ಸೋಂಕು ಹರಡುವಿಕೆ ರೀತಿ ಪತ್ತೆ ಮಾಡಿದ ವಿಜ್ಞಾನಿಗಳು

Team Udayavani, Jul 3, 2020, 10:05 AM IST

ಮುಂಬಯಿ: ಶಿವಾಜಿನಗರದಲ್ಲಿ ಮನೆಗಳಿಗೆ ತೆರಳಿ ಕೋವಿಡ್‌ ಪರೀಕ್ಷೆ ನಡೆಸುತ್ತಿರುವ ಆರೋಗ್ಯ ಕಾರ್ಯಕರ್ತರು.

ಲಾಸ್‌ ಏಂಜಲೀಸ್‌ : ವೈರಸ್‌​ ತಾನು ದಾಳಿ ಮಾಡುವ ಜೀವಕೋಶದ ಪ್ರೊಟೀನ್‌​​ಗಳನ್ನು ಹೈಜಾಕ್‌ ಮಾಡಿ, ಅಲ್ಲಿಂದ ಉದ್ದನೆಯ ಕೈ ರೀತಿಯ ರಚನೆಯನ್ನು ಬೆಳೆಸಿಕೊಂಡು ಹತ್ತಿರದ ಜೀವಕೋಶಕ್ಕೆ ತಲುಪುವ ಮೂಲಕ ಸೋಂಕು ಹರಡುತ್ತಾ ಹೋಗುವಂತೆ ಮಾಡುತ್ತದೆ ಎಂದು ಸಂಶೋಧಕರು ತೋರಿಸಿ ಕೊಟ್ಟಿದ್ದಾರೆ. ಇದೇ ಸಂಶೋಧನೆಯ ಆಧಾರದಲ್ಲಿ ವೈರಸ್‌​ ಹರಡುವ ಪ್ರಕ್ರಿಯೆ ತಡೆಗಟ್ಟಬಲ್ಲ ಔಷಧಗಳನ್ನು ತಯಾರಿಸಲು ವಿಜ್ಞಾನಿಗಳು ಪ್ರಯತ್ನಿಸುತ್ತಿದ್ದಾರೆ.

ಕೋವಿಡ್ ಸೋಂಕು ದಾಳಿ ಮಾಡುವ ಕೋಶದ ವ್ಯವಸ್ಥೆಯನ್ನ ಸಂಪೂರ್ಣ ನಿಯಂತ್ರಣಕ್ಕೆ ತೆಗೆದುಕೊಳ್ಳುತ್ತದೆ ಹಾಗೂ ಅಲ್ಲಿ ಮತ್ತಷ್ಟು ಸೋಂಕಿನ ಕಣಗಳು ಹುಟ್ಟುವಂತೆ ವ್ಯವಸ್ಥೆ ಮಾರ್ಪಡಿಸುತ್ತದೆ. ಕೆಲ ಬಾರಿ ಇಂಥ ಹೈಜಾಕಿಂಗ್‌​ ಆದಾಗ ದಾಳಿಯಾದ ಕೋಶದ ಪ್ರೊಟೀನ್‌ ಹಾಗೂ ಇತರ ಮಾಲಿಕ್ಯೂಲ್‌​ಗಳಾದ ಎಂಜೈಮ್‌​ಗಳ ಕಾರ್ಯವನ್ನು ಏರುಪೇರು ಮಾಡುವ ವೈರಸ್‌​, ಪ್ರೊಟೀನ್‌​ಗಳಲ್ಲಿನ ರಾಸಾಯನಿಕ ಕ್ರಿಯೆಗಳನ್ನು ಮಾರ್ಪಡಿಸುತ್ತದೆ ಎಂದು ಯುರೋಪಿಯನ್‌ ಬಯೊ ಇನ್ಫರ್ಮೆಟಿಕ್ಸ್ ಇನ್‌​ಸ್ಟಿಟ್ಯೂಟ್‌ ಮತ್ತು ಸ್ಯಾನ್‌ ಫ್ರಾನ್ಸಿಸ್ಕೊದ ಯುನಿವರ್ಸಿಟಿ ಆಫ್‌ ಕ್ಯಾಲಿಫೋರ್ನಿಯಾದ ವಿಜ್ಞಾನಿಗಳು ತಿಳಿಸಿದ್ದಾರೆ.

