ಎನ್ ಕೌಂಟರ್ ನಡೆಯುತ್ತಿದ್ದಾಗ ಓಡಿಬಂದ ಮಗುವನ್ನು ರಕ್ಷಿಸಿದ ಜಮ್ಮು-ಕಾಶ್ಮೀರ ಪೊಲೀಸ್!
ಸಾಮಾಜಿಕ ಜಾಲತಾಣಗಳಲ್ಲಿ ಶೇರ್ ಆಗಿರುವ ಫೋಟೋ ಎಲ್ಲರ ಮನಕಲಕುವಂತಿದೆ.
Team Udayavani, Jul 1, 2020, 1:54 PM IST
ಸೋಪೋರೆ(ಜಮ್ಮು-ಕಾಶ್ಮೀರ): ಉಗ್ರರ ಜತೆಗಿನ ಎನ್ ಕೌಂಟರ್ ಸಂದರ್ಭದಲ್ಲಿ ಆಕಸ್ಮಿಕವಾಗಿ ಬಂದ ಮೂರು ವರ್ಷದ ಮಗುವನ್ನು ಜಮ್ಮು-ಕಾಶ್ಮೀರ್ ಪೊಲೀಸ್ ರಕ್ಷಿಸಿರುವ ಘಟನೆ ಸೋಪೋರೆ ಜಿಲ್ಲೆಯಲ್ಲಿ ನಡೆದಿದ್ದು, ಈ ಫೋಟೋ ಭಾರೀ ವೈರಲ್ ಆಗಿದೆ.
ವರದಿಯ ಪ್ರಕಾರ, ಸಿಆರ್ ಪಿಎಫ್ ಭದ್ರತಾ ಪಡೆ, ಪೊಲೀಸ್ ಹಾಗೂ ಉಗ್ರರ ನಡುವೆ ಗುಂಡಿನ ಕಾಳಗ ನಡೆಯುತ್ತಿತ್ತು.. ಈ ವೇಳೆ 3ವರ್ಷದ ಮಗುವೊಂದು ಬಂದಿದ್ದು ಆ ಹೊತ್ತಿಗೆ ಉಗ್ರರು ಗುಂಡು ಹಾರಿಸಿದ್ದರು. ಆದರೆ ಕ್ಷಿಪ್ರವಾಗಿ ಮಗುವನ್ನು ಜಮ್ಮು-ಕಾಶ್ಮೀರ್ ಪೊಲೀಸರೊಬ್ಬರು ರಕ್ಷಿಸಿರುವುದಾಗಿ ವರದಿ ವಿವರಿಸಿದೆ.
ಸಾಮಾಜಿಕ ಜಾಲತಾಣಗಳಲ್ಲಿ ಶೇರ್ ಆಗಿರುವ ಫೋಟೋ ಎಲ್ಲರ ಮನಕಲಕುವಂತಿದೆ. ಎನ್ ಕೌಂಟರ್ ನಡೆಯುತ್ತಿದ್ದಾಗಲೇ ಓಡಿ ಬಂದ ಮಗುವನ್ನು ಜಮ್ಮು ಕಾಶ್ಮೀರ ಪೊಲೀಸರ ಸಮಯಪ್ರಜ್ಞೆಯಿಂದಾಗಿ ಮಗುವನ್ನು ಗುಂಡಿನ ದಾಳಿಯಿಂದ ರಕ್ಷಿಸಿದಂತಾಗಿದೆ.
JKP #rescued a three years old boy from getting hit by bullets during #terrorist #attack in #Sopore. @JmuKmrPolice pic.twitter.com/hzqGGvG7yN
— Kashmir Zone Police (@KashmirPolice) July 1, 2020
ಇಂದು ಬೆಳಗ್ಗೆ ನಾಕಾಬಂಧಿ ನಡೆಸುತ್ತಿದ್ದ ಸಿಆರ್ ಪಿಎಫ್ ಮತ್ತು ಜಮ್ಮು-ಕಾಶ್ಮೀರ ಪೊಲೀಸರ ಮೇಲೆ ಉಗ್ರರು ಗುಂಡಿನ ದಾಳಿ ನಡೆಸಿದ್ದರು. ಈ ಸಂದರ್ಭದಲ್ಲಿ ನಾಲ್ವರು ಯೋಧರು ಗಾಯಗೊಂಡಿದ್ದರು. ಅಲ್ಲದೇ ನಾಗರಿಕರೊಬ್ಬರು ಗಾಯಗೊಂಡಿದ್ದರು.