Japan earthquake: ಜಪಾನ್‌ನಿಂದ ಸುರಕ್ಷಿತವಾಗಿ ಭಾರತಕ್ಕೆ ಮರಳಿದ ನಟ ಜೂ.ಎನ್‌ ಟಿಆರ್

Team Udayavani, Jan 2, 2024, 10:22 AM IST

ಹೈದರಾಬಾದ್: ಕಳೆದ ವಾರ ಜಪಾನ್‌ ನಲ್ಲಿ ಕುಟುಂಬಸ್ಥರೊಂದಿಗೆ ಆತ್ಮೀಯ ಕ್ಷಣಗಳನ್ನು ಕಳೆದಿದ್ದ ನಟ ಜೂ.ಎನ್‌ ಟಿಆರ್‌  ಸುರಕ್ಷಿತವಾಗಿ ಭಾರತಕ್ಕೆ ಮರಳಿದ್ದಾರೆ.

ಜಪಾನ್‌ ನಲ್ಲಿ 155 ಬಾರಿ ಭೂಮಿ ಕಂಪಿಸಿದ್ದು, ಸುನಾಮಿಯಿಂದ 12 ಮಂದಿ ಮೃತಪಟ್ಟಿದ್ದಾರೆ. ಹತ್ತಾರು ಕಟ್ಟಡಗಳು ಕುಸಿದಿವೆ. ಜನರು ಪ್ರಾಣ ಭಯದಿಂದ ಸುರಕ್ಷಿತ ಸ್ಥಳಕ್ಕೆ ತೆರಳುತ್ತಿದ್ದಾರೆ. ಭೀಕರ ಸುನಾಮಿಯ ಎಚ್ಚರಿಕೆಯನ್ನು ನೀಡಲಾಗಿದೆ.

ಕ್ರಿಸ್‌ ಮಸ್‌ ಹಾಗೂ ಹೊಸ ವರ್ಷದ ಸಂಭ್ರಮಕ್ಕಾಗಿ ನಟ ಜೂ.ಎನ್‌ ಟಿಆರ್‌ ತನ್ನ ಕುಟುಂಬದೊಂದಿಗೆ ಜಪಾನ್‌ ತೆರಳಿದ್ದರು.  ತಮ್ಮ ಪತ್ನಿ ಲಕ್ಷ್ಮಿ ಪ್ರಣತಿ ಮತ್ತು ಅವರ ಇಬ್ಬರು ಮಕ್ಕಳಾದ ಅಭಯ್ ಮತ್ತು ಭಾರ್ಗವ್ ಅವರೊಂದಿಗೆ ಕ್ರಿಸ್‌ಮಸ್ ಮತ್ತು ಹೊಸ ವರ್ಷವನ್ನು ಜಪಾನ್‌ನಲ್ಲಿ ಕಳೆದಿದ್ದಾರೆ.

ಜ.1 ರಂದು ಜಪಾನ್‌ ನಲ್ಲಿ ಸುನಾಮಿಯ ಎಚ್ಚರಿಕೆಯನ್ನು ನೀಡಲಾಗಿದೆ. ಭೂಕಂಪದ ಭೀತಿಯಲ್ಲಿದ್ದ ಜಪಾನ್‌ ನಿಂದ ಜೂ.ಎನ್‌ ಟಿಆರ್‌ ವಾಪಾಸ್‌ ಆಗಿದ್ದು, ಸುರಕ್ಷಿತವಾಗಿ ಬಂದಿರುವ ಬಗ್ಗೆ ʼಎಕ್ಸ್‌ʼನಲ್ಲಿ ಬರೆದುಕೊಂಡಿದ್ದಾರೆ.

“ಇಂದು ಜಪಾನ್‌ ನಿಂದ ಹಿಂತಿರುಗಿ ಮನೆಗೆ ಬಂದಿದ್ದೇನೆ. ಅಲ್ಲಿಗೆ ಅಪ್ಪಳಿಸಿರುವ ಭೂಕಂಪದ ಸುದ್ದಿಯಿಂದ ಆಘಾತಗೊಂಡಿದ್ದೇನೆ. ಕಳೆದ ವಾರ ಪೂರ್ತಿ ಅಲ್ಲಿಯೇ ಕಳೆದಿದ್ದೇನೆ. ಕಷ್ಟದಲ್ಲಿ ಬಾಧಿತರಾದವರ ಜೊತೆ ನನ್ನ ಮನಸ್ಸು ಇರುತ್ತದೆ. ಶೀಘ್ರದಲ್ಲಿ ಪರಿಸ್ಥಿತಿ ಸರಿಯಾಗುತ್ತದೆಂದು ಆಶಿಸುತ್ತೇನೆ” ಎಂದು ಬರೆದುಕೊಂಡಿದ್ದಾರೆ.

ಜನವರಿ 1 ರಂದು, ಜೂನಿಯರ್ ಎನ್‌ಟಿಆರ್, ಅವರ ಪತ್ನಿ ಮತ್ತು ಇಬ್ಬರು ಪುತ್ರರು ಹೈದರಾಬಾದ್ ವಿಮಾನ ನಿಲ್ದಾಣಕ್ಕೆ ಆಗಮಿಸಿದ್ದಾರೆ.

ʼಆರ್‌ ಆರ್‌ ಆರ್‌ ʼ ಬಳಿಕ ಜೂನಿಯರ್ ಎನ್‌ಟಿಆರ್ ʼದೇವರʼ ಸಿನಿಮಾದಲ್ಲಿ ಬ್ಯುಸಿಯಾಗಿದ್ದಾರೆ. ಇದರ ಮೊದಲ ಗ್ಲಿಂಪ್ಸ್‌ ಜ.8 ರಂದು ರಿವೀಲ್‌ ಆಗಲಿದೆ.

 

View this post on Instagram

 

A post shared by Kamlesh Nand (work) (@artistrybuzz_)