Rishab Shetty Birthday: ಒಂದೇ ತಟ್ಟೆಯಲ್ಲಿ ಬಿರಿಯಾನಿ ಸವಿದ ರಿಷಬ್ – ರಕ್ಷಿತ್
ʼಧರ್ಮ- ಶಿವʼ ಸ್ನೇಹಕ್ಕೆ ಫ್ಯಾನ್ಸ್ ಫಿದಾ
Team Udayavani, Jul 8, 2023, 9:57 AM IST
ಬೆಂಗಳೂರು: ನಟ- ನಿರ್ದೇಶಕ ರಿಷಬ್ ಶೆಟ್ಟಿ ಅವರು ತಮ್ಮ ಹುಟ್ಟುಹಬ್ಬವನ್ನು ಅದ್ಧೂರಿಯಾಗಿ ಆಚರಿಸಿಕೊಂಡಿದ್ದಾರೆ. ಅಭಿಮಾನಿಗಳ ಜೊತೆ ಡಿವೈನ್ ಸ್ಟಾರ್ ಬರ್ತ್ ಡೇ ಸೆಲೆಬ್ರೆಟ್ ಮಾಡಿದ್ದಾರೆ.
ಇತ್ತ ಚಿತ್ರರಂಗದಲ್ಲಿ ಅನೇಕರು ʼಕಾಂತಾರʼದ ʼಶಿವʼನಿಗೆ ಹುಟ್ಟುಹಬ್ಬದ ಶುಭಾಶಯವನ್ನು ಕೋರಿದ್ದಾರೆ. ನಟ – ನಿರ್ದೇಶಕ ಹಾಗೂ ರಿಷಬ್ ಅವರ ಆತ್ಮೀಯ ಗೆಳೆಯರಲ್ಲಿ ಒಬ್ಬರಾಗಿರುವ ಸಿಂಪಲ್ ಸ್ಟಾರ್ ರಕ್ಷಿತ್ ಶೆಟ್ಟಿ ಅವರು ಕೂಡ ರಿಷಬ್ ಅವರ ಬರ್ತ್ ಡೇ ಸ್ಪೆಷೆಲ್ ವಿಶ್ ಮಾಡಿದ್ದಾರೆ.
ʼತುಘ್ಲಕ್ʼ ಚಿತ್ರದಿಂದ ʼಕಿರಿಕ್ ಪಾರ್ಟಿʼವರೆಗೂ ರಿಷಬ್ – ರಕ್ಷಿತ್ ಜೊತೆಯಾಗಿಯೇ ಬೆಳೆದವರು. ಇಂದು ರಕ್ಷಿತ್ ʼ777 ಚಾರ್ಲಿʼ ಮೂಲಕ ಪ್ಯಾನ್ ಇಂಡಿಯಾ ನಟನಾಗಿದ್ದರೆ, ರಿಷಬ್ ʼಕಾಂತಾರʼದ ಮೂಲಕ ಪ್ಯಾನ್ ಇಂಡಿಯಾ ಸ್ಟಾರ್ ಆಗಿದ್ದಾರೆ. ಇಬ್ಬರು ಚಿತ್ರರಂಗದಲ್ಲಿ ಶ್ರೇಷ್ಠಮಟ್ಟಕ್ಕೆ ಬೆಳದರೂ ಇಂದಿಗೂ ಆತ್ಮೀಯ ಗೆಳೆಯರಾಗಿಯೇ ಜೊತೆಯಾಗಿದ್ದಾರೆ.
ರಿಷಬ್ ಅವರ ಹುಟ್ಟುಹಬ್ಬದ ಪಾರ್ಟಿಯಲ್ಲಿ ರಕ್ಷಿತ್ ಶೆಟ್ಟಿ ಹಾಗೂ ಪ್ರ,ಮೋದ್ ಶೆಟ್ಟಿ ಅವರು ಪಾಲ್ಗೊಂಡಿದ್ದಾರೆ. ಒಂದೇ ತಟ್ಟೆಯಲ್ಲಿ ಮೂವರು ಶೆಟ್ಟಿಗಳು ಬಿರಿಯಾನಿಯನ್ನು ಸೇವಿಸಿದ್ದಾರೆ. ಸಂತಸದ ಕ್ಷಣದ ವಿಡಿಯೋವನ್ನು ನಟಿ, ನಿರ್ದೇಶಕಿ ಶೀತಲ್ ಶೆಟ್ಟಿ ಅವರು ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ.
ಊಟದ ಬಳಿಕ ಫ್ಯಾಮಿಲಿಯೊಂದಿಗೆ ರಿಷಬ್ ಕೇಕ್ ಕತ್ತರಿಸಿ ಹುಟ್ಟುಹಬ್ಬವನ್ನು ಆಚರಿಸಿಕೊಂಡಿದ್ದಾರೆ.
ರಕ್ಷಿತ್ ಹಾಗೂ ರಿಷಬ್ ಇಬ್ಬರೂ ತಮ್ಮ ತಮ್ಮ ಪ್ರಾಜೆಕ್ಟ್ ನಲ್ಲಿ ಬ್ಯುಸಿಯಾಗಿದ್ದಾರೆ. ʼಕಾಂತಾರ-2ʼ ತಯಾರಿಯಲ್ಲಿ ರಿಷಬ್ ನಿರತರಾಗಿದ್ದಾರೆ. ಇತ್ತ ರಕ್ಷಿತ್ ʼ ಸಪ್ತಸಾಗರದಾಚೆ ಎಲ್ಲೋʼ ಸಿನಿಮಾ ರಿಲೀಸ್ ನ್ನು ಎದುರು ನೋಡುತ್ತಿದ್ದಾರೆ.
Last night was quite an occasion to remember!! It was Rishab’s Birthday celebration💁♀️
It couldn’t have gone better than this. I really found this moment so adorable and thought why not take it to social media feed❤️my apologies😛 @shetty_rishab @rakshitshetty pic.twitter.com/htFt0n4VYw
— sheetal shetty (@isheetalshetty) July 7, 2023