Fraud: ಫ್ಲ್ಯಾಟ್ ಖರೀದಿ ಹೆಸರಲ್ಲಿ ಖಾಸಗಿ ಫೈನಾನ್ಸ್ ಕಂಪನಿಗೆ 60.8 ಲಕ್ಷ ವಂಚನೆ
Team Udayavani, Apr 15, 2024, 11:23 AM IST
ಬೆಂಗಳೂರು: ಫ್ಲ್ಯಾಟ್ ಖರೀದಿಸುವ ಸೋಗಿನಲ್ಲಿ ನಕಲಿದಾಖಲೆ ಸಲ್ಲಿಸಿ ಖಾಸಗಿ ಫೈನಾನ್ಸ್ ಕಂಪನಿಯಿಂದ 60.85 ಲಕ್ಷ ರೂ. ಸಾಲ ಪಡೆದು ವಂಚಿಸಿದ ಆರೋಪದಡಿ ದಂಪತಿ ಸೇರಿ ಮೂವರ ವಿರುದ್ಧ ಜಯನಗರ ಪೊಲೀಸ್ ಠಾಣೆಯಲ್ಲಿ ಎಫ್ಐಆರ್ ದಾಖಲಾಗಿದೆ.
ಜಯನಗರ 8ನೇ ಬ್ಲಾಕ್ನ ಖಾಸಗಿ ಫೈನಾನ್ಸ್ ಲಿಮಿಟೆಡ್ ಕಂಪನಿಯಲ್ಲಿ ಸೇಲ್ಸ್ ಮ್ಯಾನೇಜರ್ ಎಲ್. ಗಜೇಂದ್ರ ಎಂಬವರು ನೀಡಿದ ದೂರಿನ ಮೇರೆಗೆ ಆರ್ಎಂವಿ 2ನೇ ಹಂತದ ರೈಲ್ವೆ ಕಾಲೋನಿ ನಿವಾಸಿಗಳಾದ ಕೋಮಲ ಮೋಹಿತೆ(33), ಆಕೆಯ ಪತಿ ವಿಜಯಕುಮಾರ್ ಗೋಪಾಲ್ ರಾವ್ (38) ಹಾಗೂ ಉತ್ತರಹಳ್ಳಿಯ ಅನುಸೂಯದೇವಿ(42) ಎಂಬವರ ವಿರುದ್ಧ ವಂಚನೆ, ನಕಲಿ ದಾಖಲೆ ಸೃಷ್ಟಿ, ನಂಬಿಕೆ ದ್ರೋಹ ಸೇರಿ ವಿವಿಧ ಆರೋಪಗಳ ಅಡಿ ಎಫ್ಐಆರ್ ದಾಖಲಿಸಿ ತನಿಖೆ ಕೈಗೊಳ್ಳಲಾಗಿದೆ ಎಂದು ಪೊಲೀಸರು ಹೇಳಿದರು.
ಏನಿದು ವಂಚನೆ?: 2 ವರ್ಷಗಳ ಹಿಂದೆ ಆರೋಪಿತ ದಂಪತಿ ಜಯನಗರದ ಖಾಸಗಿ ಫೈನಾನ್ಸ್ಗೆ ಹೋಗಿ, ಉತ್ತರಹಳ್ಳಿಯ ಬಿಕಾಸಿಪುರ ಗ್ರಾಮದ ಆನಂದಕುಟೀರಅಪಾರ್ಟ್ಮೆಂಟ್ನ 2ನೇ ಮಹಡಿಯ ಫ್ಲ್ಯಾಟ್ವೊಂದನ್ನು ಮಾಲೀಕರಾದ ಎಚ್.ಕೆ.ಅನುಸೂಯದೇವಿ ಎಂಬವರಿಂದ ಖರೀದಿಸುತ್ತಿದ್ದೇವೆ. ಹೀಗಾಗಿ ನಿಮ್ಮ ಫೈನಾನ್ಸ್ನಿಂದ ಸಾಲಬೇಕೆಂದು ಕೇಳಿದ್ದು, ಅದಕ್ಕೆ ಪೂರಕ ದಾಖಲೆಗಳನ್ನು ನೀಡಿದ್ದರು. ಈ ದಾಖಲೆಗಳ ಪರಿಶೀಲಿಸಿದಾಗ ಫೈನಾನ್ಸ್ ಅಧಿಕಾರಿಗಳು 2022ರ ಸೆ.2ರಂದು ದಂಪತಿಗೆ 