ದೈಹಿಕ ಕಿರುಕುಳಕ್ಕೆ ಒಳಗಾಗಿದ್ರಾ ಸಾಯಿ ಪಲ್ಲವಿ?: ʼಮಿಟೂʼ ಬಗ್ಗೆ ಮಾತನಾಡಿದ ಸೌತ್ ಸ್ಟಾರ್
Team Udayavani, Mar 10, 2023, 4:44 PM IST
ಚೆನ್ನೈ: ಸಿನಿಮಾರಂಗದಲ್ಲಿ ಕೆಲ ಸಮಯದ ಹಿಂದೆ ಬಹುದೊಡ್ಡ ಅಲೆಯನ್ನೇ ಸೃಷ್ಟಿಸಿದ್ದ ʼಮಿಟೂʼ ಚಳುವಳಿ ಬಗ್ಗೆ ಸೌತ್ ಇಂಡಿಯಾ ಬ್ಯೂಟಿ ಸಾಯಿ ಪಲ್ಲವಿ ಮಾತನಾಡಿದ್ದಾರೆ.
ಹಾಲಿವುಡ್ ನಲ್ಲಿ ನಿರ್ಮಾಪಕರೊಬ್ಬರು ದೈಹಿಕವಾಗಿ ಕಿರುಕುಳ ನೀಡಿದ ಆರೋಪವನ್ನು ಮುಕ್ತವಾಗಿ ಎಲ್ಲರ ಎದುರಿಗೆ ಕೆಲ ನಟಿಯರು ಹೇಳಿದ ಬಳಿಕ ಭಾರತ ಸೇರಿದಂತೆ ಅನೇಕ ಕಡೆ ʼಮಿಟೂʼ ಪ್ರಕರಣದ ಬಗ್ಗೆ ಧ್ವನಿ ಹೊರಬಂತು. ಹಿಂದಿಯ ನಿರ್ಮಾಪಕ ಸಾಜಿದ್ ಅವರ ಮೇಲೆ ಅನೇಕ ನಟಿಯರು ಮಿಟೂ ಆರೋಪವನ್ನು ಮಾಡಿದ್ದರು. ಇದಲ್ಲದೇ ಕನ್ನಡದಲ್ಲೂ ಸಂಗೀತ ಭಟ್, ಶ್ರುತಿ ಹರಿಹರನ್, ಸಂಜನಾ ಗೆಲ್ರಾನಿ ಸೇರಿದಂತೆ ಹಲವು ನಟಿಯರು ಮಿಟೂ ಬಗ್ಗೆ ಮಾತನಾಡಿದ್ದರು.
2018 ರಲ್ಲಿ ದೊಡ್ಡ ಮಟ್ಟದಲ್ಲಿ ಕೇಳಿ ಬಂದ ಮಿಟೂ ಚಳುವಳಿ ಬಗ್ಗೆ ನಟಿ ಸಾಯಿ ಪಲ್ಲವಿ ಮಾತನಾಡಿದ್ದಾರೆ. ಸೋನಿ ಲಿವ್ ಒಟಿಟಿಯಲ್ಲಿ ಪ್ರಸಾರವಾಗುವ ʼನಿಜಂ ವಿತ್ ಸ್ಮಿತಾ ʼ ಕಾರ್ಯಕ್ರಮದಲ್ಲಿ ಆರಂಭಿಕ ದಿನಗಳಲ್ಲಿದ್ದ ಡ್ಯಾನ್ಸ್ ಹವ್ಯಾಸದ ಕುರಿತು ಮಾತನಾಡುತ್ತಾ ಅವರು ಮಿಟೂ ಬಗ್ಗೆ ಮಾತನಾಡಿದ್ದಾರೆ.
ಪ್ರಶ್ನೆಯೊಂದಕ್ಕೆ ಉತ್ತರಿಸಿದ ಅವರು ದೈಹಿಕ ಹಿಂಸೆ ಮಾತ್ರವಲ್ಲ, ಮಾತಿನ ಮೂಲಕ ಹಿಂಸಿಸುವುದು ಕೂಡ ಮಿಟೂ ವರ್ಗದ ಅಡಿಯಲ್ಲೇ ಬರುತ್ತದೆ ಎಂದು ಹೇಳಿದ್ದಾರೆ.
ಜನಪ್ರಿಯ ನಟಿಯಾಗಿ ಹೆಸರುಗಳಿಸಿರುವ ಸಾಯಿ ಪಲ್ಲವಿ ʼಮಿಟೂʼ ಬಗ್ಗೆ ಮಾತನಾಡಿದ್ದು ಅನೇಕ ಪ್ರಶ್ನೆಗಳನ್ನು ಹುಟ್ಟುಹಾಕಿದೆ. ಸಾಯಿ ಪಲ್ಲವಿ ಅವರಿಗೆ ಯಾರಾದ್ರು ದೈಹಿಕ ಅಥವಾ ಅವರೇ ಹೇಳಿದಾಗೆ ಮಾತಿನ ಮೂಲಕ ಕಿರುಕುಳ ನೀಡಿದ್ರಾ? ಎಂಬಿತ್ಯಾದಿ ಪ್ರಶ್ನೆಗಳನ್ನು ಹುಟ್ಟು ಹಾಕಿದೆ.
ಸದ್ಯ ಈ ಕಾರ್ಯಕ್ರಮದ ಸಣ್ಣ ತುಣುಕನ್ನು ಮಾತ್ರ ರಿಲೀಸ್ ಮಾಡಲಾಗಿದ್ದು, ಶೀಘ್ರದಲ್ಲಿ ಸಂಪೂರ್ಣ ಕಾರ್ಯಕ್ರಮ ಸ್ಟ್ರೀಮ್ ಆಗಲಿದೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
ಮುಸ್ಲಿಮನಾದ್ರೂ ನನಗೆ ನಮಸ್ತೆ ಮಹತ್ವವೇ ಹೆಚ್ಚು: ನಟ ಅಮೀರ್ ಖಾನ್
Ranveer Singh : ʼಹನುಮಾನ್ʼ ನಿರ್ದೇಶಕನ ಸಿನಿಮಾದಲ್ಲಿ ರಣ್ವೀರ್ ಸಿಂಗ್ ನಟನೆ?
ʼರಾಮಾಯಣʼ ಸೆಟ್ನಿಂದ ʼರಾಮ – ಸೀತೆʼಯಾದ ರಣ್ಬೀರ್- ಸಾಯಿಪಲ್ಲವಿ ಪಾತ್ರದ ಫೋಟೋ ಲೀಕ್
ಸಿನಿಮಾದಲ್ಲಿ ಖ್ಯಾತಿ, ಭಾರತೀಯರ ಪ್ರೀತಿಗಳಿಸಿದರೂ ಈ ಸೆಲೆಬ್ರಿಟಿಗಳು ಮತದಾನ ಹಕ್ಕು ಹೊಂದಿಲ್ಲ
Rap song: ವೋಟು ನಮ್ಮ ಪವರ್ ರ್ಯಾಪ್ ಸಾಂಗ್ ಬಿಡುಗಡೆ