ಬಾಕ್ಸಿಂಗ್: ಥಾಪ, ಪಂಘಾಲ್ ಪ್ರಾಬಲ್ಯ
Team Udayavani, May 23, 2019, 6:05 AM IST
ಗುವಾಹಾಟಿ: ವಿಶ್ವ ಚಾಂಪಿಯನ್ಶಿಪ್ ಕಂಚು ವಿಜೇತ ಶಿವ ಥಾಪ ಮತ್ತು ಏಶ್ಯನ್ ಗೇಮ್ಸ್ ಚಿನ್ನ ವಿಜೇತ ಅಮಿತ್ ಪಂಘಾಲ್ ನಿರೀಕ್ಷೆಯಂತೆ ಇಂಡಿಯನ್ ಓಪನ್ ಬಾಕ್ಸಿಂಗ್ ಕೂಟದಲ್ಲಿ ಅಮೋಘ ನಿರ್ವಹಣೆ ನೀಡಿ ಸೆಮಿಫೈನಲ್ ತಲುಪಿದ್ದಾರೆ. ಇವರಿಬ್ಬರಲ್ಲದೇ ಭಾರತದ ಇನ್ನೂ ಐವರು ಸೆಮಿಫೈನಲಿಗೇರಿದ್ದಾರೆ.
ಮೂರು ವರ್ಷಗಳ ಹಿಂದೆ ಇಲ್ಲಿಯೇ ರಾಷ್ಟ್ರೀಯ ಚಾಂಪಿಯನ್ ಎನಿಸಿಕೊಂಡಿದ್ದ ಥಾಪ ಇನ್ನಷ್ಟು ಬಲಶಾಲಿಯಾಗಿ ಕಣಕ್ಕೆ ಮರಳಿ ಮಾರಿಷಸ್ನ ಹೆಲೆನೆ ಡಮೀನ್ ಅವರನ್ನು 5-0 ಅಂತರದಿಂದ ಸುಲಭವಾಗಿ ಉರುಳಿಸಿ ಸೆಮಿಫೈನಲ್ ತಲುಪಿದರು. ಸೆಮಿಫೈನಲ್ನಲ್ಲಿ ಅವರು ಪೋಲಂಡಿನ ಡಿ ಕ್ರಿಸ್ಟಿಯನ್ ಸ್ಕೆಜೆಪಾಂಕ್ಸಿ ಅವರನ್ನು ಎದುರಿಸಲಿದ್ದಾರೆ.
52 ಕೆ.ಜಿ.ವಿಭಾಗದಲ್ಲಿ ಭಾರತೀಯರು ಭರ್ಜರಿ ನಿರ್ವಹಣೆ ನೀಡಿದ್ದಾರೆ. ಪಂಘಾಲ್ ಸಹಿತ ರಾಷ್ಟ್ರೀಯ ಚಾಂಪಿಯನ್ ಪಿಎಲ್ ಪ್ರಸಾದ್, ಮಾಜಿ ವಿಶ್ವ ಯೂತ್ ಚಾಂಪಿಯನ್ ಸಚಿನ್ ಸಿವಾಚ್ ಮತ್ತು ಹಾಲಿ ಕಾಮನ್ವೆಲ್ತ್ ಗೇಮ್ಸ್ ಚಾಂಪಿಯನ್ ಗೌರವ್ ಸೋಲಂಕಿ ಸೆಮಿಫೈನಲ್ ತಲುಪಿದ್ದಾರೆ.
ಏಶ್ಯಾಡ್ ಫೈನಲ್ನಲ್ಲಿ ಹಾಲಿ ಒಲಿಂಪಿಕ್ ಚಾಂಪಿಯನ್ ಉಜ್ಬೆಕಿಸ್ಥಾನದ ಹಸನ್ಬಾಯ್ ಡುಸ್ಮತೋವ್ ಅವರನ್ನು ನೆಲಕ್ಕುರುಳಿಸಿ ಚಿನ್ನ ಜಯಿಸಿದ್ದ ಪಂಘಾಲ್ ಇಲ್ಲಿ ಥಾçಲಂಡಿನ ಎದುರಾಳಿಯನ್ನು ಕೆಡಹಿ ಮುನ್ನಡೆದರು. ಸೆಮಿಫೈನಲ್ನಲ್ಲಿ ಅವರು ಪಿಎಲ್ ಪ್ರಸಾದ್ ಅವರನ್ನು ಎದುರಿಸಲಿದ್ದಾರೆ. ಇನ್ನೊಂದು ಸೆಮಿಫೈನಲ್ ಹೋರಾಟವು ಸಿವಾಚ್ ಮತ್ತು ಸೋಲಂಕಿ ನಡುವೆ ನಡೆಯಲಿದೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Extortion: ಆನ್ಲೈನ್ ಗೇಮ್; ಬಾಲಕನ ಬೆದರಿಸಿ ಸುಲಿಗೆ
Kushtagi: ಕಾಣೆಯಾಗಿದ್ದ ಪುರಸಭೆ ನೌಕರ ಪತ್ತೆ; ಆತಂಕ ದೂರ
Politics: ಕೇಂದ್ರ ಬರ ಪರಿಹಾರ ನೀಡದಿರಲು ವಿಧಾನಸಭೆ ಚುನವಾಣೆ ಸೋಲಿನ ಸೇಡು: ರಾಮಲಿಂಗಾರೆಡ್ಡಿ
LPG Cylinders: ವಾಣಿಜ್ಯ ಬಳಕೆಯ ಎಲ್ ಪಿಜಿ ಸಿಲಿಂಡರ್ ಬೆಲೆ ಮತ್ತೆ ಇಳಿಕೆ; ಹೊಸ ದರ ಎಷ್ಟು?
ಧ್ರುವ್ ರಾಠಿ ಮುಸ್ಲಿಂ, ಆತನ ಪತ್ನಿ ಪಾಕಿಸ್ತಾನಿ: ವೈರಲ್ ಪೋಸ್ಟ್ನ ಸತ್ಯಾಸತ್ಯತೆ ಏನು?