ಚಾಮರಾಜನಗರ: ಇಂದು 94 ಮಂದಿಗೆ ಸೋಂಕು ದೃಢ: 73 ಮಂದಿ ಗುಣಮುಖ

Team Udayavani, Oct 15, 2020, 8:16 PM IST

ಚಾಮರಾಜನಗರ: ಜಿಲ್ಲೆಯಲ್ಲಿ ಗುರುವಾರ 94 ಹೊಸ ಕೋವಿಡ್ ಪ್ರಕರಣಗಳು ದೃಢಪಟ್ಟಿದ್ದು, ಇದೇ ವೇಳೆ 73 ಮಂದಿ ಗುಣಮುಖರಾಗಿದ್ದಾರೆ. ಇಬ್ಬರು ಸೋಂಕಿನ ಕಾರಣದಿಂದ ಮೃತಪಟ್ಟಿದ್ದಾರೆ ಎಂದು ವರದಿಯಾಗಿದೆ.

ತಾಲೂಕಿನ ಆಲೂರು ಗ್ರಾಮದ ನಿವಾಸಿ 68 ವರ್ಷದ ವ್ಯಕ್ತಿ ಅ.4 ರಂದು ಕೋವಿಡ್ ಆಸ್ಪತ್ರೆಗೆ ದಾಖಲಾಗಿದ್ದು ಚಿಕಿತ್ಸೆ ಫಲಕಾರಿಯಾಗದೇ ಅ. 15 ರಂದು ಮೃತರಾಗಿದ್ದಾರೆ. ಬಲಚವಾಡಿ ಗ್ರಾಮದ ನಿವಾಸಿ 80 ವರ್ಷದ ವೃದ್ಧ ಅ.9 ರಂದು ದಾಖಲಾಗಿದ್ದು, ಚಿಕಿತ್ಸೆ ಫಲಿಸದೇ ಗುರುವಾರ ಮೃತರಾದರು ಎಂದು ಜಿಲ್ಲಾಧಿಕಾರಿ  ಕಚೇರಿ ಪ್ರಕಟಣೆ ತಿಳಿಸಿದೆ.

ಜಿಲ್ಲೆಯಲ್ಲಿ ಈವರೆಗೆ 5245 ಪಾಸಿಟಿವ್ ಪ್ರಕರಣಗಳು ದೃಢಪಟ್ಟಿದ್ದು, ಈ ಪೈಕಿ 4363 ಮಂದಿ ಗುಣಮುಖರಾಗಿದ್ದಾರೆ. 772 ಪ್ರಕರಣಗಳು ಸಕ್ರಿಯವಾಗಿವೆ. ಇದುವರೆಗೆ ಒಟ್ಟು 110 ಮಂದಿ ಕೋವಿಡ್ ಹಾಗೂ ಕೋವಿಡೇತರ ಕಾರಣದಿಂದ ಮೃತಪಟ್ಟಿದ್ದಾರೆ.  44 ಮಂದಿ ಐಸಿಯುನಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. 200 ಮಂದಿ ಮನೆಯಲ್ಲಿದ್ದು ಚಿಕಿತ್ಸೆ ಪಡೆದುಕೊಳ್ಳುತ್ತಿದ್ದಾರೆ. ಗುರುವಾರ ಒಟ್ಟು 1209 ಮಾದರಿಗಳನ್ನು ಪರೀಕ್ಷೆಗೆ ಒಳಪಡಿಸಲಾಗಿತ್ತು.

ಇಂದಿನ ಪ್ರಕರಣಗಳು: 94

ಇಂದು ಗುಣಮುಖ: 73

ಒಟ್ಟು ಗುಣಮುಖ: 4363

ಇಂದಿನ ಸಾವು: 02

ಒಟ್ಟು ಸಾವು: 110

ಸಕ್ರಿಯ ಪ್ರಕರಣಗಳು: 772

ಒಟ್ಟು ಸೋಂಕಿತರು: 5245