ವೆಸ್ಟ್ ಇಂಡೀಸ್ ಸಾಹಸ; ಟೆಸ್ಟ್ ಡ್ರಾ
Team Udayavani, Aug 11, 2019, 5:00 AM IST
ಟರೂಬಾ (ಟ್ರಿನಿಡಾಡ್ ಆ್ಯಂಡ್ ಟೊಬಾಗೊ): ಭಾರತ “ಎ’-ವೆಸ್ಟ್ ಇಂಡೀಸ್ “ಎ’ ತಂಡಗಳ ನಡುವಿನ 3ನೇ ಹಾಗೂ ಅಂತಿಮ ಅನಧಿಕೃತ ಟೆಸ್ಟ್ ಪಂದ್ಯ ಡ್ರಾಗೊಂಡಿದೆ. ಇದರಿಂದ ಕ್ಲೀನ್ಸ್ವೀಪ್ ಅವಕಾಶ ಕಳೆದುಕೊಂಡ ಭಾರತ, ಸರಣಿಯನ್ನು 2-0 ಅಂತರದಿಂದ ತನ್ನದಾಗಿಸಿಕೊಂಡಿತು.
ಗೆಲುವಿಗೆ 373 ರನ್ ಗುರಿ ಪಡೆದ ವೆಸ್ಟ್ ಇಂಡೀಸ್, ಪಂದ್ಯ ಕೊನೆಗೊಂಡಾಗ 6 ವಿಕೆಟ್ ಕಳೆದುಕೊಂಡು 314 ರನ್ ಮಾಡಿತ್ತು. ಆರಂಭಕಾರ ಜೆರೆಮಿ ಸೊಲೊಜಾನೊ ಮ್ಯಾರಥಾನ್ ಇನ್ನಿಂಗ್ಸ್ ಒಂದನ್ನು ಕಟ್ಟಿ ತಂಡದ ರಕ್ಷಣೆಗೆ ನಿಂತರು. ಅವರ ಕೊಡುಗೆ 252 ಎಸೆತಗಳಿಂದ
92 ರನ್.
ಭೀತಿ ಮೂಡಿಸಿದ ಕಿಂಗ್
ಇನ್ನೊಂದೆಡೆ ನಂ.3 ಬ್ಯಾಟ್ಸ್ಮನ್ ಬ್ರ್ಯಾಂಡನ್ ಕಿಂಗ್ ಆಕ್ರಮಣಕಾರಿ ಆಟವಾಡಿ ಭಾರತಕ್ಕೆ ಭೀತಿ ಮೂಡಿಸಿದರು (77 ಎಸೆತಗಳಿಂದ 84 ರನ್). ಸುನೀಲ್ ಆ್ಯಂಬ್ರಿಸ್ 142 ಎಸೆತ ನಿಭಾಯಿಸಿ 69 ರನ್ ಹೊಡೆದರು. ವಿಕೆಟ್ ನಷ್ಟವಿಲ್ಲದೆ 37 ರನ್ ಮಾಡಿದಲ್ಲಿಂದ ವಿಂಡೀಸ್ ಅಂತಿಮ ದಿನದಾಟ ಮುಂದುವರಿಸಿತ್ತು.
ಭಾರತದ ಪರ ಎಡಗೈ ಸ್ಪಿನ್ನರ್ ಶಾಬಾಜ್ ನದೀಮ್ 103ಕ್ಕೆ 5 ವಿಕೆಟ್ ಉರುಳಿಸಿ ಗಮನ ಸೆಳೆದರು. ಕ್ರಮವಾಗಿ 55 ಮತ್ತು ಅಜೇಯ 118 ರನ್ ಬಾರಿಸಿದ ಹನುಮ ವಿಹಾರಿ ಪಂದ್ಯಶ್ರೇಷ್ಠ ಗೌರವಕ್ಕೆ ಪಾತ್ರರಾದರು.
ಸರಣಿಯ ಮೊದಲೆರಡು ಟೆಸ್ಟ್ಗಳನ್ನು ಹನುಮ ವಿಹಾರಿ ನೇತೃತ್ವದ ಭಾರತ “ಎ’ ಕ್ರಮವಾಗಿ 6 ವಿಕೆಟ್ ಹಾಗೂ ಹಾಗೂ 7 ವಿಕೆಟ್ಗಳಿಂದ ಜಯಿಸಿತ್ತು.
ಸಂಕ್ಷಿಪ್ತ ಸ್ಕೋರ್:
ಭಾರತ “ಎ’ 201 ಮತ್ತು 4 ವಿಕೆಟಿಗೆ 365 ಡಿಕ್ಲೇರ್. ವೆಸ್ಟ್ ಇಂಡೀಸ್ “ಎ’-194 ಮತ್ತು 6 ವಿಕೆಟಿಗೆ 314 (ಸೊಲೊಜಾನೊ 92, ಕಿಂಗ್ 77, ಆ್ಯಂಬ್ರಿಸ್ 69, ನದೀಮ್ 103ಕ್ಕೆ 5).
ಪಂದ್ಯಶ್ರೇಷ್ಠ: ಹನುಮ ವಿಹಾರಿ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Minor girl ಪ್ರೀತಿಸಿ ಮದುವೆ; ವೈಮನಸ್ಸಾಗಿ ದೂರ: ಕತ್ತು ಸೀಳಿ ಬರ್ಬರ ಹತ್ಯೆ!
Airstrike; ಹಿಂದಿನಿಂದ ದಾಳಿ ಮಾಡುವುದರಲ್ಲಿ ನನಗೆ ನಂಬಿಕೆ ಇಲ್ಲ: ಮೋದಿ
Not responding; ಶಿವರಾಮ್ ಹೆಬ್ಬಾರ್ ಅವರನ್ನು ಪ್ರಧಾನಿ ಕಾರ್ಯಕ್ರಮಕ್ಕೆ ಕರೆದಿಲ್ಲ: ಬಿಜೆಪಿ
Hunasagi: ಕಂದಕಕ್ಕೆ ಉರುಳಿದ ಶಾಸಕ ಬೈರತಿ ಬಸವರಾಜ ಕಾರು
PM Candidate; ಖರ್ಗೆ, ರಾಹುಲ್ ಯಾವುದರಲ್ಲಿ ಕಡಿಮೆ ಇದ್ದಾರೆ : ಸಿದ್ದರಾಮಯ್ಯ