ಥೀಮ್, ಮೆಡ್ವಡೇವ್ ಕ್ವಾ.ಫೈನಲ್ ಗೇಮ್
Team Udayavani, Sep 8, 2020, 11:05 PM IST
ನ್ಯೂಯಾರ್ಕ್: ನೊವಾಕ್ ಜೊಕೋವಿಕ್ ನಿರ್ಗಮನದ ಬಳಿಕ ಯುಎಸ್ ಓಪನ್ ಕೂಟದ ನೆಚ್ಚಿನ ಆಟಗಾರನಾಗಿ ಗೋಚರಿಸಿರುವ ಆಸ್ಟ್ರಿಯಾದ ಡೊಮೊನಿಕ್ ಥೀಮ್ ಕ್ವಾರ್ಟರ್ ಫೈನಲ್ ತಲುಪಿದ್ದಾರೆ. ಇವರ ಮುಂದಿನ ಎದುರಾಳಿ ಆಸ್ಟ್ರೇಲಿಯದ ಯುವ ಆಟಗಾರ ಅಲೆಕ್ಸ್ ಡಿ ಮಿನೌರ್.
“ಆರ್ಥರ್ ಆ್ಯಶ್ ಸ್ಟೇಡಿಯಂ’ನಲ್ಲಿ ನಡೆದ 16ರ ಸುತ್ತಿನ ಮುಖಾಮುಖೀಯಲ್ಲಿ ಡೊಮಿನಿಕ್ ಥೀಮ್ ಕೆನಡಾದ ಫೆಲಿಕ್ಸ್ ಯುಗರ್ ಅಲಿಯಾಸಿಮ್ ಸವಾಲನ್ನು 7-6 (7-4), 6-1, 6-1ರಿಂದ ಹತ್ತಿಕ್ಕಿದರು. ಅಲಿಯಾಸಿಮ್ ದ್ವಿತೀಯ ಸುತ್ತಿನಲ್ಲಿ ಆ್ಯಂಡಿ ಮರ್ರೆ ಅವರನ್ನು ಮಣಿಸಿ ಸುದ್ದಿಯಾಗಿದ್ದರು.
ಇನ್ನೊಂದು ಪಂದ್ಯದಲ್ಲಿ ಅಲೆಕ್ಸ್ ಡಿ ಮಿನೌರ್ 7-6 (8-6), 6-3, 6-2ರಿಂದ ಕೆನಡಾದ ವ್ಯಾಸೆಕ್ ಪಾಸ್ಪಿಸಿಲ್ ಅವರನ್ನು ಹಿಮ್ಮೆಟ್ಟಿಸಿದರು.
ಬುಧವಾರ ರಾತ್ರಿಯ ಇನ್ನೊಂದು ಕ್ವಾರ್ಟರ್ ಫೈನಲ್ನಲ್ಲಿ ಇಬ್ಬರು ರಶ್ಯನ್ನರು ಎದುರಾಗಲಿದ್ದಾರೆ. 3ನೇ ಶ್ರೇಯಾಂಕದ ಡ್ಯಾನಿಲ್ ಮೆಡ್ವೆಡೇವ್ ಮತ್ತು ಆ್ಯಂಡ್ರೆ ರುಬ್ಲೆವ್ ನಡುವಿನ ಕದನ ಇದಾಗಿದೆ. ಮೆಡ್ವೆಡೇವ್ ಆತಿಥೇಯ ನಾಡಿನ ಫ್ರಾನ್ಸೆಸ್ ಥಿಯಾಫೂ ಅವರನ್ನು 6-4, 6-1, 6-0 ಅಂತರದಿಂದ ಸುಲಭದಲ್ಲಿ ಮಣಿಸಿದರು. ರುಬ್ಲೆವ್ 4 ಸೆಟ್ಗಳ ಹೋರಾಟದ ಬಳಿಕ ಇಟೆಲಿಯ ಮ್ಯಾಟಿಯೊ ಬೆರೆಟಿನಿ ವಿರುದ್ಧ 4-6, 6-3, 6-3, 6-3 ಅಂತರದ ಮೇಲುಗೈ ಸಾಧಿಸಿದರು.
ಬೋಪಣ್ಣ ಜೋಡಿ ನಿರ್ಗಮನ
ಯುಎಸ್ ಓಪನ್ ಪುರುಷರ ಡಬಲ್ಸ್ ಪಂದ್ಯಾವಳಿಯಿಂದ ಭಾರತದ ರೋಹನ್ ಬೋಪಣ್ಣ-ಕೆನಡಾದ ಡೆನ್ನಿಸ್ ಶಪೊವಲೋವ್ ಜೋಡಿ ಹೊರಬಿದ್ದಿದೆ. ಇದರೊಂದಿಗೆ ಅಮೆರಿಕನ್ ಕೂಟದಲ್ಲಿ ಭಾರತದ ಸವಾಲು ಕೊನೆಗೊಂಡಿದೆ. ಸೋಮವಾರ ರಾತ್ರಿ ನಡೆದ ಜಿದ್ದಾಜಿದ್ದಿ ಕ್ವಾರ್ಟರ್ ಫೈನಲ್ ಮುಖಾಮುಖೀಯಲ್ಲಿ ಜೀನ್ ಜೂಲಿಯನ್ ರೋಜರ್ (ನೆದರ್ಲೆಂಡ್ಸ್)- ಹೊರಿಯ ಟೆಕು (ರೊಮೇನಿಯಾ) ಸೇರಿಕೊಂಡು ಇಂಡೋ-ಕೆನಡಿಯನ್ ಜೋಡಿಯನ್ನು 7-6, 7-5 ಅಂತರದಿಂದ ಮಣಿಸಿದರು.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
‘ತಾರಕ್ ಮೆಹ್ತಾ ಕಾ ಉಲ್ಟಾ ಚಶ್ಮಾ’ ನಟ ಗುರುಚರಣ್ ಸಿಂಗ್ ನಾಪತ್ತೆ… ಮೊಬೈಲ್ ಸ್ವಿಚ್ ಆಫ್
Desi Swara: ಹೊನ್ನುಡಿ- ಕಲಿಯುವ ಮನೋಭಾವ ಮುಖ್ಯ
Rakshit Shetty: ʼರಿಚರ್ಡ್ ಆಂಟನಿʼಯಲ್ಲಿ ಈ ಕರಾವಳಿಯ ನಟಿಯರಿಗೆ ಸಿಗುತ್ತಾ ಅವಕಾಶ?
Holehonnur: ರಾಜ್ಯದಲ್ಲಿ ಹೆಣ್ಣು ಮಕ್ಕಳಿಗೆ ಸುರಕ್ಷತೆಯಿಲ್ಲ: ಬಿ.ವೈ. ವಿಜಯೇಂದ್ರ
Desi Swara: ಬುಚ್ಚಿ ನೀಡಿದ ಭರವಸೆಯ ಬೆಳಕು