ದಾಳಿಯಾದ ಶರೀರದ ಕೋಶದ ಪ್ರೊಟೀನ್‌ ಮತ್ತು ವೈರಲ್‌​ ಪ್ರೊಟೀನ್‌​ಗಳಲ್ಲಾಗುವ ಎಂಜೈಮ್‌​ ಪ್ರಕ್ರಿಯೆಯನ್ನು ಫಾಸೊ ರೈಲೇಶನ್‌ ಎಂದು ಕರೆಯಲಾಗಿದೆ. ಈ ಫಾಸೊ#ರೈಲೇಶನ್‌ ಪ್ರಕ್ರಿಯೆಯಲ್ಲಿ ಪ್ರೊಟೀನ್‌​ ಒಳಗಡೆ ಫಾಸೊ#ರಿಲ್‌ ಗ್ರೂಪ್‌ ರಚನೆಯಾಗಿ ಕೈನೇಸ್‌ ಎಂಬ ಎಂಜೈಮ್‌ ಬಿಡುಗಡೆಯಾಗುತ್ತದೆ.

ಜೀವಕೋಶದ ಬಹುತೇಕ ಎಲ್ಲ ಕಾರ್ಯವಿಧಾನ, ಕೋಶದಿಂದ ಕೋಶದ ಸಂಪರ್ಕ, ಕೋಶದ ಬೆಳವಣಿಗೆ ಹಾಗೂ ಕೋಶದ ಸಾವು ಎಲ್ಲವನ್ನೂ ಈ ಕೈನೇಸ್‌ ಎಂಜೈಮ್‌ ನಿಯಂತ್ರಿಸುತ್ತದೆ ಎಂದು ಸಂಡೇ ಜರ್ನಲ್‌ ನಿಯತಕಾಲಿಕೆಯಲ್ಲಿ ಪ್ರಕಟವಾದ ಸಂಶೋಧನಾ ವರದಿ ಹೇಳಿದೆ.

ದಾಳಿ ಮಾಡುವ ದೇಹದ ಪ್ರೊಟೀನ್‌​ಗಳ ಫಾಸೊ ರೈಲೇಶನ್‌ ಮಾದರಿಗಳನ್ನು ಬದಲಾಯಿಸುವ ಮೂಲಕ ಸೋಂಕು ತನ್ನನ್ನು ತಾನು ಬೇರೆ ಕೋಶಗಳಿಗೆ ಹಾಗೂ ನಂತರ ಬೇರೆ ಜೀವಿಗಳಿಗೆ ಹರಡುವ ವ್ಯವಸ್ಥೆಯನ್ನು ನಿರ್ಮಿಸಿಕೊಳ್ಳುತ್ತದೆ. ಸೋಂಕಿನೊಂದಿಗೆ ಸಂಪರ್ಕಕ್ಕೆ ಬರುವ ಶೇ.12 ರಷ್ಟು ಪ್ರೊಟೀನ್‌​ಗಳು ಮಾರ್ಪಾಟಾಗಿರುತ್ತವೆ. ಇಂಥ ಮಾರ್ಪಾಟುಗಳನ್ನು ಬಹುತೇಕ ಕೈನೇಸ್‌​ಗಳು ನಿಯಂತ್ರಿಸುತ್ತವೆ ಎಂದು ವಿಜ್ಞಾನಿಗಳು ಪತ್ತೆ ಮಾಡಿದ್ದಾರೆ.