ಓವೈಸಿ ಪ್ರಮಾಣ ವೇಳೆ ವಂದೇ ಮಾತರಂ,ಭಾರತ್‌ ಮಾತಾ ಕೀ ಜೈ ಘೋಷಣೆಗಳು!

Team Udayavani, Jun 18, 2019, 2:28 PM IST

ಹೊಸದಿಲ್ಲಿ: ಸಂಸತ್‌ನಲ್ಲಿಹೈದ್ರಾಬಾದ್‌ನ ಎಂಐಎಂ ಸಂಸದ ಅಸಾದುದ್ದೀನ್‌ ಓವೈಸಿ ಅವರು ಮಂಗಳವಾರ ಪ್ರಮಾಣವಚನ ಸ್ವೀಕರಿಸಿದರು.ಅವರು ಪ್ರಮಾಣವಚನ ಸ್ವೀಕಾರಕ್ಕೆ ಆಗಮಿಸುವ ವೇಳೆ ಭಾರತ್‌ ಮಾತಾ ಕೀ ಜೈ, ವಂದೇ ಮಾತರಂ ಘೋಷಣೆಗಳನ್ನು ಬಿಜೆಪಿ ಸದಸ್ಯರು ಕೂಗಿದರು.

ಓವೈಸಿ ಅವರ ಹೆಸರು ಕರೆಯುತ್ತಿದ್ದಂತೆ ಬಿಜೆಪಿಯ ಕೆಲ ಸದಸ್ಯರು ಭಾರತ್‌ ಮಾತಾ ಕೀ ಜೈ , ವಂದೇ ಮಾತರಂ ಘೋಷಣೆಗಳನ್ನು ಕೂಗಿದರು. ಓವೈಸಿ ಅವರು ಎರಡು ಕೈಗಳನ್ನು ಬಿಜೆಪಿ ಸದಸ್ಯರತ್ತ
ಹುರಿದುಂಬಿಸುವ ರೀತಿಯಲ್ಲಿ ತೋರಿಸಿ ಪ್ರಮಾಣ ಸ್ವೀಕರಿಸಿದರು.

ಜೈ ಭೀಮ್‌,ಅಲ್ಲಾಹು ಅಕ್ಬರ್‌, ತಕ್ಬೀರ್‌ ಎಂದು ಪ್ರಮಾಣವಚನ ಮುಗಿಸಿದರು.

ಸಂಸತ್‌ನ ಹೊರಗೆ ಮಾತನಾಡಿದ ಅಸಾದುದ್ದೀನ್‌ ಓವೈಸಿ, ಇದು ಒಳ್ಳೆಯ ವಿಚಾರ ಯಾಕೆಂದರೆ ಅವರಿಗೆ ನನ್ನನ್ನು ನೋಡಿದ ತಕ್ಷಣ ಈ ವಿಚಾರಗಳು ನೆನಪಾಗುತ್ತವೆ. ಅವರಿಗೆ ಸಂವಿಧಾನ ಮತ್ತು ಮುಜಾಫ‌ರಪುರ್‌ನಲ್ಲಿ ಮಕ್ಕಳ ಸಾವಿನ ವಿಚಾರಗಳು ನೆನಪಿನಲ್ಲಿವೆ ಎಂದು ಭಾವಿಸುತ್ತೇನೆ ಎಂದರು.

ಅಸಾದುದ್ದೀನ್‌ ಓವೈಸಿ ಸತತ ಮೂರನೇ ಬಾರಿಗೆ ಸಂಸತ್‌ ಪ್ರವೇಶಿಸಿದ್ದಾರೆ.