ಕಥಾ ಸಂಗಮದಲ್ಲಿ ಹರಿಪ್ರಿಯಾರದ್ದು ನಿಗೂಢ ಪಾತ್ರ!

Team Udayavani, Dec 4, 2019, 6:26 PM IST

ಶ್ರೀದೇವಿ ಎಂಟರ್‌ಪ್ರೈಸಸ್ ಬ್ಯಾನರಿನಡಿಯಲ್ಲಿ ಹೆಚ್.ಕೆ ಪ್ರಕಾಶ್, ಪ್ರದೀಪ್ ಎನ್ ಆರ್ ಮತ್ತು ರಿಷಬ್ ಶೆಟ್ಟಿ ನಿರ್ಮಾಣ ಮಾಡಿರುವ ಕಥಾ ಸಂಗಮ ಚಿತ್ರ ಇದೇ ಡಿಸೆಂಬರ್ ೬ರಂದು ತೆರೆಗಾಣುತ್ತಿದೆ. ಸಾಮಾನ್ಯವಾಗಿ ಒಂದು ಸಿನಿಮಾದಲ್ಲಿ ಒಂದು ಕಥೆಯಿರುತ್ತದೆ. ಅದಕ್ಕೊಂದಷ್ಟು ಕೊಂಬೆ ಕೋವೆಗಳಿದ್ದರೂ ಸಿಕ್ಕು ಸಿಕ್ಕಾಗಿ ಬಿಡುವ ಅಪಾಯವೇ ಹೆಚ್ಚು. ಅಂಥಾದ್ದರಲ್ಲಿ ಕಥಾ ಸಂಗಮದಲ್ಲಿ ಏಳು ಕಥೆಗಳಿವೆ. ಏಳು ಮಂದಿ ನಿರ್ದೇಶಕರುಗಳು ಒಂದೊಂದು ಕಥೆಯನ್ನು ದೃಷ್ಯೀಕರಿಸಿದ್ದಾರೆ. ರಿಷಬ್ ಶೆಟ್ಟಿ ಅದೆಲ್ಲವನ್ನೂ ಸೂತ್ರದಾರನಂತೆ ಎಲ್ಲಿಯೂ ಸಿಕ್ಕಾಗದಂತೆ ಹಿಡಿದಿಟ್ಟಿದ್ದಾರೆ. ಅಂತೂ ಈ ಕಥಾ ಸಂಗಮ ಏಳು ಸಿನಿಮಾವನ್ನು ಒಟ್ಟೊಟ್ಟಿಗೆ ತೋರಿಸಲಿದೆ.

ಇತ್ತೀಚೆಗಷ್ಟೇ ಕಥಾ ಸಂಗಮದ ಸಮ್ಮೋಹಕವಾದ ಟ್ರೇಲರ್ ಬಿಡುಗಡೆಯಾಗಿದೆ. ಒಂದೇ ದಿನದಲ್ಲಿ ಲಕ್ಷ ಲಕ್ಷ ವೀಕ್ಷಣೆ ಪಡೆಯುವ ಮೂಲಕ ವಿರಾಟ್ ರೂಪವನ್ನೇ ಪ್ರದರ್ಶಿಸಿದೆ. ಇದರಲ್ಲಿ ಏಳು ಕಥೆಯ ಚಹರೆಗಳೊಂದಿಗೆ ಆಯಾ ಕಥೆಗಳ ಪಾತ್ರಗಳೂ ಕೂಡಾ ಮಿಂಚಿ ಹೋಗಿವೆ. ಅದರಲ್ಲಿ ಹರಿಪ್ರಿಯಾರ ಪಾತ್ರವೂ ಸೇರಿಕೊಂಡಿದೆ. ಅವಿನಾಶ್, ರಿಷಬ್ ಶೆಟ್ಟಿ, ಪ್ರಕಾಶ್ ಬೆಳವಾಡಿ ಪಾತ್ರಗಳಂತೆ ಹರಿಪ್ರಿಯಾರ ಪಾತ್ರವೂ ಪರಿಚಯವಾಗಿದೆ. ಅದರಲ್ಲಿ ಅವರು ಹೈಫೈ ಲುಕ್ಕಿನಲ್ಲಿ ಮಿಂಚಿದ್ದಾರೆ. ಆದರೆ ಅವರ ಪಾತ್ರ ಏನೆಂಬುದರ ಬಗ್ಗೆ ರಿಷಬ್ ಶೆಟ್ಟಿಯಾಗಲಿ, ಇತರೇ ನಿರ್ದೇಶಕರಾಗಲಿ ಈ ವರೆಗೂ ಬಾಯಿ ಬಿಟ್ಟಿಲ್ಲ. ಈ ಕಾರಣದಿಂದ ಹರಿಪ್ರಿಯಾ ಪಾತ್ರವೆಂಬುದು ನಿಗೂಢವಾಗಿಯೇ ಉಳಿದು ಹೋಗಿದೆ.

