Ind-Pak ಪಂದ್ಯ ನೋಡಲು ಹೋಗಿ ದುಬಾರಿ ಐಫೋನ್ ಕಳೆದುಕೊಂಡ ನಟಿ ಊರ್ವಶಿ
Team Udayavani, Oct 15, 2023, 4:06 PM IST
ಅಹಮದಬಾದ್: ಲಕ್ಷಾಂತರ ಪ್ರೇಕ್ಷಕ ಮುಂದೆ ತವರಿನ ಅಂಗಳದಲ್ಲೇ ಭಾರತ ಮತ್ತೊಮ್ಮೆ ಪಾಕ್ ತಂಡವನ್ನು ಸೋಲಿಸಿದೆ. ಆ ಮೂಲಕ ಪಾಕ್ ಗೆ ಎಂಟನೇ ಬಾರಿ ಸೋಲಿನ ರುಚಿ ತೋರಿಸಿದೆ. ಭಾರತ ಗೆಲುವಿನ ಸಂಭ್ರಮವನ್ನು ಮೈದಾನದಲ್ಲೇ ವೀಕ್ಷಿಸಿದವರಲ್ಲಿ ಬಾಲಿವುಡ್ ನಟಿ ಊರ್ವಶಿ ರೌಟೇಲಾ ಕೂಡ ಒಬ್ಬರು.
ಇಂಡೋ – ಪಾಕ್ ಕ್ರಿಕೆಟ್ ಕದನ ಅಹಮದಬಾದ್ ನ ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ ನಡೆದಿತ್ತು. ಈ ಪಂದ್ಯದ ವೀಕ್ಷಣೆಗೆ ನಟಿ ಊರ್ವಶಿ ರೌಟೇಲಾ ಅವರು ತೆರಳಿದ್ದರು. ಕ್ರಿಕೆಟ್ ನೋಡಲು ತೆರಳಿದ್ದ ವೇಳೆ ಅವರು ತನ್ನ ಬೆಲೆಬಾಳುವ ಅಮೂಲ್ಯ ವಸ್ತುವೊಂದನ್ನು ಕಳೆದುಕೊಂಡಿದ್ದಾರೆ.
“ಅಹಮದಾಬಾದ್ನ ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ ನನ್ನ 24 ಕ್ಯಾರೆಟ್ ಚಿನ್ನದ ಐ ಫೋನ್ ಕಳೆದುಹೋಯಿತು! ಯಾರಾದರೂ ಅದನ್ನು ಕಂಡರೆ, ದಯವಿಟ್ಟು ಸಹಾಯ ಮಾಡಿ. ಆದಷ್ಟು ಬೇಗ ನನ್ನನ್ನು ಸಂಪರ್ಕಿಸಿ” ಎಂದು ನಟಿ ಸೋಶಿಯಲ್ ಖಾತೆಯಲ್ಲಿ ಬರೆದುಕೊಂಡಿದ್ದಾರೆ.
ಇದನ್ನೂ ಓದಿ: Art director: ಹೃದಯಾಘಾತದಿಂದ ಕಾಲಿವುಡ್ನ ಖ್ಯಾತ ಕಲಾ ನಿರ್ದೇಶಕ ಮಿಲನ್ ನಿಧನ
“ಅವರು ಸ್ಟೇಡಿಯಂನಲ್ಲಿದ್ದಾಗ ಅವರ ಫೋನ್ ಆಕೆಯ ಅಂಗರಕ್ಷಕನ ಜೇಬಿನಲ್ಲಿತ್ತು. ಫೋಟೋಗಳನ್ನು ಕ್ಲಿಕ್ಕಿಸಲು ಊರ್ವಶಿ ಬಳಿ ಸಾಕಷ್ಟು ಜನರು ಜಮಾಯಿಸಿದ್ದರು ಈ ವೇಳೆಯಾರೋ ಅಂಗರಕ್ಷಕನ ಜೇಬಿನಿಂದ ಫೋನ್ ತೆಗೆದಿದ್ದಾರೆ. ಇದು 24 ಕ್ಯಾರೆಟ್ ಚಿನ್ನದ ಐಫೋನ್ 14 ಪ್ರೊ ಮ್ಯಾಕ್ಸ್ ಆಗಿತ್ತು. ಈ ಫೋನ್ ತುಂಬಾ ದುಬಾರಿಯಾಗಿದೆ” ಎಂದು ನಟಿಯ ಮೂಲವೊಂದು “ಫ್ರಿ ಪ್ರೆಸ್ ಜರ್ನಲ್” ಗೆ ಹೇಳಿರುವುದಾಗಿ ವರದಿ ಆಗಿದೆ.
ಸದ್ಯ ನಟಿ ಪೋಸ್ಟ್ ನಲ್ಲಿ ಅಹಮದಬಾದ್ ಪೊಲೀಸರನ್ನೂ ಟ್ಯಾಗ್ ಮಾಡಿದ್ದಾರೆ. ಪೊಲೀಸರು ನಟಿಯನ್ನು ಸಂಪರ್ಕಿಸಿ ಹೆಚ್ಚಿನ ಮಾಹಿತಿ ಕೇಳಿದ್ದಾರೆ.
View this post on Instagram
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Ranveer Singh : ʼಹನುಮಾನ್ʼ ನಿರ್ದೇಶಕನ ಸಿನಿಮಾದಲ್ಲಿ ರಣ್ವೀರ್ ಸಿಂಗ್ ನಟನೆ?
ʼರಾಮಾಯಣʼ ಸೆಟ್ನಿಂದ ʼರಾಮ – ಸೀತೆʼಯಾದ ರಣ್ಬೀರ್- ಸಾಯಿಪಲ್ಲವಿ ಪಾತ್ರದ ಫೋಟೋ ಲೀಕ್
ಸಿನಿಮಾದಲ್ಲಿ ಖ್ಯಾತಿ, ಭಾರತೀಯರ ಪ್ರೀತಿಗಳಿಸಿದರೂ ಈ ಸೆಲೆಬ್ರಿಟಿಗಳು ಮತದಾನ ಹಕ್ಕು ಹೊಂದಿಲ್ಲ
Rap song: ವೋಟು ನಮ್ಮ ಪವರ್ ರ್ಯಾಪ್ ಸಾಂಗ್ ಬಿಡುಗಡೆ
ಭಾರತದಲ್ಲಿ ರಿಲೀಸ್ಗೂ ಮುನ್ನ ʼಮಂಕಿ ಮ್ಯಾನ್ʼ ಹೆಚ್ ಡಿ ಕಾಪಿ ಲೀಕ್: ವಿಳಂಬ ಯಾಕೆ?