ಗೊನೆಯಲ್ಲಿ ಅಡಕೆ ಸಸಿ ನೀಡುವ ಅಡಕೆ ಮರ!
Team Udayavani, Jun 16, 2020, 1:31 PM IST
ಸಾಗರ: ಅಡಕೆ ಗೊನೆಯಲ್ಲಿ ಇನ್ನೂ ಉಳಿದ ಅಡಕೆಗಳು ಚಿಗುರಿರುವಾಗಲೇ ಅಡಕೆ ಸಸಿಗಳು ಮೂಡಿರುವುದು.
ಸಾಗರ: ಅಡಕೆ ಮರವೊಂದು ರೈತನಿಗೆ ಅಡಕೆ ಕೊಡುವುದರ ಬದಲು ನೇರವಾಗಿ ಗೊನೆಯಲ್ಲಿ ಅಡಕೆ ಸಸಿಗಳನ್ನೇ ಒದಗಿಸುತ್ತಿರುವ ವಿಚಿತ್ರ ವಿದ್ಯಮಾನ ತಾಲೂಕಿನ ಎಡಜಿಗಳೇಮನೆ ಗ್ರಾಪಂ ವ್ಯಾಪ್ತಿಯ ಮಾವಿನಸರದಲ್ಲಿ ನಡೆದಿದೆ. ಇಲ್ಲಿನ ಗೀತಾ ಪ್ರಸನ್ನ ಹೆಗಡೆ ಅವರ ಅಡಕೆ ತೋಟದಲ್ಲಿನ ಒಂದು ಅಡಕೆ ಮರದಲ್ಲಿ ಅಡಕೆ ಕಾಯಿಗಳ ಜೊತೆಗೆ ಗಿಡಗಳೇ ಫಸಲಾಗಿ ಕಾಣಿಸಿಕೊಂಡಿದೆ. ನಿರ್ದಿಷ್ಟ ಮರದಲ್ಲಿ ಹಲವು ವರ್ಷಗಳಿಂದ ಇಂತಹ ಪ್ರವೃತ್ತಿ ಕಾಣಿಸಿಕೊಂಡಿರುವುದರ ವೈಜ್ಞಾನಿಕ ಹಿನ್ನೆಲೆಯನ್ನು ಸಸ್ಯ ವಿಜ್ಞಾನಿಗಳು ಕಂಡುಹಿಡಿಯಬೇಕಾಗಿದೆ. ಪ್ರತಿ ವರ್ಷ ಅಡಕೆಗೆ ಬೋಡೋ ಸಿಂಪಡಿಸುವ ಸಂದರ್ಭದಲ್ಲಿಯೇ ಇನ್ನೂ ಚಿಗುರಿರುವ ಅಡಕೆ ಮಿಳ್ಳೆಗಳ ಜೊತೆಗೆ ಸಸಿ ಮೊಳಕೆಗಳು ಕಾಣಿಸಿಕೊಳ್ಳುತ್ತವೆ. ಇನ್ಸ್ಟಂಟ್ ಕಾಫಿ, ದೋಸೆ ಹಿಟ್ಟು, ಇಡ್ಲಿ ಹಿಟ್ಟುಗಳ ಮಾದರಿಯಲ್ಲಿ ಸಸಿ ಮೊಳಕೆಗಳನ್ನು ಕೊಡಲು ಮುಂದಾಗಿದ್ದರೂ ಈ ಸಸಿಗಳು ಪುನ: ನಾಟಿ ಮಾಡಿ ಗಿಡಗಳನ್ನಾಗಿಸಲು ಬಾರದು ಎಂಬುದು ಮಾತ್ರ ಬೇಸರದ ಸಂಗತಿ.
ಈ ಬಗ್ಗೆ ಪ್ರತಿಕ್ರಿಯಿಸುವ ಗೀತಾ ಪ್ರಸನ್ನ, ಅಡಕೆ ಹಣ್ಣಾಗಿ ಮಣ್ಣು, ನೀರಿನ ಸಂಪರ್ಕದಿಂದ ಮೊಳಕೆಯೊಡೆಯುವುದು ಸಂಪ್ರದಾಯ. ಮಾವ ಎಂ.ಜಿ. ಸತ್ಯನಾರಾಯಣ ಅವರ ಕಾಲದಲ್ಲಿಯೇ ನೆಟ್ಟಿದ್ದ ಈ ಅಡಕೆ ಮರದಲ್ಲಿ ಇನ್ನೂ ಅಡಕೆ ಮಣಿಗಳು ಬೆಳೆಯುವುದರೊಳಗಾಗಿಯೇ ಸಸಿಗಳು ಕಾಣುವುದು ಪ್ರಕೃತಿಯ ವೈಚಿತ್ರ್ಯ. ಆರೋಗ್ಯವಂತವಾಗಿರುವ ಮರ ಪ್ರತಿ ವರ್ಷ ಇದೇ ರೀತಿ ಆಗುತ್ತದೆ ಎಂಬುದನ್ನು ವಿಜ್ಞಾನಿಗಳು ವಿಶ್ಲೇಷಿಸಿದರೆ ಹೊಸ ವಿಷಯಗಳು ತಿಳಿಯಲು ಸಾಧ್ಯ ಎನ್ನುತ್ತಾರೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Shivamogga:ಮಳೆ ಬಂತೆಂದು ಖುಷಿಪಡುತ್ತಿದ್ದ ರೈಲು ಪ್ರಯಾಣಿಕರಿಂದಲೇ ಹಿಡಿಶಾಪ!
Gopal Krishna Belur ಯಾರಿಂದಲೂ ರಾಜ್ಯ ಸರ್ಕಾರ ಅಲ್ಲಾಡಿಸಲು ಆಗಲ್ಲ
Shimoga; ಪ್ಲಾಸ್ಟಿಕ್ ನುಂಗಿದ್ದ ಹಾವು ರಕ್ಷಣೆ
BJPಯಲ್ಲಿ ನನಗೆ ಅನ್ಯಾಯವಾದಾಗ ರಘುಪತಿ ಭಟ್ ಸ್ಪರ್ಧೆ ಬೇಡ ಅಂದಿದ್ದರು: ಆಯನೂರು
SSLC: ಉತ್ತಮ ಅಂಕ ಪಡೆದ ವಿದ್ಯಾರ್ಥಿನಿಯರನ್ನು ಅಭಿನಂದಿಸಿದ ಶಾಸಕ ಆರಗ ಜ್ಞಾನೇಂದ್ರ