ಆಟಕ್ಕುಂಟು ಲೆಕ್ಕಕ್ಕಿಲ್ಲ: ಸಂಚಾರಿ ವಿಜಯ್ರ ಮನೋ ಸಂಚಾರ!
Team Udayavani, Sep 16, 2019, 12:08 PM IST
ನಾನು ಅವನಲ್ಲ ಅವಳು ಚಿತ್ರಕ್ಕಾಗಿ ರಾಷ್ಟ್ರ ಪ್ರಶಸ್ತಿಯನ್ನು ಪಡೆದುಕೊಂಡಿರುವವರು ಸಂಚಾರಿ ವಿಜಯ್. ಒಂದಷ್ಟು ಕಾಲದ ನಂತರ ಕಮರ್ಶಿಯಲ್ ಜಾಡಿನತ್ತಲೂ ಗಮನ ಹರಿಸಿರೋ ವಿಜಯ್ ಪಾಲಿಗೀಗ ವೆರೈಟಿ ವೆರೈಟಿ ಕಥೆಯ ಅವಕಾಶಗಳೇ ತೆರೆದುಕೊಳ್ಳುತ್ತಿವೆ. ಇದೀಗ ಅವರು ರಾಮ್ ಜೆ ಚಂದ್ರ ನಿರ್ದೇಶನದ ಆಟಕ್ಕುಂಟು ಲೆಕ್ಕಕ್ಕಿಲ್ಲ ಎಂಬ ಚಿತ್ರದಲ್ಲಿ ನಟಿಸಿದ್ದಾರೆ. ವಾರದ ಹಿಂದೆ ಬಿಡುಗಡೆಗೊಂಡಿರೋ ಟ್ರೈಲರ್ನೊಂದಿಗೆ ಪ್ರೇಕ್ಷಕರಲ್ಲಿ ಭರವಸೆ ಮೂಡಿಸಿರೋ ಈ ಚಿತ್ರವೀಗ ಬಿಡುಗಡೆಗೆ ರೆಡಿಯಾಗಿದೆ.
ಇದು ರಾಮ್ ಜೆ ಚಂದ್ರ ನಿರ್ದೇಶನದ ಮೊದಲ ಚಿತ್ರ. ಆದರೆ ಇದರ ಹಿಂದೆ ಅದೆಷ್ಟೋ ವರ್ಷಗಳ ತಯಾರಿಯಿದೆ. ಸದಾ ಇಂಥಾ ಕನಸು ಮತ್ತು ಪರಿಶ್ರಮದಿಂದ ರೂಪುಗೊಂಡಿರೋ ಸಿನಿಮಾಗಳತ್ತಲೇ ಹೆಚ್ಚಾಗಿ ಗಮನಹರಿಸೋ ಸಂಚಾರಿ ವಿಜಯ್ ಆಟಕ್ಕುಂಟು ಲೆಕ್ಕಕ್ಕಿಲ್ಲ ಚಿತ್ರದಲ್ಲಿಯೂ ಕೂಡಾ ಇದುವರೆಗಿನ ಅಷ್ಟೂ ಪಾತ್ರಗಳಿಗಿಂತ ಬೇರೆಯದ್ದೇ ರೀತಿಯಲ್ಲಿರೋ ಪಾತ್ರದಲ್ಲಿ ನಟಿಸಿದ ಖುಷಿ ಹೊಂದಿದ್ದಾರೆ. ರಾಮ್ ಜೆ ಚಂದ್ರ ಆರಂಭದಲ್ಲಿ ಕಥೆ ಹೇಳಿದಾಗಲೇ ಸಂಚಾರಿ ವಿಜಯ್ ಮೆಚ್ಚುಗೆಯ ಮಾತುಗಳನ್ನಾಡಿದ್ದರಂತೆ.
ಈ ಸಿನಿಮಾ ಕಥೆಯೇ ವಿಶೇಷವಾಗಿದೆ, ಹೊಸತನದಿಂದ ಕೂಡಿದೆ ಅನ್ನೋದರ ನಿಖರ ಸುಳಿವು ಇತ್ತೀಚೆಗೆ ಲಾಂಚ್ ಆಗಿರೋ ಟ್ರೈಲರ್ ಮೂಲಕ ಜಾಹೀರಾಗಿದೆ. ಇದರಲ್ಲಿಯೇ ಸಂಚಾರಿ ವಿಜಯ್ ಇಲ್ಲಿ ಯಾವ ಥರದ ಪಾತ್ರ ನಿರ್ವಹಿಸಿದ್ದಾರೆಂಬಂಥಾ ಝಲಕ್ ಕೂಡಾ ಅನಾವರಣಗೊಂಡಿದೆ. ಈ ಕಥೆಯನ್ನು ಬರೆಯುವಾಗಲೇ ನಿರ್ದೇಶಕರ ಮನಸಲ್ಲಿ ಈ ಪಾತ್ರಕ್ಕೆ ಸಂಚಾರಿ ವಿಜಯ್ ಫಿಕ್ಸಾಗಿ ಹೋಗಿದ್ದರಂತೆ. ಅವರಿಗೆಂದೇ ಬಲು ಆಸ್ಥೆಯಿಂದ ರೂಪಿಸಿರೋ ಈ ಪಾತ್ರ ವಿಜಯ್ ಪಾಲಿಗೆ ಹೊಸಾ ತಿರುವನ್ನೇ ನೀಡೋ ಲಕ್ಷಣಗಳೂ ಇದ್ದಾವೆ. ಮನೋಲೋಕದ ಚಿತ್ರವಿಚಿತ್ರ ಪಲ್ಲಟಗಳ ಈ ಕ್ಯಾರೆಕ್ಟರ್ ಸಂಚಾರಿ ವಿಜಯ್ ಅವರ ನಟನಾ ಕೌಶಲ್ಯವನ್ನು ಮತ್ತಷ್ಟು ಮಿರುಗಿಸುವಂತಿದೆಯಂತೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
ಮೋದಿಯಿಂದ ಬಡತನ ಮುಕ್ತ ಭಾರತ: ಬಸವರಾಜ ಬೊಮ್ಮಾಯಿ
Hubli; ಕುಮಾರಸ್ವಾಮಿ ಎದುರೇ ಕಾಂಗ್ರೆಸ್ – ಜೆಡಿಎಸ್ ಕಾರ್ಯಕರ್ತರ ನಡುವೆ ಮಾರಾಮಾರಿ
Mangaluru ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣವಿನ್ನು ಮೌನ! ಇಲ್ಲಿದೆ ಕಾರಣ
ಪ್ರಜ್ವಲ್ ರೇವಣ್ಣ ಸಂಸದ ಸ್ಥಾನಕ್ಕೆ ರಾಜೀನಾಮೆ ನೀಡಬೇಕು: ಮಹಿಳಾ ಕಾಂಗ್ರೆಸ್ ಘಟಕ ಆಗ್ರಹ
ಉತ್ತರದವರು ಸಿಎಂ ಆಗಲು ಬಿಜೆಪಿ ಗೆಲ್ಲಿಸಿ; ಬಸನಗೌಡ ಪಾಟೀಲ