ಗೋವಾದಲ್ಲಿ ಮೀನು ಆವಕ ಕುಂಠಿತ-ದರ ಏರಿಕೆ
Team Udayavani, Mar 17, 2019, 10:07 AM IST
ಪಣಜಿ: ಗೋವಾ ಜನತೆಯ ಆಹಾರದ ಪ್ರಮುಖ ಘಟಕವಾಗಿರುವ ಮೀನುಗಳ ಆವಕ ಕಡಿಮೆಯಾಗುತ್ತಿದ್ದು ಗಣನೀಯ ಪ್ರಮಾಣದಲ್ಲಿ ದರ ಏರಿಕೆಯಾಗುತ್ತಿರುವುದು ಗೋವಾದ ಜನತೆ ಚಿಂತೆಗೀಡಾಗುವಂತಾಗಿದೆ.
ಹಲವು ದಿನಗಳಿಂದ ಸಮುದ್ರ ಮಟ್ಟದಲ್ಲಿ ಹವಾಮಾನ ವೈಪರಿತ್ಯದಿಂದಾಗಿ ಮೀನುಗಾರರಿಗೆ ಮೀನುಗಳ ಲಭ್ಯತೆ ಕುಂಠಿತಗೊಂಡಿರುವುದರಿಂದ ಮಾರುಕಟ್ಟೆಯಲ್ಲಿ ಮೀನುಗಳ ಆವಕ ಕಡಿಮೆಯಾಗಲು ಪ್ರಮುಖ ಕಾರಣವಾಗಿದೆ. ಇದರಿಂದಾಗಿ ಮೀನುಗಳ ದರ ದಿನದಿಂದ ದಿನಕ್ಕೆ ಏರಿಕೆಯಾಗುತ್ತಿದೆ.
ಕಳೆದ ವಾರದಲ್ಲಿ ಯಾವ ಮೀನು 100 ರೂ.ಗೆ ಲಭಿಸುತ್ತಿತ್ತೋ ಅದು ಇಂದು 200 ರೂ. ಗಳಿಗೆ ಏರಿಕೆಯಾಗಿದೆ. ಗೋವಾದ ಹೋಟೆಲ್ ಗಳಲ್ಲಿ ಹೆಚ್ಚಿನ ಪ್ರಮಾಣದಲ್ಲಿ ಬಳಕೆ ಮಾಡುತ್ತಿದ್ದ ಸುರಮಯಿ ಎಂಬ ಮೀನಿನ ದರ 600 ರೂ.ಗಳಿಂದ 1000 ರೂ.ಗಳಿಗೆ ಏರಿಕೆಯಾಗಿದೆ. ಮೀನು ಗೋವಾ ಜನರ ಆಹಾರದ ಪ್ರಮುಖ ಘಟಕವಾಗಿದೆ. ಸಮುದ್ರ ಮಟ್ಟದಲ್ಲಿ ಹವಾಮಾನ ವೈಪರಿತ್ಯದಿಂದಾಗಿ ಆಳಸಮುದ್ರಕ್ಕೆ ತೆರಳದ ಮೀನುಗಾರರು ಸಾಕಷ್ಟು ಮೀನುಗಳು ಲಭಿಸದೆಯೇ ಹಿಂದಿರುಗುವಂತಾಗಿದೆ. ಇದರಿಂದಾಗಿ ಮೀನುಗಾರರಿಗೆ ಹೆಚ್ಚಿನ ನಷ್ಟ ಉಂಟಾಗುತ್ತಿರುವ ಹಿನ್ನೆಲೆಯಲ್ಲಿ ಬಹುತೇಕ ಮೀನುಗಾರಿಕಾ ಬೋಟ್ ಗಳು ಮೀನುಗಾರಿಕೆಗೆ ತೆರಳದೆಯೇ ದಡಕ್ಕೆ ಬಂದು ನಿಂತಿವೆ.
ಗೋವಾ ಮಾರುಕಟ್ಟೆಯಲ್ಲಿ ಮೀನುಗಳ ಆವಕ ಕಡಿಮೆಯಾಗಿರುವುದರಿಂದ ಮೀನುಗಳ ದರದಲ್ಲಿ ಭಾರಿ ಏರಿಕೆಯಾಗುವಂತಾಗಿದೆ. ಕಳೆದ ವಾರ 200 ರೂ.ಗೆ ಲಭಿಸುತ್ತಿದ್ದ ಬೊಂಬಿಲ್ ಮೀನು ಪ್ರಸಕ್ತ ವಾರ 300 ರೂ.ಗಳಿಗೆ ತಲುಪಿದೆ. ತಾರ್ಲೆ ಮೀನು 100 ರೂ. ಗಳಿಂದ 200 ರೂ.ಗಳಿಗೆ ತಲುಪಿದೆ. ಸುರಮಯಿ ಮೀನು 600 ರೂ. ಗಳಿಂದ 1000 ರೂ.ಗಳಿಗೆ ತಲುಪಿದೆ. ಖೇಕಡೆ ಮೀನು 250 ರೂ.ಗಳಿಂದ 400 ರೂ.ಗಳಿಗೆ ತಲುಪಿದೆ.