ಅದೇನು ಅದೃಷ್ಟವೋ ಗೊತ್ತಿಲ್ಲ; ಹರಿಪ್ರಿಯಾ ಪಾಲಿಗೆ ಭಿನ್ನಾತಿ ಭಿನ್ನವಾದ ಪಾತ್ರಗಳೇ ಹುಡುಕಿ ಬರುತ್ತಿವೆ. ಯಾವ ಪಾತ್ರವನ್ನೇ ಆದರೂ ಓರ್ವ ನಟಿಯಾಗಿಯಷ್ಟೇ ದಿಟ್ಟಿಸಿ ಜೀವ ತುಂಬುವ ಸ್ವಭಾವದ ಹರಿಪ್ರಿಯಾ ಇಮೇಜುಗಳ ಬಗ್ಗೆ ತಲೆ ಕೆಡಿಸಿಕೊಳ್ಳುವವರಲ್ಲ. ಇಂಥಾ ಮನಸ್ಥಿತಿ ಮತ್ತು ಪ್ರತಿಭೆಗಳೇ ಅವರಿಗೆ ಕಥಾ ಸಂಗಮದಂಥಾ ಚೆಂದದ ಅವಕಾಶಗಳನ್ನು, ಅಪರೂಪದ ಪಾತ್ರಗಳನ್ನು ಕೊಡಮಾಡುತ್ತಿವೆ. ಕಥಾ ಸಂಗಮದ ಒಂದು ಕಥೆಯಲ್ಲಿ ಅವರು ಪ್ರಧಾನ ಪಾತ್ರವನ್ನು ನಿರ್ವಹಿಸಿದ್ದಾರೆ. ಚಿತ್ರತಂಡ ಆ ಪಾತ್ರದ ಬಗ್ಗೆ ಗೌಪ್ಯತೆ ಕಾಪಾಡಿಕೊಂಡಿದೆಯಾದರೂ ಹರಿಪ್ರಿಯಾರ ಪಾತ್ರ ಪ್ರೇಕ್ಷಕರನ್ನೆಲ್ಲ ಥ್ರಿಲ್ ಆಗಿಸುವಂತೆ ಮೂಡಿ ಬಂದಿದೆ ಅನ್ನೋದರಲ್ಲಿ ಯಾವ ಸಂಶಯವೂ ಇಲ್ಲ. ಹರಿಪ್ರಿಯಾ ಪಾತ್ರದ ನಿಗೂಢಗಳು ಜಾಹೀರಾಗಲು ಇನ್ನು ಕೆಲವೇ ಕೆಲ ದಿನಗಳು ಮಾತ್ರವೇ ಬಾಕಿ ಉಳಿದುಕೊಂಡಿವೆ.

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ನಿಮ್ಮ ಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃಸಿದ್ಧ. ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ ೫ ದಿನಗಳಲ್ಲಿ ನೆರವೇರಿಸಿ ಕೊಡುತ್ತಾರೆ. ಇಂದೇ ಭೇಟಿ ನೀಡಿ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗುರೂಜಿ
ಜಯನಗರ ಬೆಂಗಳೂರು, ಮೋ- 8884889444

ಈ ವಿಭಾಗದಿಂದ ಇನ್ನಷ್ಟು

ಹೊಸ ಸೇರ್ಪಡೆ