ಶೇ.2.5ರಷ್ಟು ಹೆಚ್ಚು ಜಿಡಿಪಿ ಲೆಕ್ಕಾಚಾರ
Team Udayavani, Jun 12, 2019, 6:10 AM IST
ಹೊಸದಿಲ್ಲಿ: ದೇಶದ ಒಟ್ಟು ತಲಾ ಆದಾಯ (ಜಿಡಿಪಿ) ಶೇ.2.5ರಷ್ಟು ಹೆಚ್ಚಾಗಿ ಅಂದಾಜು ಮಾಡಲಾಗಿದೆ. ಜಿಡಿಪಿ ಲೆಕ್ಕಾಚಾರ ವಿಧಾನ ವನ್ನು 2011-12 ಮತ್ತು 2016- 17ನೇ ಸಾಲಿನ ವಿತ್ತೀಯ ವರ್ಷಗಳ ನಡುವೆ ಬದಲು ಮಾಡಿದ್ದರಿಂದ ಹೀಗಾಗಿದೆ ಎಂದು ಕೇಂದ್ರದ ಮಾಜಿ ಆರ್ಥಿಕ ಸಲಹೆಗಾರ ಅರವಿಂದ ಸುಬ್ರಹ್ಮಣ್ಯಂ ಹೇಳಿದ್ದಾರೆ.
ಹಾರ್ವರ್ಡ್ ವಿವಿಯಲ್ಲಿ ಪ್ರಸ್ತುತ ಪಡಿಸಿದ ಸಂಶೋಧನಾ ಪ್ರಬಂಧದಲ್ಲಿ ಈ ಅಂಶ ಉಲ್ಲೇ ಖೀಸಿದ್ದಾರೆ. 2011-12 ಮತ್ತು 2016-17ನೇ ಸಾಲಿನ ಅವಧಿಯಲ್ಲಿ ಜಿಡಿಪಿ ಪ್ರಮಾಣ ವಾಸ್ತವದಲ್ಲಿ ಶೇ.4.5ರಷ್ಟು ಆಗಬೇಕಾಗಿತ್ತು. ಆದರೆ ಅದನ್ನು ಶೇ.7 ಎಂದು ಲೆಕ್ಕ ಹಾಕಲಾ ಗಿತ್ತು ಎಂದಿದ್ದಾರೆ. ಜಿಡಿಪಿ ಲೆಕ್ಕ ಹಾಕುವ ಪದ್ಧತಿಯನ್ನು ಮೋದಿ ನೇತೃತ್ವದ ಸರಕಾರ ತನ್ನ ಆಡಳಿತದ ಮೊದಲ ಅವಧಿಯಲ್ಲಿ ಬದಲು ಮಾಡಿತ್ತು. ಇದೇ ವೇಳೆ, ಈ ಬಗ್ಗೆ ಸ್ಪಷ್ಟನೆ ನೀಡಿರುವ ಕೇಂದ್ರ ಸರಕಾರ, ವಿಶ್ವಸಂಸ್ಥೆಯ ಅಂಕಿಅಂಶ ಆಯೋಗ ರಚಿಸಿದ ಮಾನದಂಡದ ಆಧಾರದಲ್ಲೇ ಜಿಡಿಪಿ ಲೆಕ್ಕಾ ಚಾರ ಮಾಡಲಾಗಿದೆ ಎಂದು ಹೇಳಿದೆ.