ಸಮುದ್ರ ಮಟ್ಟದಲ್ಲಿ ಹವಾಮಾನ ವೈಪರಿತ್ಯದಿಂದಾಗಿ ಮೀನುಗಳ ಲಭ್ಯತೆಯಲ್ಲಿ ಇಳಿಮುಖವಾಗಿದೆ. ಕಳೆದ ನಾಲ್ಕೈದು ದಿನಗಳಿಂದ ಸಮುದ್ರ ಮಟ್ಟದಲ್ಲಿ ಭಾರಿ ಗಾಳಿ ಬೀಸುತ್ತಿತ್ತು. ಇದರಿಂದಾಗಿ ಬಹುತೇಕ ಮೀನುಗಾರಿಕಾ ಬೋಟ್ಗಳು ಮೀನುಗಾರಿಕೆಗೆ ತೆರಳಲು ಸಾಧ್ಯವಾಗಿಲ್ಲ. ಮೀನುಗಳ ಆವಕ ಕಡಿಮೆಯಾಗುತ್ತಿರುವುದರಿಂದ ದರ ದುಪ್ಪಟ್ಟು ಹೆಚ್ಚಳವಾಗುವಂತಾಗಿದೆ.
ಫ್ರಾನ್ಸಿಸ್ ಫರ್ನಾಂಡೀಸ್,
ಅಧ್ಯಕ್ಷ, ಮಾಂಡವಿ ಫಿಶರಿಸ್ ಸೊಸೈಟಿ
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Not responding; ಶಿವರಾಮ್ ಹೆಬ್ಬಾರ್ ಅವರನ್ನು ಪ್ರಧಾನಿ ಕಾರ್ಯಕ್ರಮಕ್ಕೆ ಕರೆದಿಲ್ಲ: ಬಿಜೆಪಿ
Sirsi: ಮನವಿ ಕೊಟ್ಟ ವಾರದೊಳಗೇ ಕೆಲಸ ಶುರು… 26 ಗುಂಟೆ ಕೆರೆಗೆ ಜೀರ್ಣೋದ್ದಾರ ಭಾಗ್ಯ
Sirsi ; ಪ್ರಧಾನಿ ಮುಡಿಗೇರಿದ ಬೇಡರ ವೇಷದ ಕಿರೀಟ!
BJP Rally; ರಾಮ ಮಂದಿರ ನಿರ್ಮಾಣಕ್ಕೆ 56 ಇಂಚಿನ ಎದೆ ಬೇಕಾಗಿತ್ತು: ಪ್ರಧಾನಿ ಮೋದಿ
ರಾಜ್ಯದಲ್ಲಿ ಕಾಂಗ್ರೆಸ್ ಸರಕಾರ ಬಂದ ಬಳಿಕ ಕಾನೂನು ಸುವ್ಯವಸ್ಥೆ ಹದಗೆಟ್ಟಿದೆ: ಪ್ರಧಾನಿ ಮೋದಿ
MUST WATCH
ಹೊಸ ಸೇರ್ಪಡೆ
Prajwal Revanna Case: ಮಾತೃಶಕ್ತಿಗೆ ಅವಮಾನವಾಗೋದನ್ನು ಸಹಿಸಿಕೊಳ್ಳಲ್ಲ: ಅಮಿತ್ ಶಾ
JDS: ಆಶ್ಲೀಲ ವಿಡಿಯೋ ಪ್ರಕರಣ; ಜೆಡಿಎಸ್ ಪಕ್ಷದಿಂದ ಪ್ರಜ್ವಲ್ ರೇವಣ್ಣ ಅಮಾನತು
ಈ ಪೆನ್ಡ್ರೈವ್ನಲ್ಲಿರುವ ವಿಡಿಯೋ ನಿಜ: ನಾನು, ಹೀರೊಯಿನ್ ಸೇರಿ ಮಾಡಿದ ವಿಡಿಯೋ ಇದು; ಪ್ರಥಮ್
Neha ಹತ್ಯೆ ಪ್ರಕರಣ ಮುಚ್ಚಿ ಹಾಕುವ ಯತ್ನ ನಡೆಯುತ್ತಿದೆ: ಸರಕಾರದ ವಿರುದ್ಧ ಆರ್.ಅಶೋಕ್ ಕಿಡಿ
Fake Video: ಅಮಿತ್ ಶಾ ನಕಲಿ ವಿಡಿಯೋ ಪ್ರಕರಣ… ಓರ್ವ ಬಂಧನ, 3 ವಿಪಕ್ಷ ನಾಯಕರಿಗೆ ನೊಟೀಸ್