60.85 ಲಕ್ಷ ರೂ. ಸಾಲ ಮಂಜೂರು ಮಾಡಿದ್ದಾರೆ. ಫ್ಲ್ಯಾಟ್ ಮಾಲೀಕರಾದ ಅನುಸೂಯದೇವಿ ಹೆಸರಿಗೆ ಚೆಕ್ ನೀಡಲಾಗಿದ್ದು, ಹಣ ಕೂಡ ಅನುಸೂಯದೇವಿ ಖಾತೆಗೆ ಜಮೆ ಆಗಿತ್ತು. ಹೀಗಾಗಿ ಆರೋಪಿತ ದಂಪತಿ ಪ್ರತಿ ತಿಂಗಳು 48 ಸಾವಿರ ರೂ. ಪಾವತಿಸುತ್ತಿದ್ದರು. ಈ ಮಧ್ಯೆ ಕಳೆದ 4 ತಿಂಗಳಿಂದ ಆರೋಪಿತರು ಹಣ ಪಾವತಿಸಿಲ್ಲ. ಅದರಿಂದ ಅನುಮಾನಗೊಂಡ ಫೈನಾನ್ಸ್ ಅಧಿಕಾರಿಗಳು ಆರೋಪಿತರು ನೀಡಿದ ದಾಖಲೆಗಳನ್ನು ಪರಿಶೀಲಿಸಿದಾಗ ನಕಲಿ ಎಂಬುದು ಗೊತ್ತಾಗಿದೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Bengaluru: ಕ್ರೈಂ ತಡೆಗೆ ರಾತ್ರಿ ಗಸ್ತು ಹೆಚ್ಚಳ; ದಯಾನಂದ್
Bengaluru: ಮೆಟ್ರೋ ಶೌಚದಲ್ಲಿ ಕ್ಯೂಆರ್ ಕೋಡ್ ಅಂಟಿಸಿದ್ದ ಉದ್ಯಮಿ ಸೆರೆ
Bengaluru: ಗ್ರಾಹಕನ ಗುಪ್ತಾಂಗ ಮುಟ್ಟಿ ಡೆಲಿವರಿ ಬಾಯ್ ನೀಚ ಕೃತ್ಯ
ಚಾಕೋಲೆಟ್ ಕೊಡ್ತೇನೆಂದು ಮನೆಗೆ ಕರೆದು ಬಾಲಕಿಗೆ ಲೈಂಗಿಕ ದೌರ್ಜನ್ಯ: ಇಬ್ಬರು ಬಂಧನ
Bengaluru: ಚೆಕ್ ದುರ್ಬಳಕೆ; ಕ್ಯಾಷಿಯರ್, ಎಲ್ಐಸಿ ಏಜೆಂಟ್ಗೆ ಜೈಲು
MUST WATCH
ಹೊಸ ಸೇರ್ಪಡೆ
Tragedy; ಲಚ್ಯಾಣ ರಥೋತ್ಸವ ಗಾಯಾಳುವೂ ಸಾವು: ಮೃತರ ಸಂಖ್ಯೆ ಮೂರಕ್ಕೇರಿಕೆ
Karnataka ಮಾಜಿ ಮುಖ್ಯಮಂತ್ರಿ ಎಸ್.ಎಂ. ಕೃಷ್ಣ ಆಸ್ಪತ್ರೆಗೆ ದಾಖಲು
Hukkeri;ಧಾರ್ಮಿಕ ಕೇಂದ್ರದಲ್ಲಿ ಚುನಾವಣ ಪ್ರಚಾರ ಗಲಾಟೆ: ದೂರು ದಾಖಲು
Bidar; ಹಣ ಹಂಚುವ ದೂರು: ನಾಗಮಾರಪಳ್ಳಿ ಮನೆಯಲ್ಲಿ ಪರಿಶೀಲನೆ
Vijayapura; 33 ಲಕ್ಷ ರೂ. ಮೌಲ್ಯದ ಮಾದಕ ವಸ್ತು, ವಾಹನ ವಶ : ದೆಹಲಿ ಮೂಲದ ವ್ಯಕ್ತಿ ಬಂಧನ