ಬಾಗಲಕೋಟೆ ಕೋವಿಡ್ ಸೋಂಕಿತ ಮೃತ ವೃದ್ಧನ ಪತ್ನಿ- ಸಹೋದರನಿಗೆ ಕೋವಿಡ್ ನೆಗೆಟಿವ್ ವರದಿ
Team Udayavani, Apr 19, 2020, 7:08 PM IST
ಬಾಗಲಕೋಟೆ : ಜಿಲ್ಲೆಯಲ್ಲಿ ಕೋವಿಡ್-19 ಸೋಂಕು 21 ಜನರಿಗೆ ವಿಸ್ತರಣೆಯಾದ ಭೀತಿಯಲ್ಲೇ ಸಮಾಧಾನದ ವಿಷಯವೊಂದು ಹೊರ ಬಿದ್ದಿದೆ. ಕೋವಿಡ್-19 ಸೋಂಕಿನಿಂದ ಮೃತಪಟ್ಟಿದ್ದ 76 ವರ್ಷದ ವೃದ್ಧನ ಪತ್ನಿ ಹಾಗೂ ಸಹೋದರನಿಗೂ ಸೋಂಕು ತಗುಲಿತ್ತು. ಆದರೆ, 14 ದಿನಗಳ ಬಳಿಕ ಅವರಿಬ್ಬರಿಗೂ ತಪಾಸಣೆ ಮಾಡಿದ್ದು, ಸದ್ಯ ಕೋವಿಡ್ ನೆಗೆಟಿವ್ ಬಂದಿದೆ.
ನಗರದ ಹಳಪೇಟ ಮಡು ಏರಿಯಾದ 76 ವರ್ಷದ ವೃದ್ಧ ಮಾ.31ರಂದು ಕೋವಿಡ್-19 ಲಕ್ಷಣದಿಂದ ಜಿಲ್ಲಾ ಆಸ್ಪತ್ರೆಗೆ ದಾಖಲಾಗಿದ್ದರು. ಅವರಿಗೆ ಸೋಂಕು ಇರುವುದು ಏ. 2ರಂದು ದೃಢಪಟ್ಟಿತ್ತು. ಏ. 3ರಂದು ಅವರು ಮೃತಪಟ್ಟಿದ್ದರು. ಅವರಿಗೆ ಡೆಂಘಿ ಪಾಸಿಟಿವ್ ಜೊತೆಗೆ, ಹೃದಯ ಶಸ್ತ್ರ ಚಿಕಿತ್ಸೆ ಕೂಡಾ ಆಗಿತ್ತು. ಹೀಗಾಗಿ ಕೊವಿಡ್ ಸೋಂಕು ಖಚಿತಪಟ್ಟ ಮರುದಿನವೇ ಅವರು ಮೃತಪಟ್ಟಿದ್ದರು. ಬಳಿಕ ಅವರ ಮನೆಯ ಎಲ್ಲ ವ್ಯಕ್ತಿಗಳ ತಪಾಸಣೆ ಮಾಡಿದಾಗ, ವೃದ್ಧನ ಪತ್ನಿ ಪಿ 162(54 ವರ್ಷ) ಹಾಗೂ ಆತನ ಸಹೋದರ ಪಿ 161 (58 ವರ್ಷ) ಅವರಿಗೂ ಸೋಂಕು ತಗುಲಿರುವುದು ಏ. 6ರಂದು ದೃಢಪಟ್ಟಿತ್ತು.
ಏ. 6ರಿಂದ ಅವರಿಗೆ ಚಿಕಿತ್ಸೆ ನೀಡಲಾಗುತ್ತಿದ್ದು, 14 ದಿನಗಳ ಬಳಿಕ ಮತ್ತೊಮ್ಮೆ ಅವರ ಗಂಟಲು ದ್ರವ ತಪಾಸಣೆಗೆ ಕಳುಹಿಸಲಾಗಿತ್ತು. ಅದರ ವರದಿ ಬಂದಿದ್ದು, ಕೋವಿಡ್-19 ನೆಗೆಟಿವ್ ಎಂದು ಬಂದಿದೆ ಎಂದು ಡಿಎಚ್ಒ ಡಾ. ಅನಂತ ದೇಸಾಯಿ ರವಿವಾರ ಸಂಜೆ ಸುದ್ದಿಗೋಷ್ಠಿಯಲ್ಲಿ ತಿಳಿಸಿದರು.
ಈ ಇಬ್ಬರಿಗೆ ಸದ್ಯ ಕೋವಿಡ್ ಲಕ್ಷಣಗಳಿಲ್ಲ. ಅಲ್ಲದೇ ಅವರ ವರದಿಯೂ ನೆಗೆಟಿವ್ ಬಂದಿದೆ. 24 ಗಂಟೆಯ ಬಳಿಕ ಮತ್ತೊಂದು ಬಾರಿ ಗಂಟಲು ದ್ರವ ಪರೀಕ್ಷೆಗೆ ಕಳುಹಿಸಲಾಗುವುದು. ಆಗಲೂ ಅವರಿಗೆ ಕೋವಿಡ್ ನೆಗೆಟಿವ್ ಬಂದರೆ, ಅವರನ್ನು ಆಸ್ಪತ್ರಯಿಂದ ಬಿಡುಗಡೆಗೊಳಿಸುವ ಕುರಿತು ಜಿಲ್ಲಾಡಳಿತ ನಿರ್ಧಾರ ಕೈಗೊಳ್ಳಲಿದೆ ಎಂದು ಹೇಳಿದರು.
ಅವರು ಜಿಲ್ಲಾ ಆಸ್ಪತ್ರೆಯಿಂದ ಬಿಡುಗಡೆಗೊಂಡರೂ, ಅವರಿಗೆ ಮತ್ತೆ 14 ದಿನಗಳ ಮನೆಯಿಂದ ಹೊರ ಬಾರದೇ ಹೋಂ ಕ್ವಾರೆಂಟೈನ್ ಕಡ್ಡಾಯ ಎಂದರು.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Uppinangady ಮುರಿದು ಬಿದ್ದ ಮದುವೆ; ಕುಟುಂಬಸ್ಥರು ಕಂಗಾಲು
Google ಜಾಹೀರಾತಿಗೆ ಬಿಜೆಪಿ ವೆಚ್ಚ ಮಾಡಿದ ಹಣವೆಷ್ಟು ಗೊತ್ತೆ?
EC ಗುರಿ ಸಾಧನೆಗೆ ಹಿನ್ನಡೆ? 14 ಕ್ಷೇತ್ರಗಳಲ್ಲಿ ನಿರೀಕ್ಷಿತ ಯಶಸ್ಸು ಕಾಣದ ಮತದಾನ
Vijay Mallya ಹಸ್ತಾಂತರಕ್ಕೆ ಫ್ರಾನ್ಸ್ನೊಂದಿಗೆ ಭಾರತ ಮಾತುಕತೆ
ಇಂದು ಬೆಳಗಾವಿಯಲ್ಲಿ ಮೋದಿ ವಾಸ್ತವ್ಯ; ಜೊಲ್ಲೆ ಸಮೂಹದ ವೆಲ್ಕಮ್ ಹೊಟೇಲ್ನಲ್ಲಿ ವ್ಯವಸ್ಥೆ