ಕೆ 1,024 ವಾರಗಳಿಗೆ ನಿಗದಿಯಾಗಿ ದ್ದರಿಂದ ಏ. 6ರಂದು ಈ ಕ್ಲಾಕ್‌ ತಾನೇ ತಾನಾಗಿ ರೀ-ಸೆಟ್‌ ಆಗಲಿದೆ. 

ಹೀಗೆ, ರೀ-ಸೆಟ್‌ ಆಗಲಿರುವ ಕ್ಲಾಕಿಂಗ್‌ ವ್ಯವಸ್ಥೆಯನ್ನು ಅಳವಡಿಸಿಕೊಳ್ಳುವ ಸಾಫ್ಟ್ ವೇರ್‌ ಅಪ್‌ಡೇಟ್‌ಗಳು ಹೊಸ ಮೊಬೈಲುಗಳಲ್ಲಿ ಇವೆ. ಆದರೆ, ಹಳೆಯ ಮೊಬೈಲುಗಳಲ್ಲಿ ಅದು ಇರುವುದಿಲ್ಲ. ಹಾಗಾಗಿ, ಆ ಫೋನುಗಳಲ್ಲಿ ಜಿಪಿಎಸ್‌ ವ್ಯವಸ್ಥೆ ಸರಿಯಾಗಿ ಕಾರ್ಯ ನಿರ್ವಹಿಸದು. ಆದರೆ, ಹಳೆಯ ಫೋನುಗಳ ತಯಾರಿಕಾ ಸಂಸ್ಥೆಗಳು ಆ ಫೋನುಗಳಿಗೆ ಸಾಫ್ಟ್ವೇರ್‌ ಪ್ಯಾಚ್‌ ಕಳಿಸಿದ್ದರೆ ಮಾತ್ರ ಆ ಮೊಬೈಲ್‌ಗ‌ಳು ಹೊಸ ಜಿಪಿಎಸ್‌ ಕ್ಲಾಕಿಂಗ್‌ಗೆ ಹೊಂದಿಕೊಳ್ಳಬಹುದು.

ಹೊಸ ಜಿಪಿಎಸ್‌ ಕ್ಲಾಕಿಂಗ್‌ ವ್ಯವಸ್ಥೆಗೆ ಅನುಗುಣವಾದ ಸಾಫ್ಟ್ವೇರ್‌ ಬೇಕೇಬೇಕು
ಆ ಸಾಫ್ಟ್ವೇರ್‌ ವ್ಯವಸ್ಥೆ ಹಳೆಯ ಫೋನುಗಳಲ್ಲಿ ಅಲಭ್ಯ
2010ರ ಫೋನುಗಳು ಹೊಸ ಜಿಪಿಎಸ್‌ ಕ್ಲಾಕಿಂಗ್‌ಗೆ ಒಗ್ಗುವುದು ಅನುಮಾನ