ಕೋವಿಡ್ ಹಬ್ಬಿಸಿದ್ದು ನಾವಲ್ಲ: ಚೀನ ಡ್ರಾಮಾ
"ನಮಗೂ ಮೊದಲೇ ಜಗತ್ತಿನ ಬೇರೆ ಭಾಗಗಳಲ್ಲಿ ಕೊರೊನಾ ಇತ್ತು'
Team Udayavani, Oct 10, 2020, 6:17 AM IST
ಸಾಂದರ್ಭಿಕ ಚಿತ್ರ
ಬೀಜಿಂಗ್: ಕೋವಿಡ್ ವೈರಾಣುವನ್ನು ಜಗತ್ತಿನಾದ್ಯಂತ ಹಬ್ಬಿಸಿದ ಚೀನ ಈಗ ಹೊಸ ನಾಟಕ ಆರಂಭಿಸಿದೆ. ಕೊರೊನಾ ಹಂಚಿದ್ದು ನಾವಲ್ಲ. ಚೀನಕ್ಕೂ ಮೊದಲು ವಿಶ್ವದ ಬೇರೆ ಬೇರೆ ಭಾಗಗಳಲ್ಲಿ ಕೊರೊನಾ ಹುಟ್ಟಿಕೊಂಡಿತ್ತು ಎಂದು ಹೇಳಿಕೊಂಡಿದೆ.
ಹೌದು! ವುಹಾನ್ ಲ್ಯಾಬ್ನಿಂದ ಕೋವಿಡ್ ವೈರಾಣು ಹರಡಿದೆ ಎಂದು ಇತ್ತೀಚೆಗೆ ಅಮೆರಿಕ ಆರೋಪಿಸಿದ್ದ ಬೆನ್ನಲ್ಲೇ ಚೀನ ವಿದೇಶಾಂಗ ಇಲಾಖೆ ಈ ಹೇಳಿಕೆ ನೀಡಿದೆ. “ಕಳೆದ ವರ್ಷದ ಅಂತ್ಯದಲ್ಲಿ ಕೋವಿಡ್ ಜಗತ್ತಿನ ಬೇರೆ ಬೇರೆ ಭಾಗದಲ್ಲಿ ದೃಢವಾಗಿತ್ತು. ಯಾರೂ ಈ ಬಗ್ಗೆ ಮಾತಾಡಿರಲಿಲ್ಲ. ಆದರೆ, ಚೀನ ಕೊರೊನಾ ಪತ್ತೆಹಚ್ಚಿ ಮೊದಲ ಬಾರಿಗೆ ವರದಿ ಮಾಡಿತು. ವೈರಾಣುವಿನ ಜೀನೋಮ್ ಅನುಕ್ರಮವನ್ನು ಜಗತ್ತಿನೊಂದಿಗೆ ಹಂಚಿ ಕೊಂಡಿತ್ತು’ ಎಂದು ಇಲಾಖೆ ವಕ್ತಾರ ಹುವಾ ಚುನ್ಯಿಂಗ್ ಹೇಳಿದ್ದಾರೆ.
“ಕೋವಿಡ್ ಒಂದು ಬಗೆಯ ಹೊಸ ವೈರಾಣು. ಅಮೆರಿಕ ಆಪಾದಿಸಿದಂತೆ ಇದು ವುಹಾನ್ನ ಲ್ಯಾಬ್ನಿಂದಾಗಲೀ, ಕೇಂದ್ರ ಚೀನದ ಮಾಂಸ ಮಾರುಕಟ್ಟೆಯ ಬಾವಲಿ ಅಥವಾ ಪ್ಯಾಂಗೊಲಿನ್ ಸಸ್ತನಿಯಿಂದಾಗಲೀ ಹಬ್ಬಿದ್ದಲ್ಲ’ ಎಂದು ಯುಎಸ್ನ ಆರೋಪವನ್ನು ಅಲ್ಲಗಳೆದಿದ್ದಾರೆ. ಅಮೆರಿಕದ ವಿದೇಶಾಂಗ ಕಾರ್ಯದರ್ಶಿ ಮೈಕ್ ಪೊಂಪ್ಯೂ ಇತ್ತೀಚೆಗಷ್ಟೇ ಟೋಕಿಯೊದ ಕ್ವಾಡ್ ಸಭೆಯಲ್ಲಿ ಚೀನದ ಮೇಲೆ ತೀವ್ರ ವಾಗ್ಧಾಳಿ ನಡೆಸಿದ್ದರು.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Chitradurga; ನ್ಯಾಯಾಲಯಕ್ಕೆ ಶರಣಾದ ಮುರುಘಾ ಶ್ರೀ
Video: ಸಹೋದರಿಯ ಮದುವೆಯಲ್ಲಿ ಕುಣಿಯುತ್ತಿದ್ದ ವೇಳೆ ಕುಸಿದು ಬಿದ್ದು 18ರ ಯುವತಿ ಮೃತ್ಯು
Manvita Kamath; ಮದುವೆ ನಂತರವೂ ಸಿನಿಮಾ ಮಾಡ್ತೀನಿ ಎಂದ ಟಗರುಪುಟ್ಟಿ
Hubli; ರಾಜಕಾರಣಕ್ಕಾಗಿ ರಾಜ್ಯವನ್ನು ಬಳಸಿಕೊಂಡಿದ್ದೆ ಜೋಶಿ ಸಾಧನೆ: ವಿನಯ ಕುಮಾರ್ ಸೊರಕೆ
Padubidri; ಓವರ್ ಟೇಕ್ ತಗಾದೆ: ಬಸ್ಸಿನೊಳಗೆ ನುಗ್ಗಿ ಚಾಲಕನ ಮೇಲೆ ಹಲ್ಲೆ